Дание́лё 5:2 - Библия - Пэ Балтитко Романи чиб (Романэс) 2019

² Коштыи мол, о Валтасаро припхэндя́ тэ янэ́н сувнакунэ́ и рупувэ́ кхорэ́ (сасу́ды), савэ́ Навуходоносо́ро, лэ́скиро дад, вылыджия́ Ерусалимо́скирэ Кхангирья́тыр, соб (кай) тэ пьел лэ́ндыр крали́скэ, лэскрэ рангэ, лэ́скирэ джувленгэ и лэ́скирэ-бисовлахакирэ джувленгэ.

Biblija - Pe Baltitko Romani čib (Romanes) 2019

² Koštyi mol, o Valtasaro priphendiá te janén suvnakuné i rupuvé khoré (sasúdy), savé Navuhodonosóro, léskiro dad, vylydžijá Jerusalimóskire Khangirjátyr, sob (kaj) te p'jel léndyr kralíske, leskre range, léskire džuvlienge i léskire-bisovlahakire džuvlienge.

Дание́лё 5:2 Referans Kwoze

Дание́лё 1:2

И дыя́ о Рай Дэвэ́л дро лэ́скиро васт э Иокимос, Юдэя́кирэ крали́с, и ада́кицы кхорэ́ (сасу́ды) Дэвлытконэ́ кхэрэ́стыр, и ёв бичхадя́ лэн пэ пхув Сеноар, кэ лэ́скирэ Дэвлэ́скиро кхэр, и яндя́ адалэ́ сарэ́ кхорэ́ дрэ пиралы́ ваш казна лэ́скирэ дэвлэскири.

4 Kralip 24:13

И вылыджия́ ёв одотхы́р сарэ́ кучипэна Ра́скирэ-Дэвлэ́скирэ Кхэрэскир и барвалыпэ́н крали́скирэ кхэрэ́скиро; и пхагирдя́, сыр выпхэндя Рай Дэвэ́л, сарэ́ сувнакунэ́ кхорэ́ (сасу́ды), савэ́ о Соломо́но, Израилёскиро кра́ли, кэрдя́ дрэ Кхангири́ Ра́скирэ-Дэвлэ́скири.

Дание́лё 5:23

нэ ту ґаздыянпэ проти Растэ-Дэвлэ́стэ болыбнаскирэстэ и кхорэ́ (сасу́ды) Лэ́скирэ кхэрэ́стыр лыджинэ́ кэ ту и ту и тырэ́ тхага́рья, э джувля́ тырэ́ и бисовлахирэ джувля́ тырэ́ пинэ́ лэ́ндыр мол (вино) и ту шардян дэвлорэн рупэ́стыр и сувнака́стыр, харкома́тыр (медятыр), састырэстыр, каштэ́стыр и э барэстыр, савэ́ на дыкхэ́на, на шунэ́на, на ґалёна; а Дэвлэ́с, дрэ Конэ́скиро васт исын тырэ́ пхурдыпэн (дыхиныбэн) и Конэ́стэ исын сарэ́ дрома́ тырэ́, Одолэ́с ту на барьякирдян.

4 Kralip 25:15

И кадилы, и тахтая́ (чашы), савэ́ сыс сувнакунэ́ и со сыс рупуво́, лыя́ барыдыро́ ракхибнарье́нгиро.

Дание́лё 5:18

Кра́лё! Са́мо Вучэды́р Дэвэ́л дыя́ тырэ́ дадэ́скэ Навуходоносороскэ кралипэ́н, барипэ́н, райканыпэн и паты́в.

Дание́лё 5:13

Тэ́ньци сыс яндло Дание́лё анги́л крали́стэ, и о кра́ли лыя́ тэ пхэнэ́л и ракирдя́ Даниелёскэ: “Ци сан ту о Дание́лё, екх пленнонэ Юдытконэ чхавэ́ндыр, савэ́н миро дад, о кра́ли яндя́ Юдэя́тыр?

Дание́лё 5:11

Исын дро тыро́ кралипэ́н о мурш, савэ́стэ исын Ду́хо (Фа́но) свэнтонэ́ Дэвлэнгиро; дро дывэса́ тырэ́ дадэ́скирэ сыс латхно дрэ лэ́стэ дуд, годы́ и ґалыибэ́н, савэ́ сыс сыр дэвлы́тко годьварипэн, и о кра́ли Навуходоносо́ро, тыро́ дад, чхудя́ лэс барыдырэ́са пэ човаханэ-подпхэныбнаскирэндэ, пэ калэ́-магитконэндэ, пэ Халдеендэ, пэ човаханэндэ и пэ драбакирибнаскирэндэ пэ планеты,

Дание́лё 5:4

Пинэ́ мол, славиндлэ дэвэла́ (дэвлорэн), сувнакунэ́, рупунэ, харкунэ́, саструнэ́, каштунэ и барунэ́.

Ереме́ё 52:19

И барэ́ чарэ́, и цымты (шчыпцы), и тахтая́, и пирья, и шандалэ, и барэ́ роя, и кучыка, саро́ со сыс чачунэ́ сувнака́стыр и со сыс рупэ́стыр, – саро́ рай пэ крали́скири стрэ́га лэя пэ́скэ.

Ереме́ё 27:7

И сарэ́ Наюды́тка на́цыи явэ́на тэ дынаринэ́н лэ́скэ, лэ́скирэ чхавэ́скэ, и лэ́скирэ-чхавэ́скирэ чхавэ́скэ анги́л дова́, сыр явэ́ла адя́кэ-паць хасибны́тко дывэ́с лэ́скирэ пхувьякэ. И тэды бут Наюды́тка на́цыи и барэ́ кра́лья тыкнякирэна Вавило́но тэ дынаринэ́н лэ́скэ.

2 Паралипоменоно 36:18

И сарэ́ Дэвлэ́скирэ Кхэрэскирэ кхорэ́ (сасу́ды) барэ́ и тыкнэ́, и кучипэна Ра́скирэ-Дэвлэ́скирэ Кхэрэскирэ, и барвалыпэ́н лэ́скирэ крали́скиро и тхагарьенгиро (князенгиро), саро́ ёв яндя́ дро Вавило́но.

2 Паралипоменоно 36:10

Сыр гия бэрш, бичхадя́ кра́ли Навуходоносо́ро, и припхэндя́ тэ лэн лэс дро Вавило́но кхэтанэ́ дрогонэ́ кхорэнца Ра́скирэ-Дэвлэ́скирэ Кхэрэскир, и яця́ крали́са пэ Юдэе́ндэ и Ерусалимо о Сэдэки́я, лэ́скиро пшал.

2 Паралипоменоно 15:16

И Маахатыр, пэ́скирэ датыр, кра́ли Аса́, отлыя кралипнаскиро барипэ́н пал дова́, со ёй кэрдя́ идоло ваш дэмбитко вэшоро. И росчингирдя Аса́ идоло ла́киро, и чингирдя лэс пэ котэра́, и хачкирдя́ пэ Кедроноскиро до́ло.

2 Паралипоменоно 11:20

Пало́ (после) ла́тэ ёв лыя́ Мааха, Авесаломоскирья чха, и ёй бияндя́ лэ́скэ Авияс, и Атаёс, и Зизос и Шэломифос.

2 Kralip 9:7

И пхэндя́ лэ́скэ Дави́до: “На дар; мэ кэра́ва ту́кэ лачхипэ́н (тангипэ́н) пал тырэ́ дадэ́стэ Иофаностэ и рискира́ва ту́кэ сарэ́ Сауло́скирэ фэ́лды, дадэ́скирэ-тырэскирэ, и ту ўса́ды (сак) кажно мо́ло явэ́са тэ хас маро́ пал миро сками́нд.”

Čysly 7:79

Яныбэ́н лэ́скиро сыс: екх рупуво́ баро́ чаро́, саво́ важынэла шэл трия́нда шэ́кели, екх рупуво́ тахта́й дрэ эфтадэша́ шэ́кели, пир свэ́нто шэ́келё, чхудэ́ пхэрдэ́с пшэничнонэ яржэса, перемешындло елеёса, дро маруно́ яныбэ́н,

Е́здра 5:14

И адя́кэ-паць кхорэ́ (сасу́ды) сувнакунэ́ и рупувэ́ кхэрэ́стыр Дэвлэскирэстыр, савэ́ о Навуходоносо́ро лыя́ кхэрэ́стыр Дэвлэскирэстыр, саво́ сыс дро Ерусалимо, и савэ́ ёв яндя́ дро Вавило́но-кодолэ́ сама кхорэ́ о Кра́ли Кира лыя́ кхангирья́тыр дро Вавило́но; и ёнэ сыс дынэ́ екхэ манушэ́скэ пир лав Шэшбацаро, савэ́с кра́ли чхудя́ барыдырэ́са пэ доя́ округа.

Ереме́ё 50:35

Курта́ла джа́ла пэ Халдее́ндэ, – ракирэ́ла Рай Дэвэ́л, – и пэ манушэ́ндэ, кон дживэ́ла кэ Вавило́но, и пэ лэ́скирэ тхагарье́ндэ и пэ лэ́скирэ годэ́ манушэ́ндэ.

Дание́лё 5:3

Тэ́ньци яндлэ́ сувнакунэ́ кхорэ́, савэ́ сыс лынэ́ свэнтонэ́ Дэвликанэ Кхангирья́тыр дро Ерусалимо; и пинэ́ лэ́ндыр о кра́ли и тхага́рья лэ́скирэ, э джувля́ лэ́скирэ и лэ́скирэ-бисовлахакирэ джувля́.

Дание́лё 5:30

Дрэ кодоя рат, хачи, о Валтасаро, Халдеенгиро кра́ли, сыс замардо,