Дание́лё 7:4 - Библия - Пэ Балтитко Романи чиб (Романэс) 2019

⁴ Пэ́рво сыс сыр шчэр (ле́во), нэ сыс лэ́стэ пхака́ (крылы) сыр орлостэ (кидостэ); мэ дыкха́вас джангалэс (пристальнэс), пака вырискирдэ сыс лэ́стыр пхака́, и ёв сыс ґаздыно́ пхувья́тыр, и уштыя́ пэ ґэра́, сыр о ману́ш, и сыс дыно́ лэ́скэ манушы́тко ило́.

Biblija - Pe Baltitko Romani čib (Romanes) 2019

⁴ Pérvo sys syr ščer (liévo), ne sys léste phaká (kryly) syr orloste (kidoste); me dykhávas džangales (pristal'nes), paka vyriskirde sys léstyr phaká, i jov sys ĥazdynó phuvjátyr, i uštyjá pe ĥerá, syr o manúš, i sys dynó léske manušýtko iló.

Дание́лё 7:4 Referans Kwoze

Ереме́ё 4:7

Шчэр (ле́во) выджа́ла пэ́скирэ хашчатыр и хасякирибнаскиро пэ Наюдытконэ́ манушэ́ндэ: ёв джа́ла пэ́скирэ, штэто́стыр тэ чхучакирэл Юдэякири пхув, соб (кай) фо́рья дрэ Юдэ́я тэ явэ́н чхучэ́, би манушэ́нгиро.

Езэкилё 17:3

Пхэн: ‘Адя́кэ ракирэ́ла Рай Дэвэ́л, Дэвэ́л: “Баро́ о́рло (ки́до), барэ́ пхакэнца, длугонэ порэнца, шука́р, цвятно, приурняндыя пэ Лива́но, и злыя́ упралыпэ́н кедрытконэ каштэ́стыр.

Матфеё 24:28

Кай явэ́ла тру́по, одо́й скэдэ́напэ орлы (киды).

Езэкилё 28:9

Пхэнэса ци ту тэды тырэ́ мулякирибнаскирэскэ: ‘Мэ сом дэвэл’, – ко́ли дрэ лэ́скиро васт, кон мулякирэ́ла, тут ту явэ́са сыр ману́ш, а на сыр дэвэл?

Езэкилё 28:2

“Манушэ́скиро чхава! Пхэн тхагарискэ пэ Ти́ро: адя́кэ ракирэ́ла Рай Дэвэ́л, Дэвэ́л: пал-дова́, со древа́н пхутькирдо яця́ тыро́ ило́, и ту ракирэ́са: “Мэ сом Дэвэ́л, бэшав пэ дэвлы́тко штэ́то дро морёскиро (дэрьявэ́скиро) машкиралыпэн”, пал-дова́ со ту сан ману́ш, а на Дэвэ́л, нэ ту думинэса, со ту сан дасаво годявэр, сыр Дэвэ́л:

Roiben 4:19

Амарэ́ шалэ сыс сыгэды́р кидэндыр (орлэндыр) пэ болыбэ́н, енэ традынэпэ пал амэ́ндэ дрэ бэ́рги; ёнэ ужакирдэ чораханэ́с амэн пэ чхучэ́ прахи.

Ереме́ё 48:40

Пал-дова́ со ракирэ́ла Рай Дэвэ́л: “Акэ, Вавило́но явэ́ла тэ вурнял сыр о́рло (ки́до), и ёв росчхувэла пэ́скирэ пхака́ пир рига́ упралэстыр пэ Моа́во.

Ереме́ё 25:38

Ёв мэкця́ Пэ́скирэ манушэ́н сы́рбы шчэр (ле́во) пэ́скири гаравипнаскири (логово), палдова́ лэ́нгири пхув яця́ чхучи́ пир дова́, со вэ́рго исын древа́н мижэх и пал Раскири-Дэвлэ́скири бари холы́.”

Ереме́ё 4:13

Акэ, вэ́рго джа́ла тэлэ́ сы́рбы о́блоки и лэ́скирэ марибны́тка вурдэна́ явэ́на сыр рискирибнаскири балва́л, а лэ́скирэ граё исын сыгэды́р орлэндыр (кидэндыр). “Бида амэ́нгэ! Пал-дова́ со амэ хасиям!”

Psalmy 9:20

Тэрдёв анги́л, Раё Дэ́вла, соб (кай) мануша́ тэ на лэн упралыпэ́н, мэк Наюды́тка на́цыи тэ на нашэ́н Тырэ́ сэндостыр.

Ióvo 25:6

Пэ кицы́ тыкнэды́р исын ману́ш, кон исын сыр кирмо, и Манушэ́скиро чхаво́, кон исын сыр моль (мэль)?”

2 Kralip 1:23

Са́уло и Ионафа́но, савэ́ сыкадэ паты́в екх екхэ́скэ и дживдэ́ сыр пша́ла дро пэ́скиро джиибэ́н, и ёнэ на розячнэпэ дро мэрибэ́н пэ́скиро; сыгныдыр орлэндыр (кидэндыр), зоралыдыр шчэрэндыр (левэндыр) ёнэ сыс.

Яви́р Зако́но 28:49

Бичхавэ́ла пэ ту́тэ Рай Дэвэ́л манушы́тко нацыя (народо) дурипнастыр, ягороскирэ пхувья́тыр: сыр о́рло (ки́до) привурняна мануша́, савэнгири чиб ту на галёса,

Sykadyipén 13:2

И рискирибна́скиро мурда́л, савэ́с мэ дыкхцём, сыс сы́рбы леопардо, а ґэра́ (пирэ́) сыс лэ́стэ сы́рбы ричэскирэ ґэра́, а муй лэ́скиро сыс сы́рбы муй шчэрэстэ (левостэ). И драконо дыя́ лэ́скэ пэ́скири зор и троно и бари зор.

Дание́лё 7:5

И екха́тыр (сра́зу) яви́р рискирибна́скиро мурда́л, саво́ здэлас пэ ричэстэ, тэрдия́ екхэ рига́тыр, и сыс трин пашварэ [клыки-р.с.] лэ́стэ, машки́р данда́ лэ́стэ, лэ́скэ сыс адя́кэ пхэндло́: “Ушты́, ха бут мас!”

Ереме́ё 49:19

Акэ, о Навуходоносо́ро ґаздэ́лапэ сыр шчэр (ле́во) Иорданоскирэ бэргицэндыр проти зорьякирдэ кхэратунэ штэ́ты, и Мэ зачхувава Эдо́мо тэ нашэ́л лэ́скирэ штэтэ́ндыр. И кон исын выкэдыно ману́ш, савэ́с Мэ ґаздыём упрэ́ пэ лэ́ндэ? Пал-дова́ со кон исын адасаво́ сыр Мэ сом? И кон пхучэлапэ отпхэныбэ́н Ма́ндыр? Кон выкхарэла Ман? И кон исын адасаво́ чхупна́ри (пастырё), кон дэ́ла ра́да тэ тэрдёл анги́л Ма́ндэ?

Дание́лё 2:38

и сарэ́н чхавэ́н манушэнгирэн, кай бы ёнэ тэ на дживэ́н, э рискирибна́скирэ мурдалэ́н (зверен) пэ пхув и чириклен пэ болыбэ́н, отдыя́ дрэ тырэ́ васта́ и чхудя́ тут хула́са упра́л сарэ́ндэ лэ́ндэ. Ту сан – дава́ сувнакуно́ шэро́!

Дание́лё 7:12

И явирэндыр мурдалэ́ндыр сыс отлыно лэ́нгиро баро́ право, и тэ дживэ́н лэ́нгэ яця́пэ фэ́ни (то́ка) пэ ада́кицы часо и пэ сроко.