Дание́лё 5:9 - Библия - Пэ Балтитко Романи чиб (Романэс) 2019

⁹ О кра́ли Валтасаро сыс древа́н дарано; э мина москири лэ́стэ парудяпэ; лэ́скирэ тхага́рья (кня́зи) сыс смэнтна.

Biblija - Pe Baltitko Romani čib (Romanes) 2019

⁹ O králi Valtasaro sys drieván darano; e mina moskiri léste parudiape; léskire thagárja (kniázi) sys smentna.

Дание́лё 5:9 Referans Kwoze

Дание́лё 5:6

Тэ́ньци крали́скиро муй парудяпэ дрэ лэ́скири мина; э ду́мы лэ́скирэ пхарьякирдэ лэс адя́кэ, сарэ́ трушула (чреслы) нашадэ зор, чанга́ лэ́скирэ лынэ́ тэ марэ́нпэ екх пир яви́р.

Дание́лё 2:1

Пэ яви́р бэрш кралипнаскиро Навуходоносороскиро, о Навуходоносо́ро дыкхця́ (дыя́) сунэ́, и залыяпэ ду́хо (фа́но) лэ́скиро, и соибэн гия́ лэ́стыр.

Ереме́ё 6:24

“Амэ шундя́м звесь пал лэ́ндэ, – амарэ́ васта́ ячнэ́ бизорья́кирэ, бари ту́га ухтылдя амэн, дукх, сы́рбы дрэ джувля́тэ, кон исын дрэ пхари́ мэнька.

Sykadyipén 6:15

И кра́лья пхувья́кирэ, и барэ́ рая́, и тысёнцэнгирэ-халадэ́нгирэ барыдыра́, барвалюки, и зоралэ́ мануша́, и кажно писха́ри, и кажно во́льно ману́ш ґарадынэ дрэ ґебара́ (пешчэры) и машки́р бэргитка штэ́ты,

Матфеё 2:3

И ке́ли кра́ли Иродо шундя́ дава́, ёв древа́н задуминдяпэ (лыя́ пэ́скэ дро шэро́), и саро́ Ерусалимо кхэтанэ́ лэ́са.

Дание́лё 10:8

Палдава́ яцёмпэ мэ екхджино́, и дыкха́вас мэ да́ва баро́ дыкхибэ́н, нэ дрэ ма́ндэ на яця́пэ зор, мина пэ миро муй древа́н парудяпэ дара́тыр, на яця́пэ ма́ндэ нисаво́ састыпэн.

Ереме́ё 30:6

Пхучэ́н и ґалён, ци могинэ́ла (сашты́) мурш тэ биянэ́л? Со́скэ тэды Мэ дыкха́ва, со кажнонэ́стэ муршэстэ васта́ исын пашы́л трушула, сы́рбы джувля́тэ, сави́ скэдэлпэ тэ биянэ́л, и муя́ лэ́нгирэ ячнэ́ парнэ́?

Psalmy 48:6

ёнэ дыкхнэ́ и ёнэ древа́н дивиндлэ́пэ,

Psalmy 18:14

И Рай Дэвэ́л адя́кэ-паць пхэндя́ дро громо, и Най Вучэдырэскиро выпхэндя пэ́скирэ заня́са, градоскирэ барэ́нца и вангарэнца, со хачонас.