Дание́лё 6:4 - Библия - Пэ Балтитко Романи чиб (Романэс) 2019

⁴ Тэ́ньци э тхага́рья и сатрапы лынэ́ тэ родэ́н вари-сави́ банг, соб (кай) тэ дошакирэн Даниелёс дро хулаибэн кралипнаскиро; нэ нисави́ банг (дош) на могиндлэ́ тэ латхэ́н, пал-дова́ со ёв сыс чачипна́скиро, нисаво́ промэкибэн (погрехо) и дош дрэ лэ́стэ на латхяпэ.

Biblija - Pe Baltitko Romani čib (Romanes) 2019

⁴ Tén'ci e thagárja i satrapy lyné te rodén vari-saví bang, sob (kaj) te došakiren Danijeljos dro xulaiben kralipnaskiro; ne nisaví bang (doš) na mogindlé te lathén, pal-dová so jov sys čačipnáskiro, nisavó promekiben (pogrieho) i doš dre léste na lathiape.

Дание́лё 6:4 Referans Kwoze

1 Petr 3:16

тэ явэ́л тумэ́ндэ лачхи́ паты́в, соб (кай) одолэ́ мануша́, савэ́ ракирэ́на проти тумэ́ндэ, тэ явэ́н ладжакирдэ́, ке́ли ёнэ нашукар отлыджанапэ кэ тумэ́ пал тумаро́ лачхо́ джиибэ́н дрэ Христосо́стэ.

Filipiicenge 2:15

соб (кай) тумэ́нгэ ни дро со тэ на явэ́л банг и, соб (кай) тумэ́ тэ явэ́н жужэ́ (чыста) Дэвлэ́скирэ чхавэ́ и бидошакирэ машки́р манушэ́ндэ, савэ́ исын биладжаипнытка и розмэкнэ, кай тумэ́ зяинэна сыр чэргэня́ дро свэ́то,

1 Petr 2:12

и дживэ́н пир чачипэ́н машки́р Наюдэ́ндэ, соб (кай) одолэ́, кон ракирэ́ла чорипэ́н пэ тумэ́ндэ, со тумэ́ сан фуй, тэ дыкхэ́н тумарэ́ лачхэ́ рэ́нды и тэ славинэ́н Дэвлэ́с, ке́ли Ёв явэ́ла.

Luka 20:20

И ёнэ дыкхнэ́ ракхибны́ткэс пал Исусо́стэ, подбичхадэ чораханэ манушэ́н, савэ́ причхудэпэ чачунэ́ манушэ́нца, соб (кай) тэ ухтылэ́н Лэс дро лав тэ здэн Лэс Римо́скирэ балунитконэскэ (правителёскэ), конэ́стэ сыс зор и право тэ сэндинэл.

Titoske 2:8

ра́кир чачунэ́ лава́, соб (кай) адалэ́ манушэ́нгэ, савэ́ исын вэ́рги тумарэ́, тэ явэ́л лэ́нгэ ладжаво, и ёнэ тэ на могинэн тэ пхэнэ́н нисаво́ чорипэ́н пал амэ́ндэ:

Матфеё 27:18

Пал-дова́ со ёв джиндя́, со ёнэ здынэ Лэс зэвлыныпнастыр.

Ереме́ё 20:10

Пал-дова́ со Мэ шундём, сыр бут розлыджана бэдо сла́ва: ‘Траш исын пэ кажно риг’: ‘Мэк ёв пхэнэ́ла вари-со’, – ёнэ ракирэ́на, – и амэ здаса (пхукаваса) лэс.’ Сарэ́, кон сыс сы́рбы пэ мири́ риг, дыкхэ́на цямкэс, соб (кай) мэ тэ обштававпэ, и пхэнэ́на: ‘Амэ, хачи, затырдаса лэс, тэ́ньчи амэ ла́са упралыпэ́н пэ лэ́стэ, и амэ отхаса (отдаса) палэ лэ́скэ (кушаса холы́ пэ лэ́стэ!)’”

1 Ximaske 5:14

И палдава́ мэ кама́м, соб (кай) тэрнэ́ пивля, тэ джа́н палоро́м тэ биянэн чхаворэ́н, и тэ лыджа́н кхэри́тко хулаибэн, тэ на дэн нисаво́ саштыпэн тумарэ́ вэргоскэ, соб (кай) тэ ракирэ́л фуипэ́н.

Ekliesiastos 4:4

И мэ дыкхцём, со пал кажно пхари́ буты́ и кажно рангири буты́, ману́ш зэвлынэла явирэ манушэ́скэ. Дава́ исын адя́кэ-паць харныпэ́н и сы́рбы тэ традэспэ пал балва́л.

Pritčy 29:27

Чачунэ́ мануша́ джа́на криг (брыдинэна) начачунэ манушэ́ндыр, нэ дэвлы́тка мануша́ рикирнапэ дрэ риг фуе́ манушэ́ндыр.

Сэндарьенгири Лылвари́ 14:4

Дад лэ́скиро и дай лэ́скири на джиндлэ́, со дава́ сыс Ра́стыр-Дэвлэ́стыр, и со ёв родэ́ла ваканцыя (случаё) тэ отомстинэл (тэ отхал палэ) Филистимлянэнгэ. А дро дова́ часо Филистимля́ни сыс хулая́ пэ Израилё.

Džiibén 43:18

И мануша́ адалэ́ страха́дынэ, со лыджинэ́ лэн дро Ёзаскиро кхэр, и пхэндлэ́: “Дава́ исын пал руп, саво́ чхудо сыс англэды́р дрэ амарэ́ гонэ́, залыджинэ амэн, соб (кай) тэ припхандэнпэ кэ амэ и тэ пэрэ́н пэ амэ́ндэ, и тэ лэн амэн дро писхарибэн (рабство) и тэ замарэ́н ослэн.”

2 Коринфянэнгэ 11:12

соб (кай) ма́нгэ тэ на дав саштыпэн (возможность/ваканцыя) одолэ́нгэ, савэ́ шарэна пэс, со ёнэ кэрэ́на адя́кэ-паць, сыр и амэ.

Joannostir 19:4

Пила́то нэвэ́стыр выгия́ кэ мануша́ и пхэндя́ лэ́нгэ: “Ѓа́да, мэ вылыджава Лэс кэ тумэ́, соб (кай) тумэ́ тэ джинэ́н, со мэ на латхём нисави́ банг дрэ Лэ́стэ.”

Luka 22:2

и раша́нгирэ барыдыра́ и лылвари́тка думиндлэ, сыр тэ мулякирэ́н Исусо́с чораханэ́с, пал-дова́ со ёнэ дара́ндынэ манушэ́ндыр.

Матфеё 26:4

и кхэтанэ́ зракирдэпэ тэ ухтылэ́н Исусо́с фротымаса, и тэ мулякирэ́н Лэс;

Дание́лё 3:8

Палдава́ дро дасаво часо подгинэ́ вари-савэ́ Халдеендыр и допхэндлэ пэ Юдэ́ндэ.

Ереме́ё 18:23

И Ту, Раё Дэ́вла, джинэ́са саро́ лэ́нгиро зракирибэ́н, соб (кай) тэ мулякирэ́н ман. На отмэк лэ́нгэ лэ́нгиро чорипэ́н, на кхос криг лэ́нгиро грэ́хо Тырэ́ якхэ́ндыр, нэ мэк ёнэ тэ пэрэ́н анги́л Ту́тэ, роскэдэпэ лэ́нца, сыр Ту холясоса пэ лэ́ндэ.’”

Ереме́ё 18:18

Тэ́ньци ёнэ пхэндлэ́: “Явэ́н, придуминаса вари-саво́ плано пэ Еремеёстэ; пал-дова́ со Зако́но на отпэрэла рашастыр ци годо́ лав манушэ́ндыр ци лав пророкостыр. Явэ́н, замараса чиба́са лэс, и мэк нико́н амэ́ндыр тэ на пришунэлпэ кэ лэ́скирэ лава́.”

1 Kralip 22:14

И отпхэндя́ Ахимелехо крали́скэ и пхэндя́: “Кон сарэ́ тырэ́ дынарье́ндыр (слугэ́ндыр) исын адасаво́ чачуно́, сыр исын Дави́до? Ёв и крали́скиро зятё (джамутро) исын, и кэрэ́ла пир тырэ́ припхэныбэна́, и дэ́ла паты́в лэ́скэ дро тыро́ кхэр.

1 Kralip 18:14

И Дави́до дрэ сарэ́ пэ́скирэ рэ́нды кэрдя́ годьварэс, и Рай Дэвэ́л сыс лэ́са.

Luka 20:26

И ёнэ на могиндлэ́ тэ ухтылэ́н Исусо́с дро лав анги́л манушэ́ндэ, а дивиндлэ́пэ пэ Лэ́скиро отпхэныбэ́н и ячнэ́ штыл.

Ереме́ё 29:7

И прихчувэн зор сарэ́ зорья́тыр, соб (кай) тэ явэ́л рама́нё (миро) дро фо́ро, кэ саво́ Мэ пиричхудём [пирилыджиём-р.с.] тумэн тэ дживэ́н дро пле́но, и мангэ́нпэ Ра́скэ-Дэвлэ́скэ пал дава́, пал-дова́ со рама́нё дро дова́ фо́ро явэ́ла тумаро́ рама́нё.

Дание́лё 6:22

О Дэвэ́л миро бичхадя́ Пэ́скирэс Янголо́с и загарадя шчэрэнгиро муй, и ёнэ ничи́ на кэрдэ́ ма́нгэ, палдава́ и мэ сом анги́л Лэ́стэ жужо́, и анги́л ту́тэ, кра́лё, мэ на кэравас намиштэс.”

Džiibén 41:38

И пхэндя́ фарао́но пэ́скирэ дынарье́нгэ: “Ци латхаса амэ адасавэс, сыр ёв исын, манушэ́с, дрэ савэ́стэ тэ явэ́л Дэвлэ́скиро Ду́хо (Фа́но)?”

1 Kralip 12:4

И отпхэндлэ́: “Ту на дукхадян (на збидиндян) амэн и на притасадян амэн, и ничы́ ни конэ́стэ на лыян.”

Дание́лё 5:12

пал-дова́ со дрэ лэ́стэ, дрэ Даниелёстэ, савэ́с о кра́ли пирикхардя дрэ Валтасаростэ, сыс вучо́ ду́хо (фа́но), джиныбэ́н и годы́, тэ пирипхэнэл сунэ́, тэ розлэл шэрэпхарибнытка задыибэна (тэ пирипхэнэл дова́, кай исын ґарадо ґалыибэ́н) и тэ росчхувэл вэнзлы. Адя́кэ мэк тэ кхарэ́н Даниелёс, и тэ пирипхэнэл ёв ту́кэ зна́чыма.”