Дание́лё 5:4 - Библия - Пэ Балтитко Романи чиб (Романэс) 2019

⁴ Пинэ́ мол, славиндлэ дэвэла́ (дэвлорэн), сувнакунэ́, рупунэ, харкунэ́, саструнэ́, каштунэ и барунэ́.

Biblija - Pe Baltitko Romani čib (Romanes) 2019

⁴ Piné mol, slavindle develá (devloren), suvnakuné, rupune, xarkuné, sastruné, kaštune i baruné.

Дание́лё 5:4 Referans Kwoze

Дание́лё 5:23

нэ ту ґаздыянпэ проти Растэ-Дэвлэ́стэ болыбнаскирэстэ и кхорэ́ (сасу́ды) Лэ́скирэ кхэрэ́стыр лыджинэ́ кэ ту и ту и тырэ́ тхага́рья, э джувля́ тырэ́ и бисовлахирэ джувля́ тырэ́ пинэ́ лэ́ндыр мол (вино) и ту шардян дэвлорэн рупэ́стыр и сувнака́стыр, харкома́тыр (медятыр), састырэстыр, каштэ́стыр и э барэстыр, савэ́ на дыкхэ́на, на шунэ́на, на ґалёна; а Дэвлэ́с, дрэ Конэ́скиро васт исын тырэ́ пхурдыпэн (дыхиныбэн) и Конэ́стэ исын сарэ́ дрома́ тырэ́, Одолэ́с ту на барьякирдян.

Avakumo 2:19

Бида пэ лэ́стэ, кон ракирэ́ла пэ кашт: “Джангадёв (ушты́)!”, кашукэ (мутонэ) барэскэ: “Ушты́!” Ци явэ́ла ёв тэ сыклякирэ́л? Акэ, ёв исын пиричхудо сувнака́са и рупэ́са, нэ нанэ джидо́ ду́хо (фа́но) дрэ лэ́стэ.

Apostolengiri Butý 17:29

И ко́ли амэ бияндыям Лэ́стыр, тэды амэ́нгэ на трэй тэ думинас, со дава́ исын Дэвэ́л, ци саво́ исын кэрдо́ сувнака́стыр ци рупэ́стыр, ци барэстыр, саво́ исын кэрдо́ манушытконэ́ вастэ́нца и пир манушы́тко годы́.

Isajos 42:8

Мэ сом Рай Дэвэ́л, дава́ исын Миро лав, и Мэ на дава́ паты́в Мирэ́ явирэ манушэ́нгэ, и барипэ́н Миро Мэ на дава́ идолэ́нгэ.

Isajos 42:17

Тэ́ньци рисёна палэ и древа́н ладжана одолэ́, конэ́скири наде́я сыс пэ и́долы, кон ракирэ́ла кэ кэрдэ́ дэвлорэ́: “Тумэ́ – амарэ́ дэвэла́.”

Дание́лё 1:8

О Дание́лё чхудя́ дро пэскро ило́, соб (кай) тэ на магирэлпэ хабнаса кралитконэ скаминдэстыр и моляса, сави́ пьелас о кра́ли, и палдава́ мангдя́ э барыдырэ́с евнухэнгирэс пал дова́, соб (кай) явэ́лас сашты́ лэ́скэ тэ на магирэлпэ.

Дание́лё 5:3

Тэ́ньци яндлэ́ сувнакунэ́ кхорэ́, савэ́ сыс лынэ́ свэнтонэ́ Дэвликанэ Кхангирья́тыр дро Ерусалимо; и пинэ́ лэ́ндыр о кра́ли и тхага́рья лэ́скирэ, э джувля́ лэ́скирэ и лэ́скирэ-бисовлахакирэ джувля́.

Дание́лё 5:5

Дрэ кодоя-паць мардо́ (шту́нда) выгинэ́ ангушта (пальцы) манушытконэ́-вастэскирэ и чхиндлэ́ проти лампада пэ звёска пэ парнякирды ва́нта дрэ фэлатин (колов) крали́скири, и о кра́ли дыкхця́ бурнык (кисть) вастытко, сави́ чхинэлас.

Amoso 6:7

Палдава́ тумэ́ акана́ джа́на пэ́рва дро пле́но анги́л пленонэндэ и, савэ́ тумэ́ндыр акана́ исын бэштэ́ пал свэнкитка скаминда паш-пасиндой, явэ́на штыл.

3 Kralip 1:49

Тэды страха́дынэ и уштынэ́ сарэ́, савэ́ сыс кхардэ́, кон сыс Адониястэ, и кажно (сва́ко) гия́ пэ́скирэ дромэ́са.