Дание́лё 7:8 - Библия - Пэ Балтитко Романи чиб (Романэс) 2019

⁸ Мэ дыкха́вас пэ долэ́ шынга́, и, акэ, выгия́ машки́р лэ́ндэ ишчо (инкэ́) набаро́ шынг, и трин кодолэндыр англунэ шынгэндыр сыс корне́нца вырискирдэ анги́л лэ́стэ, акэ, дро дова́ шынг сыс якха́, сыр манушы́тка якха́, и вушта, савэ́ ракирэ́нас пхутькирдэс.

Biblija - Pe Baltitko Romani čib (Romanes) 2019

⁸ Me dykhávas pe dolé šyngá, i, ake, vygijá maškír lénde iščo (inké) nabaró šyng, i trin kodolendyr anglune šyngendyr sys korniénca vyriskirde angíl léste, ake, dro dová šyng sys jakhá, syr manušýtka jakhá, i vušta, savé rakirénas phut'kirdes.

Дание́лё 7:8 Referans Kwoze

Sykadyipén 13:1

И мэ со́мас тэрдо́ пэ морёскиро (дэрьявэ́скиро) пра́хо. И мэ дыкхцём рискирибна́скирэ мурдалэс (зверёс), саво́ ґаздэласпэ морёстыр (дэрьявэстыр), савэ́стэ сыс эфта́ шэрэ́ и дэш шынга́ (ро́ги). Пэ кажно лэ́скиро шынг сыс диадэма, а пэ кажно шэро́ сыс лав тэ калякирэн Дэвлэ́с.

Psalmy 12:3

Ёнэ ракирэ́на хоханэ́ лава́ екх екхэ́скэ, нанэ патяибэ́н лэ́нгирэ чибатыр, биладжаипнытка исын лэ́нгирэ ду́мы.

Sykadyipén 9:7

Кадалэ́ пхакитка скочки (саранча) сыс сыр грая, савэ́ кэдынэпэ пэ мэрибэ́н; и пэ лэ́нгирэ шэрэ́ сыс вянки (короны) сы́рбы сувнака́стыр, и лэ́нгирэ муя́ сыс сы́рбы муя́ манушы́тка.

2 Фесалоникийцэнгэ 2:4

ёв явэ́ла тэ джал проти саро́ свэ́нто, со кхарэ́на Дэвлэ́са ци свэнтымаса, адя́кэ, со ёв бэшэ́ла дрэ Дэвлэ́скири Кхангири́ сы́рбы Дэвэ́л и явэ́ла тэ выдэл пэс пал Дэвлэ́стэ.

Дание́лё 11:36

И явэ́ла тэ кэрэ́л о кра́ли (паш-рати́тко) пир пэ́скири во́ля, и ґаздэ́лапэ кэ вучипэ́н и барьякирэ́ла пэс вучэды́р кажнонэ́ Дэвлэ́стыр, и пал Дэвлэ́стэ дэвлыканэстэ ёв лэ́ла тэ ракирэ́л калэ́ лава́, и явэ́ла тэ удэлпэ лэ́скэ, пака кэрдёлапэ холы́: пал-дова́ со сыс припхэндло, одова́ кэрэ́лапэ.

Juda 1:16

Ёнэ исын холямэ́ ракирибнарья, савэ́ рикирэ́на холы́ пэ сарэ́ндэ, ёнэ кэрэ́на пир пэ́скиро грэхи́тко тырдыпэ́н; ёнэ явэ́на вучэ́с тэ марэ́н пэс лавэ́нца, ёнэ явэ́на гудлэс тэ дивинэнпэ пэ манушэ́ндэ ваш пэ́скири льго́та.

2 Petr 2:18

Палдава́ со ёнэ пэ́скирэ вучэ́с-шардунэ лавэ́нца затэрдэна сы́рбы дрэ фэлы́ пир на́лачхо лочакиро камибэн и кэ на́гожа рэ́нды одолэ́ манушэ́н, савэ́ барэ́ пхарипнаса гинэ́ криг одолэ́ манушэ́ндыр, савэ́ дживэ́на дро грэ́хо;

1 Kralip 2:3

На ракирэ́н бут пхутькирдэ́ лава́; налачхэ́ лава́ мэк тэ на выджа́н тумарэ́ уштэндыр; пал-дова́ со Рай Дэвэ́л исын дыкхиб-наскиро Дэвэ́л, и рэ́нды Лэ́стэ сыкадэ.

2 Ximaske 3:2

Мануша́ на явэ́на тэ сыкавэ́н паты́в екх екхэ́скэ, явэ́на тэ традэнпэ пал барвалыпэ́н, явэ́на шарибнытка, пхутькирдэ́, явэ́на тэ калякирэн екх екхэ́с, и на явэ́на тэ кандэ́н пэ́скирэ кхангирья́кирэ пхурыдырэн, лэ́ндыр на шунэса парикирибэн, ёнэ явэ́на магирдэ́ бидэвлыткарья;

Дание́лё 7:19

Тэ́ньци потырдыяпэ миро ило́ тэ ΄галёвав чачипэ́н пало́ штартонэ рискирибна́скирэ мурдалэ́стэ, саво́ сыс явирчано явирэндыр и ёв сыс древа́н трашадо, саструнэ́ дандэнца и харкунэ́ (медитконэ́) наенца (коґценца), ёв халас и пхагирэлас, а со ячэласпэ, то дова́ ёв ґэрэ́нца тасавэлас,