Дание́лё 7:1 - Библия - Пэ Балтитко Романи чиб (Романэс) 2019

¹ Пэ пэ́рво бэрш Валтасароскиро, Вавилонытконэ-Крали́скиро, Дание́лё дыкхця́ (дыя́) сунэ́ и пророкэ́нгирэ (пророчы́тка) дыкхибэна пэ́скрэ шэрэстыр, ке́ли ёв сыс пэ пэ́скиро чхуибэ́н. Тэ́ньци ёв зачхиндя́ дова́ суно́, роспхэни пэрвонэ́ лава́.

Biblija - Pe Baltitko Romani čib (Romanes) 2019

¹ Pe pérvo berš Valtasaroskiro, Vavilonytkone-Kralískiro, Danijéljo dykhciá (dyjá) suné i prorokéngire (proročýtka) dykhibena péskre šerestyr, kiéli jov sys pe péskiro čhuibén. Tén'ci jov začhindiá dová sunó, rospheni pervoné lavá.

Дание́лё 7:1 Referans Kwoze

Amoso 3:7

Чачо́, Рай Дэвэ́л на кэрэ́ла нисо́ анги́л дова́, сыр Ёв сыкавэ́ла дова́, со Ёв придуминдя, Лэ́скирэ писхарье́нгэ, пророкэнгэ.

Ioil 2:28

И пало́ (после) дава́ явэ́ла адя́кэ, со Мэ да́ва пхэрдэ́с Миро Ду́хо кажнонэ́ лочакэ (плотякэ); тумарэ́ чхавэ́ и тумарэ́ чхая́ явэ́на тэ ангилпхэнэн, тумарэ́ пхуранэ́ мануша́ явэ́на тэ дыкхэ́н сунэ́, и тумарэ́ тэрнэ́ мануша́ явэ́на тэ дыкхэ́н дыкхибэна.

Дание́лё 5:1

О Валтасаро кра́ли кэрдя́ баро́ сками́нд ваш пэ́скирэ тысёнцэнгэ и анги́л тысёнцэнгирэ якха́ пия мол (вино).

Дание́лё 4:5

[8] Нэ дро ко́нцо (яго́ро) загия́ кэ мэ о Дание́лё, савэ́скэ лав сыс Валтасаро, пиро́ мирэ́-дэвлы́тко лав, и дрэ савэ́стэ сыс Ду́хо (Фа́но) свэнтонэ́ Дэвлэ́скиро; лэ́скэ роспхэндём мэ суно́.

Дание́лё 1:17

И дыя́ о Дэвэ́л штарэнгэ адалэ́ тэрнэ́-бэршэнгирэнгэ джиныбэ́н и ґалыибэ́н дрэ кажно лылвари́ и годы́, а Даниелёскэ ишчо (инкэ́) дыя́ ґалыибэ́н дро кажно дыкхибэ́н, и дрэ сунэ́.

Ереме́ё 23:28

О проро́ко, савэ́стэ исын суно́, мэк ёв тэ роспхэнэл суно́, нэ кодова́, савэ́стэ исын Миро лав, мэк ёв тэ роспхэнэл Миро лав чачунэ́с. Саво́ исын кхэтаныпэн машки́р пхус и зя́рка?” – ракирэ́ла Рай Дэвэ́л.

Sykadyipén 1:19

Палдава́ чхин (рандэ), со ту дыкхця́н, со исын какана́, и кодова́, со явэ́ла тэ кэрэ́лпэ пало́ дава́,

Avakumo 2:2

Тэ́ньци отпхэндя́ ма́нгэ Рай Дэвэ́л и пхэндя́: “Зачхин дыкхибэ́н и кэр бицялэс (яснэс) дава́ пэ таблицы, соб (кай) кодова́, кон явэ́ла тэ гинэл, сашты́ локхэс тэ гинэл.

Дание́лё 7:15

Лыя́ тэ пхарьёл миро ду́хо (фа́но) андра́л ма́ндэ, Даниелёстэ, дро мирэ́ маса́, и дыкхибэ́н мирэ́ шэрэскиро кэрдя́ ма́нгэ пхарипэ́н.

Дание́лё 7:13

Дыкха́вас мэ дро рати́тко дыкхибэ́н, акэ, болыбнытконэ облокэ́нца джа́лас о Чхаво́ манушэ́нгиро, догия́ кэ Пхурыдыр, ґаратунэ́-дывэсэнгиро и сыс лыджино кэ Ёв.

Дание́лё 2:1

Пэ яви́р бэрш кралипнаскиро Навуходоносороскиро, о Навуходоносо́ро дыкхця́ (дыя́) сунэ́, и залыяпэ ду́хо (фа́но) лэ́скиро, и соибэн гия́ лэ́стыр.

Čysly 12:6

И пхэндя́: “Шунэ́н Мирэ́ лава́: ко́ли тэ явэ́л тумэ́ндэ Ра́скирэ-Дэвлэ́скиро проро́ко, тэды Мэ отчхакиравапэ лэ́скэ дрэ дыкхибэ́н, и дро суно́ Мэ ракиравас лэ́са;

Džiibén 46:2

И пхэндя́ Дэвэ́л Израилёскэ раты́ дро суно́: “Я́кове! Якове!” Ёв пхэндя́: “Ѓа́да, мэ сом.”

Sykadyipén 10:4

И ке́ли эфта́ громэ пхэндлэ́, тэды мэ скэдыёмпэ тэ чхинав. И мэ шундём зан болыбна́стыр, со пхэндя́: “Гара́в дава́ пэ чэргэнори́, сави́ пхэндлэ́ эфта́ гро́мы и на зачхин дава́.”

2 Коринфянэнгэ 12:1

Ѓа́да, нанэ ни сави́ льго́та ма́нгэ тэ шаравпэ. Нэ мэ роспхэнава пал дыкхибэна и сыкадыипэна ма́нгэ Ра́стыр-Дэвлэ́стыр.

Римлянэнгэ 15:4

Палдава́ саро́, со исыс чхиндло́ англэды́р, сыс чхиндло́ ваш амэ́нгэ, соб (кай) амэ тэ сыклёвас, соб (кай) амэ́ндэ тэ явэ́л наде́я вырикирибнаса и подрикирибнаса Свэнтонэ́ Чхиныбна́стыр.

Дание́лё 8:1

Пэ три́то бэрш кралипнаскиро, сыр Валтасаро яця́ крали́са, то явдя́ ма́нгэ, Даниелёскэ, дыкхибэ́н пало́ дова́, саво́ явдя́ ма́нгэ пэ́рво мо́ло.

Дание́лё 7:7

Пало́ дава́ дыкха́вас мэ дро рати́тко дыкхибэ́н, и, акэ, шта́рто рискирибна́скиро мурда́л трашадо и страхано, и древа́н зорало́. Лэ́стэ сыс барэ́ саструнэ́ данда́; ёв халас и пхагирэлас, и со ячэ́лапэ, дова́ ёв тасавэла ґэрэ́нца. Ёв сыс явирчано сарэ́ндыр явирэ мурдалэ́ндыр, и дэш шынга́ (ро́ги) сыс лэ́стэ.

Дание́лё 5:30

Дрэ кодоя рат, хачи, о Валтасаро, Халдеенгиро кра́ли, сыс замардо,

Дание́лё 5:22

И ту сан, лэ́скиро чхаво́ Валтасаро, на тыкнякирдян пхутькирибэ́н тыро́, на дыкхи́, со ту джинэсас пал саро́ дова́,

Езэкилё 1:1

И сыс: дро (дэшутрито) бэрш, дро шта́рто чхон пэ па́нджто чхонытко дывэ́с, ко́ли мэ со́мас машки́р одолэ́ндэ, конэ́с традынэ дро пле́но, пашы́л рэка (лэнь) Ховар – откэрдяпэ болыбэ́н, и мэ дыкхцём дыкхибэна Дэвлэ́стыр.

Ереме́ё 36:4

Тэ́ньци Ереме́ё кхардя́ кэ пэ Варухос (чхавэ́с Нерияскирэс); и о Варухо чхиндя́ пэ сви́тко лылварьятыр сарэ́ лава́ Ра́скирэ-Дэвлэ́скирэ, савэ́ сыс чибатыр Еремеёскирьятыр, савэ́ Рай Дэвэ́л пхэндя́ Еремеёскэ.

Ереме́ё 27:7

И сарэ́ Наюды́тка на́цыи явэ́на тэ дынаринэ́н лэ́скэ, лэ́скирэ чхавэ́скэ, и лэ́скирэ-чхавэ́скирэ чхавэ́скэ анги́л дова́, сыр явэ́ла адя́кэ-паць хасибны́тко дывэ́с лэ́скирэ пхувьякэ. И тэды бут Наюды́тка на́цыи и барэ́ кра́лья тыкнякирэна Вавило́но тэ дынаринэ́н лэ́скэ.

Isajos 30:8

Акана́ подджа, зачхин саро́ дава́ пэ пхал, зачхин дрэ лылвари́, соб (кай) тэ ячэ́лпэ дава́ пэ дывэса́, савэ́ явэ́на, пэ саро́ часо (цы́ро).

Isajos 8:1

И пхэндя́ ма́нгэ Рай Дэвэ́л: “Лэ пэ́скэ бари папиря (сви́тко), чхин одо́й манушытконэ́ чхиныбнаса: Магер – шелал (шалал) – хаш – баз.”

Ióvo 4:13

дрэ на́бут трашанэ зданки, со ману́ш дыкхэ́ла дро суно́ раты́, ке́ли хор соибэн лэ́ла манушэ́с:

Džiibén 15:1

Пало́ далэ́ рэ́нды (де́лы) Ра́скирэ-Дэвлэ́скиро лав сыс дро дыкхибэ́н Аврамоскэ, и сыс пхэндло́: “Авраме, на дар; Мэ сом тыро́ шчы́то; мазу́ри (награда) ту́кэ тыро́ исын древа́н бари.

Ереме́ё 36:32

Тэ́ньци Ереме́ё лыя́ яви́р сви́тко и дыя́ лэс Варухоскэ, лыла́-чхиныбнаскирэскэ, чхавэ́скэ Нерияскирэ, саво́ чхиндя́ пэ сви́тко сарэ́ лава́ Еремеёскирэ чибатыр, сарэ́ долэ́ лава́ лылварьятыр, со хачкирдя́ дрэ яг о Иоакимо, кра́ли пэ Юдэ́я; и одо́й сыс бут дочхудэ лава́, савэ́ сыс дасавэ́-паць сыр и пэ́рва лава́.

Езэкилё 40:2

Дро дыкхибэ́н Дэвлэ́стыр Ёв лыджия́ ман пэ Израилёскиро пхув, чхудя́ ман пэ древа́н вучи́ бэ́рга, и пэ ла́тэ кажнонэ́ рига́тыр сыс сы́рбы патри́н (рисунко) пэ форитка кхэра́.

Дание́лё 2:26

О кра́ли пхэндя́ Даниелёскэ, саво́ кхардо сыс Валтасаро: “Ци сашты́ ту, хай, тэ пхэнэ́с ма́нгэ суно́, саво́ мэ дыкхцём, и лэ́скири зна́чыма?”

Дание́лё 4:13

[16] И мэк ило́ манушэ́скиро тэ отлэлпэ лэ́стыр и тэ дэлпэ лэ́скэ о ило́ рискирибна́скирэ мурдалэскиро (зверёскиро), и тэ джа́н (накхэн) упра́л лэ́стэ эфта́ часы (цыры).