Дание́лё 5:21 - Библия - Пэ Балтитко Романи чиб (Романэс) 2019

²¹ Тэ́ньци ёв сыс манушэ́нгирэ чхавэ́ндыр, и ило́ лэ́скиро кэрдя́пэ сыр рискирибна́скирэ мурдалэ́стэ, и сыс традыно криг ёв хрустытконэ ослэнца тэ дживэ́л. Лэс чарадэ чарьяса, сыр гурувэ́с, и маса́ лэ́скирэ сапанэ сыс болыбнытконэ пахлыняса (росаса), кэ/ жы́ко дова́, сыр ёв ґалыя́, со упрэдыр манушытконэ́ кралипнастыр исын хула́й Най Вучэдырэскиро Дэвэ́л и Ёв чхувэ́ла упрэ́, конэ́с Ёв выкэдэ́ла.

Biblija - Pe Baltitko Romani čib (Romanes) 2019

²¹ Tén'ci jov sys manušéngire čhavéndyr, i iló léskiro kerdiápe syr riskiribnáskire murdaléste, i sys tradyno krig jov xrustytkone oslenca te dživél. Les čarade čarjasa, syr guruvés, i masá léskire sapane sys bolybnytkone pahlyniasa (rosasa), ke/ žýko dová, syr jov ĥalyjá, so upredyr manušytkoné kralipnastyr isyn xuláj Naj Vučedyreskiro Devél i Jov čhuvéla upré, konés Jov vykedéla.

Дание́лё 5:21 Referans Kwoze

Дание́лё 4:25

[28] И саро́ дова́ кэрдя́пэ пэ крали́стэ Навуходоносоростэ.

Езэкилё 17:24

И ґалёна сарэ́ фэлды́тка кашта́, со Мэ, Рай Дэвэ́л, Дэвэ́л, вучо́ кашт тэлякирава, а навучо кашт Мэ кэра́ва упрэдыр; зэлэно кашт кэра́ва шукэ́ каштэса, а шуко кашт кэра́ва каштэса цвэтэнца. Мэ, Рай Дэвэ́л, Дэвэ́л, пхэндём и кэра́ва.”

Дание́лё 4:17

[20] Кашт (дрэ́во), саво́ ту дыкхця́н, саво́ сыс баро́ и састо́ вучипна́са, и сыс кэ болыбэ́н и дыкхно сыс пэ сари́ пхув,

Ióvo 39:5

Кон вымэкця пэ во́ля бусонэ (диконэ) осло́с? Кон роспхандя пенты онагэроскэ?

Дание́лё 4:34

[37] Акана́ мэ сом, о Навуходоносо́ро, шарава, ґазда́ва и патывакирава Крали́с Болыбнаскирэс, Савэскирэ рэ́нды сарэ́ исын чачунэ́ и дрома́ чачипнаскирэ, и Саво́ зорало́ исын, соб (кай) тэ чхувэ́л тэлэ́ кодолэ́н, савэ́ псирэ́на пхутькирибнаса.

Дание́лё 5:18

Кра́лё! Са́мо Вучэды́р Дэвэ́л дыя́ тырэ́ дадэ́скэ Навуходоносороскэ кралипэ́н, барипэ́н, райканыпэн и паты́в.

Дание́лё 4:14

[17] Ракхибнарьенгирэ упхэныбнаса кадава́ сыс кэрдо́, и пир лав дро приракирибэн Свэнтонэнгиро сыс сыкадо, соб (кай) тэ джинэ́н сарэ́ джиндлэ́, со Най Вучэдырэскиро исын хула́й упра́л манушэ́нгиро кралипэ́н, и Ёв дэ́ла лэс, кон исын дро́го Лэ́скэ, и чхувэ́ла упрэ́ лэ́ндэ тэлякирдэс машки́р манушэ́ндэ.”

Дание́лё 4:22

[25] традэ́на криг тут манушэ́ндыр, и джиибэ́н тыро́ явэ́ла фэлдытконэ мурдалэ́нца; чаравэна тут чарьяса, сыр гурувэ́с, ту явэ́са мордо болыбнытконэ пахлыняса (росаса), и эфта́ часы джа́на дурэды́р упра́л ту́тэ, кэ/ жы́ко дова́, сыр ту ґалёса, со Са́мо Вучэды́р хулаинэла упра́л кралипэ́н манушэ́нгиро и дэ́ла лэс, кон Лэ́скэ трэй.

Дание́лё 4:26

[29] Сыр гинэ́ (накхлэ) дэшуду́й чхона́, псириндой пири́ бари фэлатин (коло́в) крали́скиро дро Вавило́но,