Дание́лё 7:5 - Библия - Пэ Балтитко Романи чиб (Романэс) 2019

⁵ И екха́тыр (сра́зу) яви́р рискирибна́скиро мурда́л, саво́ здэлас пэ ричэстэ, тэрдия́ екхэ рига́тыр, и сыс трин пашварэ [клыки-р.с.] лэ́стэ, машки́р данда́ лэ́стэ, лэ́скэ сыс адя́кэ пхэндло́: “Ушты́, ха бут мас!”

Biblija - Pe Baltitko Romani čib (Romanes) 2019

⁵ I jekhátyr (srázu) javír riskiribnáskiro murdál, savó zdelas pe ričeste, terdijá jekhe rigátyr, i sys trin pašvare [klyki-r.s.] léste, maškír dandá léste, léske sys adiáke phendló: “Uštý, xa but mas!”

Дание́лё 7:5 Referans Kwoze

Дание́лё 2:39

Нэ пало́ ту́тэ ґаздэ́лапэ яви́р кралипэ́н, тэлэды́р тырэстыр, и ишчо (инкэ́) три́то кралипэ́н, харкуно, саво́ лэ́ла тэ раинэл пэ сари́ пхув.

Osija 13:8

Мэ ява́ва тэ пирилав лэн сы́рбы ричыха (медведица), савьятэ хасинэ́ тыкнорэ; Мэ ява́ва тэ рискирав лэ́нгирэ-пашварэнгиро кокалыцо кэ ило́ и Мэ ява́ва тэ похав лэн сы́рбы шчэриха, а фэлды́тка мурдала́ (звери) явэ́на тэ роскушэн лэн.

Дание́лё 11:2

Акана́ пхэна́ва ту́кэ чачипэ́н: акэ, ишчо (инкэ́) трин кра́лья ґаздэ́напэ дрэ Персия; пало́ дова́ шта́рто кра́ли пиризорьякирэла сарэ́н барэ́ барвалыпнаса, и, ке́ли зорьякирэла пэс пэ́скирэ барвалыпнаса, то тэды ёв ґаздэ́ла сарэ́н проти Греки́тко (Балами́тко) кралипэ́н.

Дание́лё 5:28

Перес – росчхудо пэ паша́ тыро́ кралипэ́н и отдыно́ Мидянэнгэ и о Персэнгэ.”

Isajos 56:9

Джа́н тэ хан, сарэ́ рискирибна́скирэ мурдала́ (звери) фэлды́тка, сарэ́ мурдала́ вэшытка джа́н тэ хан!

Pritčy 17:12

Фэды́р исын тэ дыкхэспэ ричыхаса (медведицаса), савья́тыр чордэ ричорэн, сыр дылынэса лэ́скирэ дылныпнаса.

4 Kralip 2:24

Ёв обрисия и дыкхця́ лэн, и прокостя лэн лавэ́са Ра́скирэ-Дэвлэскирэса. И выгинэ́ дуй ричыцы вэшэ́стыр, и роскушнэ лэ́ндыр штардэша́ дуе биятэ́н.

Sykadyipén 13:2

И рискирибна́скиро мурда́л, савэ́с мэ дыкхцём, сыс сы́рбы леопардо, а ґэра́ (пирэ́) сыс лэ́стэ сы́рбы ричэскирэ ґэра́, а муй лэ́скиро сыс сы́рбы муй шчэрэстэ (левостэ). И драконо дыя́ лэ́скэ пэ́скири зор и троно и бари зор.

Дание́лё 7:4

Пэ́рво сыс сыр шчэр (ле́во), нэ сыс лэ́стэ пхака́ (крылы) сыр орлостэ (кидостэ); мэ дыкха́вас джангалэс (пристальнэс), пака вырискирдэ сыс лэ́стыр пхака́, и ёв сыс ґаздыно́ пхувья́тыр, и уштыя́ пэ ґэра́, сыр о ману́ш, и сыс дыно́ лэ́скэ манушы́тко ило́.

Дание́лё 7:6

Пало́ дава́ дыкха́вас мэ, акэ, ишчо (инкэ́) рискирибна́скиро мурда́л, сыр леопардо [барсо-р.с.], пэ думо лэ́стэ сыс штар чириклытка пхака́, и сыс штар шэрэ́ мурдалэ́стэ адалэстэ, и кадалэ́ мурдалэскэ сыс дыно́ баро́ право.