Дание́лё 6:3 - Библия - Пэ Балтитко Романи чиб (Романэс) 2019

³ Дание́лё сыс чхудо барэды́р сарэ́н явирэ и сатрапэндыр и тхагадьендыр и пал-дова́ со сыс дрэ лэ́стэ вучо́ ду́хо (фа́но), то о кра́ли мыслинэлас, соб (кай) тэ чхувэ́л лэс упралэдыр пир саро́ кралипэ́н.

Biblija - Pe Baltitko Romani čib (Romanes) 2019

³ Danijéljo sys čhudo baredýr sarén javire i satrapendyr i thagad'jendyr i pal-dová so sys dre léste vučó dúho (fáno), to o králi myslinelas, sob (kaj) te čhuvél les upraledyr pir saró kralipén.

Дание́лё 6:3 Referans Kwoze

Дание́лё 5:14

Мэ шунавас пал ту́тэ, со Ду́хо (Фа́но) Дэвлэ́скиро исын дрэ ту́тэ и дуд (свэ́то), и годы́, и вучо́ ґалыибэ́н латхно дрэ ту́тэ.

Pritčy 22:29

Ци ту дыкхэ́са манушэ́с, саво́ добусовэс кэрэ́ла пэ́скири буты́? Ёв явэ́ла тэ тэрдёл анги́л кралье́ндэ; ёв на явэ́ла тэ тэрдёл анги́л простонэ (напатывалэ) манушэ́ндэ.

Дание́лё 5:12

пал-дова́ со дрэ лэ́стэ, дрэ Даниелёстэ, савэ́с о кра́ли пирикхардя дрэ Валтасаростэ, сыс вучо́ ду́хо (фа́но), джиныбэ́н и годы́, тэ пирипхэнэл сунэ́, тэ розлэл шэрэпхарибнытка задыибэна (тэ пирипхэнэл дова́, кай исын ґарадо ґалыибэ́н) и тэ росчхувэл вэнзлы. Адя́кэ мэк тэ кхарэ́н Даниелёс, и тэ пирипхэнэл ёв ту́кэ зна́чыма.”

Ester 10:3

Адя́кэ-паць, сыр и дова́, со Мардохе́ё Юдо сыс яви́р ману́ш пал крали́стэ Артаксерксостэ и сыс баро́ ману́ш ваш Юдэ́нгэ и ёв сыс пир ило́ ваш бутэнгэ пэскирэндэ пшалэ́нгэ, пал-дова́ со ев родыя лачхипэ́н пэ́скирэ манушэ́нгэ и ракирдя́ пал рама́нё (миро) сарэ́ пэ́скирэ родо́скэ.

Дание́лё 9:23

Анги́л, сыр тыро́ илытко мангипэ́н дыя́ о лав, и мэ явдём тэ пхэна́в ту́кэ, со ту сан мурш пир ило́ (жэланно): адя́кэ тэ ґалёс дава́ лав и тэ ґалёс дыкхибэ́н:

Pritčy 17:27

Кон исын годьваро́, одова́ ракхибны́ткэс ракирэ́ла, кон ґалёла годэс, кодолэстэ ду́хо (фа́но) на кунинэлапэ.

Ekliesiastos 2:13

И мэ дыкхцём, со годыпэ́н исын фэды́р дылныпнастыр, со дуд (свэ́то) исын фэды́р калыпна́стыр (цямлыпнастыр).

Ниеми́я 7:2

то тэ́ньчи мэ припхэндём мирэ́ пшалэ́скэ Хананискэ и барыдырэ́скэ пэ тва́рдыма (диз) Хананияскэ, саво́ сыс дро Ерусалимо, пал-дова́ со ёв сыс патяибны́тко ману́ш буты́р явирэндыр и ёв дарандыя Дэвлэ́стыр буты́р явирэндыр.

Дание́лё 5:7

Зоралэ́с задыя годлы о кра́ли, соб (кай) тэ янэ́н калэ́-магитконэн, э Халдеен, и э драбакирибнаскирэн пэ планеты. О кра́ли лыя́ тэ ракирэ́л, и пхэндя́ годыпнаскирэнгэ дро Вавило́но: “Кон гинэ́ла, со дава́ чхиндло́ исын и пирипхэнэла ма́нгэ, кодова́ явэ́ла уридо́ дро лоло́ пхар, и сувнакуны́ зандир (цэпка) явэ́ла пэ лэ́скири мэн, и тритонэса барыдырэ́са явэ́ла ёв пэ лыджино тхэм дро кралипэ́н.”

Е́здра 4:22

Дыкхэ́н ракхибны́ткэс, соб (кай) тэ на дэнпэ дукха́, со́скэ бибахтякэ тэ явэ́л бутэды́р тэ кэрэ́л дош крали́скэ?”