Дание́лё 3:16 - Библия - Пэ Балтитко Романи чиб (Романэс) 2019

¹⁶ И отпхэндлэ́ Шэдрахо, Мэшахо, Авед-Него и ракирдэ́ э крали́скэ Навуходоносороскэ: “Амэ на сам бангэ́ тэ отпхэнас ту́кэ пэ дава́.

Biblija - Pe Baltitko Romani čib (Romanes) 2019

¹⁶ I otphendlé Šedraho, Mešaho, Avied-Niego i rakirdé e kralíske Navuhodonosoroske: “Ame na sam bangé te otphenas túke pe davá.

Дание́лё 3:16 Referans Kwoze

Дание́лё 1:7

И пирикхардя лэн барыдыро́ евнухэнгиро – о Дание́лё яця́ о Валтасаро, о Анания – о Седрахо, о Мисаило – о Мисахо и Аза́рия о Авед-Него.

Дание́лё 3:12

Нэ мурша́ Юдытка, савэ́н ту чхудя́н упра́л пэ рэ́нды Вавилонытконэ-тхэмэ́скирэ: Шэдрахо, Мешахо и Авед-Него; кодолэ́ мурша́ на кандынэ́ тыро́ припхэныбэ́н, о кра́лё, ёнэ на дынаринэна тырэ́ дэвлорэ́нгэ и на дэ́на паты́в сувнакунэ́ москэ (идолоскэ), саво́ Ту чхудя́н.”

Дание́лё 3:28

Тэ́ньци Навуходоносо́ро пхэндя́: “Бахтякирдо́ тэ явэ́л о Дэвэ́л Шэдрахоскиро, и Мешахоскиро и Авед-Негоскиро, Саво́ бичхадя́ Янголо́с Пэ́скирэс, и зракхця́ писхарье́н Пэскирэн, савэ́ рикирдэ патяибэ́н дрэ Лэ́стэ и на кандэнас о припхэныбэ́н крали́скиро, и отдынэ́ лэ́нгирэ маса́ ягакэ, соб (кай) тэ на дынаринэ́н и тэ на бандякирэнпэ нисавэ дэвлэскэ, апри́ч лэ́нгирэ Дэвлэ́стэ!

Ekliesiastos 4:12

Нэ ко́ли ману́ш сашты́ тэ пиризорьякирэн екхджинэс явирэ́с, тэды дуйджинэ́ сашты́ тэ отмарэнпэ, и тринэ́ – тхавэнгиро шэло насыг и кошэлапэ.