Дание́лё 7:13 - Библия - Пэ Балтитко Романи чиб (Романэс) 2019

¹³ Дыкха́вас мэ дро рати́тко дыкхибэ́н, акэ, болыбнытконэ облокэ́нца джа́лас о Чхаво́ манушэ́нгиро, догия́ кэ Пхурыдыр, ґаратунэ́-дывэсэнгиро и сыс лыджино кэ Ёв.

Biblija - Pe Baltitko Romani čib (Romanes) 2019

¹³ Dykhávas me dro ratítko dykhibén, ake, bolybnytkone oblokénca džálas o Čhavó manušéngiro, dogijá ke Phurydyr, ĥaratuné-dyvesengiro i sys lydžino ke Jov.

Дание́лё 7:13 Referans Kwoze

Матфеё 26:64

Ису́со пхэндя́ Лэ́скэ: “Адя́кэ, сыр Ту пхэндя́н; нэ Мэ пхэна́ва тумэ́нгэ: Ададывэсатунэ дывэсэ́стыр тумэ́ дыкхэ́на Чхавэ́с Манушэ́скирэ, Саво́ явэ́ла тэ бэшэ́л пэ о́блоки болыбна́скирэ пир чачи́ (право) риг Дэвлэ́скирэ Зорьякири.”

Sykadyipén 1:7

Акэ, Ёв явэ́ла облокэ́нца, и кажно (сва́ко) ману́ш удыкхэ́ла Лэс, и кодолэ́, савэ́ пхусадэ́ Лэс чхурдыбнытконэ бустяса (копьёса) и сарэ́ пхувья́кирэ ро́ды явэ́на тэ дэн го́дла ясвэ́нца анги́л Лэ́стэ. Мэк адя́кэ тэ явэ́л. Ами́нь.”

Luka 21:27

И тэды мануша́ явэ́на тэ дыкхэ́н Манушэ́скирэ Чхавэ́с, Саво́ явэ́ла тэ джал тэлэ́ дрэ о́блоки зорья́са и ярконэ Дэвлэ́скирэ слава́са.

Sykadyipén 14:14

И мэ дыкхцём, акэ, парно́ о́блоко, и вари-кон сыс бэшто́ сы́рбы Чхаво́ Манушэ́скиро. Пэ Лэ́скиро шэро́ сыс сувнакуны́ вя́нка (коро́на) и дро Лэ́скиро васт сыс востро (чолало́) серпо (чхиндло́).

Матфеё 24:30

И тэды сыкадёла ґерты́к пэ болыбэ́н, сави́ дэ́ла манушэ́нгэ джиныбэ́н, со явэ́ла Чхаво́ Манушэ́скиро, и тэ́ньчи сарэ́ манушы́тка ро́ды явэ́на то ровэ́н пхарэ́с и дыкхэ́на Чхавэ́с Манушэскирэс, Саво́ явэ́ла тэ джал тэлэ́ дрэ о́блоки барэ́ зорья́са и ярконэ Дэвлэ́скирэ слава́са.

Marko 13:26

Тэды мануша́ дыкхэ́на Манушэ́скирэ Чхавэ́с, Саво́ явэ́ла тэ джал дрэ о́блоки барэ́ зорья́са и дрэ сла́ва.

Матфеё 25:31

И ке́ли явэ́ла Чхаво́ Манушэ́скиро кралитконэ слава́са и сарэ́ Лэ́скирэ Янголэнца, тэды Ёв бэшэ́ла пэ Лэ́скиро славу́тно троно;

Joannostir 3:13

Нико́н на сыс пэ болыбэ́н апри́ч Одолэ́стэ, кон гия́ тэлэ́ болыбна́стыр, дава́ исын Чхаво́ Манушэ́скиро, Саво́ дживэ́ла дро Болыбна́скиро Раё.

Sykadyipén 1:13

и машки́р эфта́ момолытка сыс вари-кон, Саво́ здэласпэ (сыс похожо) пэ Манушэ́стэ, Саво́ сыс дро длэнго урибэ́н кэ ґэра́, и сыс сувнакуны́ кусты́к трусця́л (кругом) Лэ́стэ:

Матфеё 13:41

бичхавэ́ла Чхаво́ Манушэ́скиро Пэ́скирэ Янголэн, и скэдэ́на Лэ́скирэ Кралипнастыр саро́, со злыджала манушэ́н кэ грэ́хо, и сарэ́н, кон кэрэ́ла на пир Зако́но;

Sykadyipén 1:18

Мэ сом джидо́: и Мэ со́мас муло́, и, ґа́да, Мэ ява́ва тэ джива́в пэ сарэ́ бэрша́, Ма́ндэ исын клыдына мэрибнаскирэ люностыр (адостыр).

Apostolengiri Butý 7:56

И пхэндя́ ёв: “Дыкхэ́н! Мэ дыкха́ва отчхакирдо болыбэ́н и Манушэ́скирэ Чхавэ́с, Саво́ сыс тэрдо́ пир чачи́ риг Дэвлэ́стыр.”

Юдэ́нгэ 9:24

Пал-дова́ со Христо́со загия́ на дрэ Свэ́нто Штэ́то, саво́ кэрдэ́ манушэ́нгирэ васта́, и саво́ исын патри́н (копия) долэ́ Штэтоскиро, со исын дро Болыбна́скиро Раё. Ёв загия́ дро Болыбна́скиро Раё, соб (кай) тэ тэрдёл пал амэ́ндэ анги́л Дэвлэ́стэ:

Дание́лё 7:22

пака явдя́ Пхурыдыр, ґаратунэ́-дывэсэнгиро, и сыс дыно́ сэ́ндо свэнтонэнгэ манушэ́нгэ Най Вучэдырэскирэнгэ, и яця́ часо, соб (кай) свэ́нта мануша́ тэ залэн кралипэ́н.

Luka 21:36

Ваш дава́ дыкхэ́н и на совэн и мангэ́нпэ Дэвлэ́скэ кажно часо, соб (кай) тумэ́ тэ явэ́н мол тэ зракхэнпэ сарэ́стыр далэ́стыр, со трэй тэ явэ́л, и тэ тэрдён анги́л Манушэ́скирэ Чхавэ́стэ.”

Юдэ́нгэ 2:14

Пал-дова́, со сыр сарэ́-манушэ́нгирэ чхавэ́ндэ исын рат и лоч (плоть), адя́кэ-паць и Ёв прилыя́ саро́, сыр ману́ш, ке́ли бия́ндыя, соб (кай) пир Пэ́скиро мэрибэ́н Ёв могиндя́ тэ хасякирэ́л налачхэскири зор пэ мэрибэ́н;

1 Ximaske 6:16

Саво́ исын Екхджино́, Кон на мэрэ́ла ние́кхвар, Саво́ дживэ́ла дро дуд (свэ́то), карик ние́кх на явэ́ла, Савэс нико́н манушэ́ндыр на дыкхця́ и тэ дыкхэ́л на могинэ́ла. Мэк тэ явэ́л Лэ́скэ ве́чно паты́в и ве́чно зор. Ами́нь.

Дание́лё 7:9

Дыкха́вас мэ джангалэс, акэ, чхудэ́ сыс тронытка скаминда, и бэсця́ Пхурыдыр, ґаратунэ́-дывэсэнгиро (сы́рбы Сэнда́ри); урибэ́н пэ Лэ́стэ сыс парно́, сыр ив, и бала́ пэ Лэ́скиро шэро́ – сыр жужы вы́лна; сками́нд Лэ́скиро – сыр чиб ягитко, э ро́ты Лэ́скирэ – сыр хачкирды яг.

Езэкилё 1:26

А упрэ́ долэ́ сводостыр пэ болыбэ́н, саво́ сыс упра́л лэнгрэ шэрэ́, сыс сы́рбы троно, саво́ выдыкхэлас сы́рбы куч бар сапфиростыр, а упра́л пэ штэ́то сыс дова́, со сыс сы́рбы ману́ш пэ лэ́стэ.

Psalmy 47:5

Ёв выкэдыя́ амаро́ мэкно́ миштыпэ́н ваш амэ́нгэ, баро́ вычэдырипэн Яково́скиро, кон исын дро́го Лэ́скэ. Сэ́ла.

Joannostir 12:34

Мануша́ отпхэндлэ́ Лэ́скэ: “Амэ уджиндям Законо́стыр; со Христо́со на мэрэ́ла ние́кхвар; сыр Ту ракирэ́са, со Чхаво́ Манушэ́скиро явэ́ла ґаздыно́? И кон адава́ исын Манушэ́скиро Чхаво́?”

Joannostir 5:27

и Ёв дыя́ Чхавэ́скэ право тэ сэндинэл, пал-дова́ со Ёв исын Манушэ́скиро Чхаво́.

Ереме́ё 49:19

Акэ, о Навуходоносо́ро ґаздэ́лапэ сыр шчэр (ле́во) Иорданоскирэ бэргицэндыр проти зорьякирдэ кхэратунэ штэ́ты, и Мэ зачхувава Эдо́мо тэ нашэ́л лэ́скирэ штэтэ́ндыр. И кон исын выкэдыно ману́ш, савэ́с Мэ ґаздыём упрэ́ пэ лэ́ндэ? Пал-дова́ со кон исын адасаво́ сыр Мэ сом? И кон пхучэлапэ отпхэныбэ́н Ма́ндыр? Кон выкхарэла Ман? И кон исын адасаво́ чхупна́ри (пастырё), кон дэ́ла ра́да тэ тэрдёл анги́л Ма́ндэ?

Матфеё 8:20

И ракирэ́ла лэ́скэ Ису́со: “Локхнендэ (лисэндэ) исын норы, болыбна́скирэ чириклендэ исын гня́зды (ку́фы), а Манушэ́скирэ Чхавэ́скэ нанэ кай шэро́ тэ чхувэ́л.”

Матфеё 28:18

На Ису́со явдя́ и пхэндя́ лэ́нгэ; “Саро́ право дыно́ Ма́нгэ, сыр пэ болыбэ́н, адя́кэ пэ пхув.

Luka 24:27

И Ису́со лыя́ тэ роспхэнэл лэ́нгэ сарэ́ лылваря Свэнтонэ́ Чхиныбна́стыр Мойзастыр кэ пророкэ́нгирэ зачхиныбэна, со сыс пхэндло́ пал Лэ́стэ.

1 Фесалоникийцэнгэ 4:17

тэ́ньчи амэ, сэвэ явэ́на джидэ́ дро дова́ часо, ява́са ґаздынэ́ пхувья́тыр, кхэтанэ́ лэ́нца пэ о́блоки тэ стрэнинас (тэ пирилас) Рас-Дэвлэ́с и амэ саро́ часо ява́са кхэтанэ́ Лэ́са.

Psalmy 110:2

Рай Дэвэ́л бичхавэ́ла Тырэ́-зорьякиро крали́тко дэсто́ Сионо́стыр: “Ту хулаин машки́р Тырэ́ вэргэ́ндэ.”

Дание́лё 7:2

Лыи тэ пхэнэ́л, о Дание́лё ракирдя́: “Дыкха́вас мэ дро миро суно́, акэ, штар болыбны́тка балваля мардэ́пэ пэ баро́ мо́рё (дэрья́в),

Дание́лё 7:12

И явирэндыр мурдалэ́ндыр сыс отлыно лэ́нгиро баро́ право, и тэ дживэ́н лэ́нгэ яця́пэ фэ́ни (то́ка) пэ ада́кицы часо и пэ сроко.

Дание́лё 8:15

И сыс: “Ке́ли мэ, Дание́лё, дыкхцём кадава́ дыкхибэ́н и родавас лэ́скири зна́чыма; акэ, уштыя́ анги́л ма́ндэ одова́, саво́ выдыцёлас сы́рбы о джино муршытко.

Psalmy 2:8

Манг Ма́ндыр, и Мэ да́ва ту́кэ манушыпнаскирэ расы сыр мэкно́ миштыпэ́н и сари́ пхув явэ́ла тыри́:

Дание́лё 2:44

И дро дывэса́ кодолэ́ кралипнаскирэ о Дэвэ́л Болыбна́скиро чхувэ́ла кралипэ́н, саво́ дро ве́ки на пхадёла, и кодова́ кралипэ́н на явэ́ла пиридыно явирэ народоскэ; ёв пхаравэла и пхагирэ́ла сарэ́ кралипэна́, и ёв кокоро́ явэ́ла тэ тэрдёл дро ве́ки,