Дание́лё 8:1 - Библия - Пэ Балтитко Романи чиб (Романэс) 2019

¹ Пэ три́то бэрш кралипнаскиро, сыр Валтасаро яця́ крали́са, то явдя́ ма́нгэ, Даниелёскэ, дыкхибэ́н пало́ дова́, саво́ явдя́ ма́нгэ пэ́рво мо́ло.

Biblija - Pe Baltitko Romani čib (Romanes) 2019

¹ Pe tríto berš kralipnaskiro, syr Valtasaro jaciá kralísa, to javdiá mánge, Danijeljoske, dykhibén paló dová, savó javdiá mánge pérvo mólo.

Дание́лё 8:1 Referans Kwoze

Дание́лё 7:1

Пэ пэ́рво бэрш Валтасароскиро, Вавилонытконэ-Крали́скиро, Дание́лё дыкхця́ (дыя́) сунэ́ и пророкэ́нгирэ (пророчы́тка) дыкхибэна пэ́скрэ шэрэстыр, ке́ли ёв сыс пэ пэ́скиро чхуибэ́н. Тэ́ньци ёв зачхиндя́ дова́ суно́, роспхэни пэрвонэ́ лава́.

Дание́лё 11:4

Нэ ке́ли ёв уштэ́ла, то кралипэ́н лэ́скиро роспэрэлапэ и роскэрэлапэ пэ штар болыбны́тка балваля, никонэ́скэ лэскрэ сэмэнца́кэ на пириджала дова́ кралипэ́н, и кадасавэ́ зорья́са, савья́са ёв хулаинэлас; хасёла кралипэ́н лэ́скиро и дорэсэлапэ явирэ́нгэ, апри́ч кодолэндэ.

Дание́лё 10:7

Фэ́ни (то́ка) мэ екхджино́, Даниеле, дыкха́вас дасаво дыкхибэ́н, э мануша́, савэ́ сыс ма́нца, на дыкхнэ́ дасаво дыкхибэ́н; нэ пыя́ пэ лэ́ндэ бари дар и ёнэ нашнэ́, соб (кай) тэ гаравэнпэ.

Дание́лё 10:2

Дрэ кодолэ́ дывэса́ мэ со́мас, Дание́лё, дрэ ту́га ясвэ́нца трин эфтытка (седьмины) дывэса́.

Дание́лё 9:2

пэ пэ́рво бэрш лэ́скирэ кралипнаскиро, мэ-да, Дание́лё, ґалыём лылварьендыр чысло (гин) бэршуно, пал саво́ сыс лав Ра́скиро-Дэвлэ́скиро кэ проро́ко Ереме́ё, со пал эфтадэша́ бэрш Ерусалимо явэ́ла чхучо́ (пусто).

Дание́лё 8:15

И сыс: “Ке́ли мэ, Дание́лё, дыкхцём кадава́ дыкхибэ́н и родавас лэ́скири зна́чыма; акэ, уштыя́ анги́л ма́ндэ одова́, саво́ выдыцёлас сы́рбы о джино муршытко.

Дание́лё 7:28

Акэ, исын ко́нцо лавэскиро. Ма́ндэ, Даниелёстэ, древа́н смэнтна (грусна) кэрдэ́пэ мирэ́ ду́мы, и мина пэ муй миро парудыя; нэ лав мэ зракхцём дро миро ило́.”

Дание́лё 7:15

Лыя́ тэ пхарьёл миро ду́хо (фа́но) андра́л ма́ндэ, Даниелёстэ, дро мирэ́ маса́, и дыкхибэ́н мирэ́ шэрэскиро кэрдя́ ма́нгэ пхарипэ́н.

Езэкилё 1:1

И сыс: дро (дэшутрито) бэрш, дро шта́рто чхон пэ па́нджто чхонытко дывэ́с, ко́ли мэ со́мас машки́р одолэ́ндэ, конэ́с традынэ дро пле́но, пашы́л рэка (лэнь) Ховар – откэрдяпэ болыбэ́н, и мэ дыкхцём дыкхибэна Дэвлэ́стыр.

Дание́лё 1:17

И дыя́ о Дэвэ́л штарэнгэ адалэ́ тэрнэ́-бэршэнгирэнгэ джиныбэ́н и ґалыибэ́н дрэ кажно лылвари́ и годы́, а Даниелёскэ ишчо (инкэ́) дыя́ ґалыибэ́н дро кажно дыкхибэ́н, и дрэ сунэ́.

Дание́лё 8:2

И дыкха́вас мэ дова́ дыкхибэ́н, и ке́ли дыкха́вас, мэ со́мас дрэ Суза, шэрутно фо́ро кай сыс тва́рдыма/диз [крепость-ю.о.], кай исын Эламоскири округа, и дыкха́вас мэ дро дыкхибэ́н, сы́рбы мэ со́мас пашы́л рэка (лэнь) Улай.