Дание́лё 7:16 - Библия - Пэ Балтитко Романи чиб (Романэс) 2019

¹⁶ Мэ подгиём пашылэды́р кэ екх, савэ́ сыс тэрдэ́ пашы́л троны и пхучавас лэ́стыр пал чачуно́ смысло сарэскиро одолэскиро, и ёв лыя́ тэ ракирэ́л ма́нца, и роспхэндя́ ґалыибэ́н, кай сыс пхэндло́:

Biblija - Pe Baltitko Romani čib (Romanes) 2019

¹⁶ Me podgijom pašyledýr ke jekh, savé sys terdé pašýl trony i phučavas léstyr pal čačunó smyslo sareskiro odoleskiro, i jov lyjá te rakirél mánca, i rosphendiá ĥalyibén, kaj sys phendló:

Дание́лё 7:16 Referans Kwoze

Sykadyipén 5:5

И екх годэпхурэндыр пхэндя́ ма́нгэ: “На ров! Дыкх! О Шчэр (Ле́во) Юда́скирэ родо́стыр, Давидо́скирэ ратэстыр, сэмэ́нца, лыя́ упралыпэ́н, соб (кай)/ёв тэ дэл ра́да тэ отпхандэл сви́тко и лэ́скирэ эфта́ чэргэнорья.”

Заха́рия 2:3

И акэ, Янго́ло, саво́ ракирдя́ ма́нца, выджа́ла нэ яви́р Янго́ло джа́ла маму́й лэ́стэ.

Дание́лё 7:10

Ягитко рэка (лэнь) выджа́лас и джа́лас пашы́л Лэ́стэ; тысёнцы тысёнцэндыр дынариндлэ́ Лэ́скэ, и тысёнцо кэ барэ́ шэла́ тысёнцы анги́л Лэ́стэ, сэнда́рья бэшнэ́, и роскэрдэпэ лылваря (книги).

Заха́рия 3:7

“Адя́кэ ракирэ́ла янголэ́нгирэ-болыбна́скиро Рай Дэвэ́л: ‘Ко́ли лэ́са тэ псирэ́с пир Мирэ́ дрома́ и ко́ли ту явэ́са пэ стрэ́га Мири́, тэды ту лэ́са тэ сэндинэс Кхэр Миро, и тэ дыкхэ́с палэ Мирэ́ грэды (дворы). Мэ да́ва во́ля ту́кэ тэ псирэ́с машки́р одолэ́ндэ, савэ́ исын тэрдэ́ ада́й.

Дание́лё 9:22

и ёв дэ́лас годы́ ма́нгэ, ракирдя́ ма́нца и пхэндя́: “Даниеле! Акана́ мэ гиём тэлэ́, соб (кай) тэ сыклякирав тут тэ ґалёс.

Дание́лё 7:17

“Адалэ́ барэ́ рискирибна́скирэ мурдала́ (звери), савэ́н исын штар, сыкавэ́на, со штар кра́лья уштэна пхувья́тыр.

Дание́лё 8:17

И ёв подги́я пашылэды́р кэ штэ́то, кай мэ тэрдиём, и, ке́ли ёв явдя́, то мэ страхадыём и дыёмпэ муял пэ пхув; и ёв пхэндя́ ма́нгэ: “Джин, о чхава манушэ́скиро, со дыкхибэ́н сыкавэ́ла пэ ко́нцо (пэ яго́ро) часо!”

Заха́рия 1:19

И пхэндём мэ Янголоскэ, саво́ ракирдя́ ма́нца: “Со исын дава́? И ёв отпхэндя́ ма́нгэ: “Дава́ исын шынга́ (ро́ги), савэ́ росчхурдынэ Юдас, Израилё и Ерусалимо.”