Дание́лё 7:9 - Библия - Пэ Балтитко Романи чиб (Романэс) 2019

⁹ Дыкха́вас мэ джангалэс, акэ, чхудэ́ сыс тронытка скаминда, и бэсця́ Пхурыдыр, ґаратунэ́-дывэсэнгиро (сы́рбы Сэнда́ри); урибэ́н пэ Лэ́стэ сыс парно́, сыр ив, и бала́ пэ Лэ́скиро шэро́ – сыр жужы вы́лна; сками́нд Лэ́скиро – сыр чиб ягитко, э ро́ты Лэ́скирэ – сыр хачкирды яг.

Biblija - Pe Baltitko Romani čib (Romanes) 2019

⁹ Dykhávas me džangales, ake, čhudé sys tronytka skaminda, i besciá Phurydyr, ĥaratuné-dyvesengiro (sýrby Sendári); uribén pe Léste sys parnó, syr iv, i balá pe Léskiro šeró – syr žužy výlna; skamínd Léskiro – syr čib jagitko, e róty Léskire – syr xačkirdy jag.

Дание́лё 7:9 Referans Kwoze

Sykadyipén 1:14

шэро́ и бала́ Лэ́скирэ сыс парнэ́ сыр са́мо парно́ тхан ци сыр ив, и Лэ́скирэ якха́ зяиндлэ сыр яг;

Marko 9:3

Лэ́скиро урибэ́н яця́ древа́н парно́, парнэдыр кажнонэ́ парныпнастыр дро свэ́то, со морибнаскиро (сукновало) могинэ́ла тэ кэрэ́л.

Матфеё 17:2

И Ёв парудыя сарэ́са анги́л лэ́ндэ. Лэ́скиро муй лыя́ тэ зяинэл, сыр кхам, и Лэ́скирэ урибэна́ ячнэ́ парнэ́ сыр дуд (свэ́то).

Mihiejo 5:2

“Нэ ту, Вифлее́мо-Ефрафэ! На дыкхи́ пэ дова́, со ту сыр фо́ро сан тыкно́ машки́р тысёнцы штэ́ты пэ Юдаскири пхув, ту́тыр явэ́ла Ма́нгэ Одова́, Савэ́скэ трэй тэ явэ́л Барэ́ Ра́са пэ Израилё; Савэскиро ро́до джа́ла ґаратунэ́ англыпна́стыр, вечнонэ дывэсэ́ндыр.”

Дание́лё 7:22

пака явдя́ Пхурыдыр, ґаратунэ́-дывэсэнгиро, и сыс дыно́ сэ́ндо свэнтонэнгэ манушэ́нгэ Най Вучэдырэскирэнгэ, и яця́ часо, соб (кай) свэ́нта мануша́ тэ залэн кралипэ́н.

Дание́лё 7:13

Дыкха́вас мэ дро рати́тко дыкхибэ́н, акэ, болыбнытконэ облокэ́нца джа́лас о Чхаво́ манушэ́нгиро, догия́ кэ Пхурыдыр, ґаратунэ́-дывэсэнгиро и сыс лыджино кэ Ёв.

Sykadyipén 19:18

соб (кай) тумэ́нгэ сашты́ тэ хан кральенгирэ-трупэнгиро мас, и капитанэнгирэ, и тысёнцэнгирэ-халадэ́нгирэ барыдырэнгирэ, и лоч зоралэ́ манушэ́нгирэ, и грастано́ мас и трупо́скиро мас одолэ́нгиро, савэ́ исын бэштэ́ пэ грэ́ндэ, и сарэ́-манушэ́нгири тру́пы: вольнонэ манушэ́нгирэ и адя́кэ-паць писхарьенгирэ, тыкнэнгирэ и барэнгирэ.”

Filipiicenge 3:9

и тэ явав сарэ́са дро екхипэ́н Лэ́са на пэ́скирэ чачипна́са; саво́ исын Законо́стыр, нэ чачипна́са, саво́ исын пир патяибэ́н дро Христосо́стэ, чачипна́са, саво́ исын Дэвлэ́стыр пир патяибэ́н,

Apostolengiri Butý 2:33

Дэвэ́л ґаздыя́ Лэс Пэ́скирэ най зоралэды́р вастэ́са, и Ёв прилыя́ Лэ́стыр Свэ́нто Ду́хо (Фа́но), пал саво́ дыя́ лав Дад; Дэвэ́л кэрдя́ дова́, со тумэ́ какана́ шунэ́на и дыкхэ́на.

Apostolengiri Butý 2:30

Ёв сыс проро́ко и джиндя́ пал дова́, со Дэвэ́л совлахадя́ лэ́скэ, со екхэ манушэ́с лэ́скирэ родо́стыр чхувэ́ла пэ лэ́скиро троно,

Avakumo 1:12

Ци на сан Ту векэндыр и пэ сарэ́ ве́ки, О, Раё Дэ́вла, миро Дэ́вла, миро Екх Свэ́нто, – амэ на мэраса. Ту, Раё Дэ́вла! Ту выкэдыян лэн, Халдеен, ваш пхаро́ сэ́ндо пэ амэ́ндэ. Э, Ска́ла! Ту дыя́н зор лэ́нгэ тэ пирисыклякирэн амэн.

Isajos 9:6

Пал-дова́ со Бия́то бия́ндыя амэ́нгэ, чхаво́ исын дыно́ амэ́нгэ; Ёв лэ́ла зор дро Пэ́скиро васт, и дэ́на Лэ́скэ лав: Лачхо́ Годыпнари, зорало́ Дэвэ́л, Дад, конэ́стэ исын ве́чно джиибэ́н, далэ́-свэтоскиро Тхага́ри (Князё).

Psalmy 90:2

О, Раё Дэ́вла! Ту са́нас усады (сак) амэ́нгэ сыр амаро́ кхэр ваш сарэ́ ро́ды!

1 Ximaske 6:16

Саво́ исын Екхджино́, Кон на мэрэ́ла ние́кхвар, Саво́ дживэ́ла дро дуд (свэ́то), карик ние́кх на явэ́ла, Савэс нико́н манушэ́ндыр на дыкхця́ и тэ дыкхэ́л на могинэ́ла. Мэк тэ явэ́л Лэ́скэ ве́чно паты́в и ве́чно зор. Ами́нь.

Psalmy 45:8

Ту́кэ исын дро́го чачипэ́н и ту бидыкхэса фуипэ́н, палдава́ Дэвэ́л, тыро́ Дэвэ́л, помакхця тут тэ свэнцякирэл бахтякирдэ дзэтэса (елеёса) анги́л тырэ́ малэндэ.

1 Ian 1:5

И, ґа́да, пал со исын мавлы́н (малва), сави́ амэ шундя́м Чхавэстыр и пхэна́са тумэ́нгэ: Дэвэ́л исын дуд (свэ́то) и нанэ нисаво́ калыпэ́н дрэ Лэ́стэ.

Матфеё 28:3

Лэ́скиро выдыкхибэн сыс сыр блискавица, и лэ́скиро урибэ́н сыс парно́ сыр ив.

Sykadyipén 4:2

Екха́тыр Ду́хо (Фа́но) лыя́ упралыпэ́н пэ ма́ндэ. И, акэ, сыс троно дро Болыбна́скиро Раё, и пэ дава́ троно сыс бэшто́ Вари-Кон.

Sykadyipén 20:4

И мэ дыкхцём троны и одолэ́н, савэ́ бэшэнас пал сками́нд, савэ́нгэ сыс дыно́ тэ сэндякирэн. И мэ дыкхцём дия́ одолэнгирэ, конэ́скэ чингирдэ шэрэ́, палдова́ со ёнэ допхэнэнас пал Христосо́стэ и пал Дэвлэ́скиро лав. Ёнэ на клониндлэпэ патыва́са анги́л рискирибна́скирэ мурдалэ́стэ ци анги́л лэ́скири патри́н (о́бразо), ёнэ на прилынэ́ клеймоскири шпэ́ра пэ чэка́т ци пэ лэ́нгиро васт. И ёнэ отджидынэ и кралиндлэ Христосо́са бар бэрш.

3 Kralip 22:19

И пхэндя́ Михе́ё: “Пал-дова́ шун лав Ра́стыр-Дэвлэ́стыр: мэ дыкхцём Рас-Дэвлэ́с, Саво́ сыс бэшто́ пал Лэ́скиро троно, и сарэ́ янголы и ду́хи болыбна́скирэ сыр халадыпэн сыс тэрдэ́ пашы́л Лэ́стэ, пир чачи́ и пир зэ́рво (ле́во) васт Лэ́стыр.

2 Паралипоменоно 18:18

И пхэндя́ Михеё: “Адя́кэ шунэ́н Ра́скирэ-Дэвлэ́скиро лав: мэ дыкхцём Рас-Дэвлэ́с, бэшындой пэ Лэ́скиро троно, и саро́ халадыбэ́н болыбна́скиро сыс тэрдо́ пир чачо́ и пир зэ́рво васт Лэ́скиро.

Езэкилё 1:26

А упрэ́ долэ́ сводостыр пэ болыбэ́н, саво́ сыс упра́л лэнгрэ шэрэ́, сыс сы́рбы троно, саво́ выдыкхэлас сы́рбы куч бар сапфиростыр, а упра́л пэ штэ́то сыс дова́, со сыс сы́рбы ману́ш пэ лэ́стэ.

Psalmy 93:2

Тыро́ троно исын зачхудо ґаратунэ́ (вагунэ́) бэршэ́ндыр, Ту сан ве́чно.

Isajos 6:1

Дро дова́ бэрш, ко́ли мыя́ кра́ли Ози́я, мэ дыкхцём Рас-Дэвлэ́с, Саво́ бэшэлас пэ вучо́ крали́тко штэ́то, а яго́ро (краё) пэ урибэ́н Лэ́скиро пхэрдякирдя́ сари́ Кхангири́.

Ереме́ё 49:38

И Мэ чхува́ва Миро троно дро Еламо, и Мэ мулякирава лэ́нгирэ кралье́н и тхагарьен’ – ракирэ́ла Рай Дэвэ́л.