Дание́лё 6:10 - Библия - Пэ Балтитко Романи чиб (Романэс) 2019

¹⁰ О Дание́лё, хачи, ґалыи́, со сыс подчхиндло дасаво запхэныбэн, гия́ дро пэ́скиро кхэр; э фэнштра, хай, дрэ упратуны шту́ба сыс псирады (отпхэндлы) анги́л Ерусалимо, и ёв трин мо́лы дро дывэ́с бандгякирдя чанга́, и мангдя́пэ пэ́скирэ Дэвлэ́скэ, и бахтякирэлас Лэс, сыр кэрэ́лас ёв дава́ и анги́л дова́.

Biblija - Pe Baltitko Romani čib (Romanes) 2019

¹⁰ O Danijéljo, xači, ĥalyí, so sys podčhindlo dasavo zaphenyben, gijá dro péskiro kher; e fenštra, xaj, dre upratuny štúba sys psirady (otphendly) angíl Jerusalimo, i jov trin móly dro dyvés bandgiakirdia čangá, i mangdiápe péskire Devléske, i bahtiakirelas Les, syr kerélas jov davá i angíl dová.

Дание́лё 6:10 Referans Kwoze

Psalmy 55:17

Нэ мэ кхара́ва Дэвлэ́с тэ помогинэл ма́нгэ и Рай Дэвэ́л зракхэ́ла ман.

Apostolengiri Butý 5:29

Нэ Пэ́три и Апо́столы отпхэндлэ́: “Амэ сам бангэ́ (мусинаса) тэ кандас Дэвлэ́с, а на манушэ́н.

Psalmy 95:6

Явэ́н тэ дас паты́в Лэ́скэ и тэ бандякирас тэлэ́ шэрэ́, явэ́н тэ пэрас пэ чанга́ анги́л Растэ-Дэвлэ́стэ, Саво́ создыя́ амэн.

Юдэ́нгэ 13:15

Палдава́ ява́са саро́ часо пир Исусо́стэ тэ славинас Дэвлэ́с лавэ́нгирэ-свэнтонэ́ дыибнаса, – дава́ исын амарэ́ лава́, ке́ли амэ приджинаса, со Ёв исын амаро́ Рай Дэвэ́л.

Filipiicenge 4:6

На пхагирэн шэро́ пэ́скэ ни пал со, нэ кажно мо́ло, ке́ли тумэ́ мангэ́напэ Дэвлэ́скэ, мангэ́нпэ парикирибнаса тэ отчхакирэн пэ́скирэ патерья (молитвы) анги́л Дэвлэ́стэ;

Psalmy 34:1

Давидо́скиро Пса́лмо, ке́ли Ёв парудя пэс пэ бигодякирэ Манушэ́стэ анги́л Авимелехостэ, саво́ традыя́ лэс криг и Дави́до гия́ пэ́скэ.

Psalmy 5:7

Ту хасякирэса одолэ́н, кон ракирэ́ла хоханэ́ лава́: Рай Дэвэ́л древа́н на камэ́ла манушэ́н, савэ́ исын нахрата кэ рат и хоханэ́.

Apostolengiri Butý 9:40

А Пэ́три традыя́ яври́ сарэ́н штубатыр, тэрдия́ пэ чанга́ и лыя́ тэ мангэ́лпэ Дэвлэ́скэ; тэды ёв порисия кэ мулы и пхэндя́: “Тавифие, ушты́!” И ёй отчхакирдя́ якха́, дыкхця́ Пэтрис и бэсця́.

Jona 2:4

Пал-дова́ со Ту чхурдыян ман дро хорипэ́н пэ са́мо морёскиро (дэрьявэ́скиро) ило́. И панинга́ обчхудэ ман трусця́л; и тырэ́ барэ́ панинга́, со кунинэнапэ, и валны прогинэ́ пирда́л ма́ндэ.”

3 Kralip 8:54

Ке́ли Соломо́но пхэндя́ сарэ́ далэ́ патерья (молитвы) и мангипэ́н кэ Рай Дэвэ́л, тэды уштыя́ чангэндыр Ра́скирэ-Дэвлэ́скирэ алтарёстыр, васта́ лэ́скирэ сыс ґаздынэ́ кэ болыбэ́н.

3 Kralip 8:44

Ко́ли выджа́на Тырэ́ мануша́ пэ марибэ́н пэ вэргэ́ндэ пэскирэндэ дромэ́са, савэ́са Ту бичхавэса лэн, и явэ́на тэ мангэ́нпэ Ра́скэ-Дэвлэ́скэ, рисии кэ фо́ро, саво́ Ту выкэдыян, и кэ Кхангири́, сави́ Мэ чхудём лавэ́скэ Тырэ́скэ.

Эфесянэнгэ 3:14

Ваш дава́ мэ и сом тэрдо́ пэ чанга́ анги́л амарэ́ Ра́скирэ-Дэвлэ́скирэ, Исусо́скирэ Христосо́скирэ Дадэ́стэ,

Apostolengiri Butý 10:9

Пэ яви́р дывэ́с, ке́ли ёнэ подгинэ́ пашылэды́р кэ фо́ро, Пэ́три пашэ́ шо́вто мардо́ (шту́нда) гия́ упрэ́ пэ кхэр тэ мангэ́лпэ Дэвлэ́скэ.

Дание́лё 6:13

Пало́ дова́ ёнэ отпхэндлэ́ и ракирдэ́ крали́скэ: “Кадава́ Дание́лё, саво́ исын пленонэ Юдытконэ манушэ́ндыр, на сыкавэ́ла паты́в ни пэ ту́тэ, кра́лё, ни пэ упхэныбэ́н, саво́ сыс подчхиндло ту́са, нэ трин мо́лы пэ дывэ́с ёв мангэлапэ пэ́скирэ патерьенца (молитвэнца).”

Юдэ́нгэ 4:16

Палдава́ амэ ява́са тэ джас пашылэды́р муршыпнаса кэ Дэвлэ́скиро троно, Кон дэ́ла бахталыпэ́н, соб (кай) тэ дорэсас тангипэ́н и бахталыпэ́н тэ помогинас (тэ подас васт) екх екхэ́скэ.

3 Kralip 8:38

ци дрэ кажно па́тери (моли́тва), ци дрэ кажно мангипэ́н, саво́ явэ́ла вари-савэ́ манушэ́стыр пир сарэ́ Тырэ́ Израилёскирэ манушэ́ндэ, ке́ли ёнэ почуинэна би́да дрэ пэ́скиро ило́ и ґаздэ́на васта́ пэ́скирэ кэ дая́ Кхангири́.

Sykadyipén 2:10

На дар нисостыр, пал со ту́кэ приявэлапэ тэ мэнчынэспэ. Ѓа́да, на́лачхо явэ́ла тэ чхурдэл вари-савэ́н тумэ́ндыр дро штарибэ́н (бэшыбэн); соб (кай) тумэн тэ пропатякирэн и тумэ́ндэ явэ́ла пхарипэ́н дэш дывэса́. Яв патяибны́тко кэ мэрибэ́н, и Мэ да́ва ту́кэ джиибна́скири вя́нка (коро́на).

Колосянэнгэ 3:17

И саро́, соб (кай) тумэ́ тэ на кэрэ́н, лавэ́са ци рэндоса, саро́ кэрэ́н ваш Ра́скиро-Дэвлэ́скиро, Исусо́скирэ Христосо́скиро лав, парикирэ́н Дэвлэ́скэ Дадэ́скэ пир Лэ́стэ.

Filipiicenge 1:20

Мэ джино́м зоралэ́с и мэ патя́ва, со ма́нгэ ни дро со на явэ́ла ладжаво, а мэ, сыр ґарэдыр, адя́кэ-паць и какана́ би дара́киро, ява́ва тэ барьякирав паты́в Христосо́скэ мирэ́ джиибнаса, ци ява́ва мэ джидо́, ци муло́.

Apostolengiri Butý 20:36

Ке́ли Па́вли пхэндя́ дава́, ёв тэрдия́ пэ чанга́ кхэтанэ́ сарэ́нца и мангдя́пэ Дэвлэ́скэ сарэ́нца.

Ниеми́я 6:11

Нэ мэ пхэндём: “Сашты́ (могинэ́ла) тэ нашэ́л адасаво́ ману́ш, сыр мэ сом?” Сашты́ адасаво́ тэ явэ́л, со, сыр дасаво сыр мэ сом, тэ джал андрэ́ Кхангири́ (Свэнто-свэнтонэнгиро), соб (кай) тэ ячэ́л джидэса? На джа́ва.”

2 Паралипоменоно 6:38

и рисёна кэ Ту сарэ́ пэ́скирэ илэ́са и сарэ́ пэ́скирэ де́са, пэ пхув, пэ сави́ ёнэ явэ́на дро пле́но, карик отлыджана лэн дро пле́но, и явэ́на тэ мангэ́нпэ, рисии кэ пэ́скири пхув, сави́ Ту дыя́н лэ́нгирэ дадэ́нгэ, и кэ фо́ро, саво́ Ту выкэдыян, и кэ Кхангири́, сави́ мэ кэрдём Тырэ́ лавэ́скэ, –

Sykadyipén 2:13

Мэ джино́м тыри́ буты́, и, кай ту дживэса, одо́й, кай на́лачхо исын бэшто́ пэ пэ́скиро троно. Ту рикирэсапэ пал Миро лав и ту на отпхэндянпэ пэ́скирэ патяибнастыр дрэ Ма́ндэ аж дрэ долэ́ дывэса́, ке́ли Антипо, миро патяибнаскиро якхи́тко, сыс замардо машки́р тумэ́ндэ одо́й, кай на́лачхо дживэ́ла.

Filipiicenge 1:14

со барэды́р паш пшалэ́ндыр пир Растэ-Дэвлэ́стэ, пир дава́, со мэ сом бэшто́ дро штарибэ́н пал патяибэ́н, ячнэ́ зоралэды́р дро патяибэ́н дрэ амарэ́ Растэ-Дэвлэ́стэ и тэ ракирэ́н Дэвлэ́скиро лав би дара́киро.

Apostolengiri Butý 21:5

Нэ ке́ли амарэ́ дывэса́ кончындлэпэ, амэ традыям дурэды́р, и сарэ́ сыкляибны́тка пэ́скирэ ромне́нца и чхавэ́нца лыджинэ́ амэн пал фо́ро. А пэ брэ́го амэ тэрдиям пэ чанга́ и мангдямпэ Дэвлэ́скэ.

Apostolengiri Butý 20:24

Нэ мэ ни пэ со дава́ на дыкха́ва, и мэ на дарава пал пэ́скиро джиибэ́н, екх ма́нгэ трэй тэ проджав миро дром и тэ кэра́в рэ́ндо (де́ло), саво́ дыя́ ма́нгэ Рай Дэвэ́л, Ису́со Христо́со, тэ лыджав бахталы́ зан (звесь) манушэ́нгэ пал Дэвлэ́скиро бахталыпэ́н.

Apostolengiri Butý 7:60

И ёв пыя́ пэ чанга́ и зоралэ́ заня́са пхэндя́: “Раё Дэ́вла! На гин дава́ грэ́хо пал лэ́ндэ.” И далэ́ лавэ́нца Стехвано мыя́.

Apostolengiri Butý 5:20

“Джа́н дрэ Кхангири́, тэрдён и роспхэнэ́н сарэ́ манушэ́нгэ пал дава́ нэво́ джиибэ́н.”

Apostolengiri Butý 4:29

И какана́, Раё Дэ́вла, Ту дыкхэ́са, со ёнэ амэн страхакирэна и дэ амэ́нгэ, писхарье́нгэ, муршыпэн тэ на дарас тэ пхэнас Тыро́ лав;

Apostolengiri Butý 3:1

Пэ́три и Иа́но е́кхвар гинэ́ кхэтанэ́ дрэ Кхангири́ пэ бэльвэлитко мангипэ́н:

Apostolengiri Butý 2:15

Кадалэ́ мануша́ исын на матэ, сыр дава́ тумэ́нгэ здэлапэ, пал-дова́ со какана́ еня́ (биекхэ́скиро дэш) мардэ́ (штунды) дывэсэ́.

Luka 22:41

И Ёв отгия́ лэ́ндыр пэ ада́кицы, пэ кицы́ дочхурдэса бар, и тэрдия́ пэ чанга́, и мангдя́пэ Дэвлэ́скэ дасавэ́ лавэ́нца:

Luka 14:26

“Ко́ли вари-кон явэ́ла кэ Мэ и на ячкирэ́ла пэ́скирэ дадэ́с и да, и ромня́, и чхаворэ́н, и пшалэ́н, и пхэнен, и адя́кэ-паць на явэ́ла тэ ракхэ́л пэ́скиро джиибэ́н; кодова́ на могинэ́ла тэ явэ́л Миро сыкляибны́тко;

Psalmy 86:3

Яв тангипнаскиро кэ мэ, о Раё Дэ́вла, пал-дова́ со, мэ со дывэ́с прикхарава Тут сарэ́ зорья́тыр.

Е́здра 9:5

Пэ бэльвэлякиро свэ́нто дыибэ́н мэ уштыём постостыр, и дрэ роскушны и́дя и шалниро, мэ пыём пэ чанга́ и диндькирдём мирэ́ васта́ кэ Рай Дэвэ́л, миро Дэвэ́л,

2 Паралипоменоно 6:13

пал-дова́ со Соломо́но кэрдя́ харкуно амвоно, длэнгипна́са дрэ пандж куня́ и буґлыпнаса дрэ пандж куня́, а вучипна́са дрэ трин куня́, и чхудя́ лэс машки́р грэ́да; и тэрдия́ пэ лэ́стэ, и тэрдия́ пэ чанга́ анги́л саро́ Израильёскиро скэдыибэ́н, и ґаздыя́ пэ́скирэ васта́ кэ болыбэ́н,

3 Kralip 8:30

Шун мангипэ́н Тырэ́ писхарискиро и Тырэ́ Израилёскирэ манушэ́нгиро, ке́ли ёнэ явэ́на тэ мангэ́нпэ кэ дава́ штэ́то; шун пэ штэ́то Тырэ́ джиибна́скиро, пэ болыбэ́н, шун и приманг (простин).

Дание́лё 9:4

И мангдёмпэ мэ Ра́скэ-Дэвлэ́скэ мирэ́скэ и откэравас мэ ило́ и ракиравас: “Манга́ва Ту́тыр, Раё Дэ́вла, баро́ и дивно кэ дар, Кон ракхэ́ла завето и ла́ска кодолэнца, савэ́ рикирэ́на Тут сыр Дро́гима дро ило́ и рикирэнапэ кэ припхэныбэна́ Тырэ́!

Marko 3:3

И Ёв ракирэ́ла манушэ́скэ шукэ́ вастэ́са: “Ушты́ и тэрдёв машкира́л.”