Дание́лё 5:13 - Библия - Пэ Балтитко Романи чиб (Романэс) 2019

¹³ Тэ́ньци сыс яндло Дание́лё анги́л крали́стэ, и о кра́ли лыя́ тэ пхэнэ́л и ракирдя́ Даниелёскэ: “Ци сан ту о Дание́лё, екх пленнонэ Юдытконэ чхавэ́ндыр, савэ́н миро дад, о кра́ли яндя́ Юдэя́тыр?

Biblija - Pe Baltitko Romani čib (Romanes) 2019

¹³ Tén'ci sys jandlo Danijéljo angíl kralíste, i o králi lyjá te phenél i rakirdiá Danijeljoske: “Ci san tu o Danijéljo, jekh pliennone Judytkone čhavéndyr, savén miro dad, o králi jandiá Judejátyr?

Дание́лё 5:13 Referans Kwoze

Дание́лё 6:13

Пало́ дова́ ёнэ отпхэндлэ́ и ракирдэ́ крали́скэ: “Кадава́ Дание́лё, саво́ исын пленонэ Юдытконэ манушэ́ндыр, на сыкавэ́ла паты́в ни пэ ту́тэ, кра́лё, ни пэ упхэныбэ́н, саво́ сыс подчхиндло ту́са, нэ трин мо́лы пэ дывэ́с ёв мангэлапэ пэ́скирэ патерьенца (молитвэнца).”

Дание́лё 5:11

Исын дро тыро́ кралипэ́н о мурш, савэ́стэ исын Ду́хо (Фа́но) свэнтонэ́ Дэвлэнгиро; дро дывэса́ тырэ́ дадэ́скирэ сыс латхно дрэ лэ́стэ дуд, годы́ и ґалыибэ́н, савэ́ сыс сыр дэвлы́тко годьварипэн, и о кра́ли Навуходоносо́ро, тыро́ дад, чхудя́ лэс барыдырэ́са пэ човаханэ-подпхэныбнаскирэндэ, пэ калэ́-магитконэндэ, пэ Халдеендэ, пэ човаханэндэ и пэ драбакирибнаскирэндэ пэ планеты,

Дание́лё 2:25

Тэ́ньци Ариохо сы́гэс лыджия́ Даниелёс кэ кра́ли и пхэндя́ лэ́скэ: “Мэ латхём пленонэ Юдытконэ чхавэ́ндыр манушэ́с, саво́ откэрэла крали́скэ суноскири зна́чыма.”

Joannostir 7:3

Лэ́скирэ пша́ла пхэндлэ́ Лэ́скэ: “Джа́ далэ́ штэто́стыр и джа́ дрэ Юдэя, соб (кай) и Тырэ́ сыкляибны́тка тэ дыкхэ́н рэ́нды, савэ́ Ту кэрэ́са;

Е́здра 10:16

И одолэ́, кон явдя́ плено́стыр, кэрдэ́ адя́кэ. И о Е́здра, раша́й, кхэтанэ́ шэралэнца пэ стрэ́чы /лэ́нгирэ-дадэнги́рэ ро́ды (поколении), савэ́ сыс выкэдынэ́ пир дадэнги́рэ ро́ды (стрэ́чы), кажно сыс кхардо пир лав. Пэ пэ́рво дывэ́с дро дэ́што чхон бэшнэ́ ёнэ тэ выпхучэн е́кх явирэстыр пал дава́ рэ́ндо.

Е́здра 6:16

И чхавэ́ Израилёскирэ, рашая́ и Леви́ты, и сарэ́ яви́р мануша́, кон рисия́ плено́стыр, свэнкиндлэ радыма́са, со сыс обсвэнцындло Кхэр (Кхангири́) Дэвлэ́скиро.

Е́здра 4:1

И шундлэ́ намала Юда́скирэ и Веньяминоскирэ, со кодолэнгирэ чхавэ́, кон сыс дро пле́но, кэрэ́нас Кхэр (Кхангири́) Ра́скирэ-Дэвлэ́скиро , Дэвлэ́скирэ-Израилёскиро,

Joannostir 7:1

Пало́ дава́ Ису́со псирдя́ пир Галиле́я, нэ Ёв на камдя́ тэ джал дрэ Юдэ́я, пал-дова́ со Юды родынэ тэ замарэ́н Лэс.

Дание́лё 8:27

И мэ, Дание́лё, кхиныём, винасвалыём ада́кицы дывэса́; тэ́ньчи мэ уштыём и лыём тэ кэра́в кралитка рэ́нды (де́лы); нэ мэ дивиндёмпэ наужакирдэс далэ́ дыкхибнаскэ и ние́кх на ґалёлас лэс.

Дание́лё 8:1

Пэ три́то бэрш кралипнаскиро, сыр Валтасаро яця́ крали́са, то явдя́ ма́нгэ, Даниелёскэ, дыкхибэ́н пало́ дова́, саво́ явдя́ ма́нгэ пэ́рво мо́ло.

Дание́лё 5:18

Кра́лё! Са́мо Вучэды́р Дэвэ́л дыя́ тырэ́ дадэ́скэ Навуходоносороскэ кралипэ́н, барипэ́н, райканыпэн и паты́в.

Дание́лё 5:2

Коштыи мол, о Валтасаро припхэндя́ тэ янэ́н сувнакунэ́ и рупувэ́ кхорэ́ (сасу́ды), савэ́ Навуходоносо́ро, лэ́скиро дад, вылыджия́ Ерусалимо́скирэ Кхангирья́тыр, соб (кай) тэ пьел лэ́ндыр крали́скэ, лэскрэ рангэ, лэ́скирэ джувленгэ и лэ́скирэ-бисовлахакирэ джувленгэ.

Дание́лё 2:48

Тэ́ньци ґаздыя́ упрэ́ о кра́ли Даниелёс и дыя́ лэ́скэ бут барэ́ почасту́нки, и чхудя́ лэс упрэ́ пэ сари́ Вавилонытко пхув и англунэ барыдырэ́са упрэ́ сарэ́ндэ годыпнаскирэндэ дро Вавило́но.

Дание́лё 1:21

И сыс одо́й о Даниелио кэ/жы́ко пэ́рво бэрш о Кираскирэ крали́скиро.

Е́здра 10:7

И пхэндлэ́ ёнэ дая́ звесь (зан) зоралэ́с анги́л манушэ́ндэ дрэ Юдэ́я, и дро Ерусалимо сарэ́нгэ, кон сыс дро пле́но, соб (кай) ёнэ тэ кэдэнпэ дро Ерусалимо,

Дание́лё 1:1

Пэ три́то бэрш Иоакимоскирэ (Якимоскирэ) кралипнаскиро, Юдэя́кирэ крали́скиро, явдя́ о Навуходоносо́ро, Вавилоно́скиро кра́ли, кэ Ерусалимо и обгия лэс трусця́л халадыбнаса.

Дание́лё 1:2

И дыя́ о Рай Дэвэ́л дро лэ́скиро васт э Иокимос, Юдэя́кирэ крали́с, и ада́кицы кхорэ́ (сасу́ды) Дэвлытконэ́ кхэрэ́стыр, и ёв бичхадя́ лэн пэ пхув Сеноар, кэ лэ́скирэ Дэвлэ́скиро кхэр, и яндя́ адалэ́ сарэ́ кхорэ́ дрэ пиралы́ ваш казна лэ́скирэ дэвлэскири.

Дание́лё 5:14

Мэ шунавас пал ту́тэ, со Ду́хо (Фа́но) Дэвлэ́скиро исын дрэ ту́тэ и дуд (свэ́то), и годы́, и вучо́ ґалыибэ́н латхно дрэ ту́тэ.

Дание́лё 1:6

Машкир лэ́ндэ сыс Юда́скирэ чхавэ́ндыр о Дание́лё, о Анания, о Мисаило и о Аза́рия.