Дание́лё 3:12 - Библия - Пэ Балтитко Романи чиб (Романэс) 2019

¹² Нэ мурша́ Юдытка, савэ́н ту чхудя́н упра́л пэ рэ́нды Вавилонытконэ-тхэмэ́скирэ: Шэдрахо, Мешахо и Авед-Него; кодолэ́ мурша́ на кандынэ́ тыро́ припхэныбэ́н, о кра́лё, ёнэ на дынаринэна тырэ́ дэвлорэ́нгэ и на дэ́на паты́в сувнакунэ́ москэ (идолоскэ), саво́ Ту чхудя́н.”

Biblija - Pe Baltitko Romani čib (Romanes) 2019

¹² Ne muršá Judytka, savén tu čhudián uprál pe réndy Vavilonytkone-theméskire: Šedraho, Miešaho i Avied-Niego; kodolé muršá na kandyné tyró priphenybén, o králjo, jone na dynarinena tyré devlorénge i na déna patýv suvnakuné moske (idoloske), savó Tu čhudián.”

Дание́лё 3:12 Referans Kwoze

Дание́лё 6:13

Пало́ дова́ ёнэ отпхэндлэ́ и ракирдэ́ крали́скэ: “Кадава́ Дание́лё, саво́ исын пленонэ Юдытконэ манушэ́ндыр, на сыкавэ́ла паты́в ни пэ ту́тэ, кра́лё, ни пэ упхэныбэ́н, саво́ сыс подчхиндло ту́са, нэ трин мо́лы пэ дывэ́с ёв мангэлапэ пэ́скирэ патерьенца (молитвэнца).”

Дание́лё 2:49

Нэ Дание́лё мангдя́ крали́с, и ёв чхудя́ Шэдрахос, Мишахос и Авед-Негос упрэ́ пэ рэ́нды Вавилонытконэ-тхэмэ́скирэ, и о Дание́лё яця́пэ пашы́л крали́скири грэ́да (дво́ро).

Apostolengiri Butý 17:7

а Ясоно прилыя́ лэн дро пэ́скиро кхэр; и сарэ́ ёнэ исын проти кхенингоскирэ упхэныбэна́ и ракирэ́на, со исын яви́р кра́ли, Ису́со.”

Pritčy 27:4

Баро́ холякирибэ́н исын биманушытко, и холы́ исын трашаны, нэ кон сашты́ (могинэ́ла) тэ тэрдёл проти баро́ зэвлыныпэ́н?

Apostolengiri Butý 5:28

“Ци на шылалэс амэ припхэндям тумэ́нгэ тэ на сыклякирэ́н пал Адалэ́-Манушэ́скиро лав? Нэ тумэ́ усае́кх розлыджинэ сыклякирибэ́н пир саро́ Ерусалимо, и кэ саро́ тумэ́ камэ́на тэ чхувэ́н пэ амэ́ндэ банг пал Адалэ́-Манушэ́скиро рат.”

Ekliesiastos 4:4

И мэ дыкхцём, со пал кажно пхари́ буты́ и кажно рангири буты́, ману́ш зэвлынэла явирэ манушэ́скэ. Дава́ исын адя́кэ-паць харныпэ́н и сы́рбы тэ традэспэ пал балва́л.

Ester 3:8

И пхэндя́ Ама́но Артаксерксоскэ, крали́скэ: ‘Исын екх мануша́, савэ́ росчхурдынэ и выбичхадэ машки́р манушэ́ндэ пир сарэ́ тырэ́-крали́скирэ провинцыи; и лэ́нгирэ зако́ны на зджанапэ сарэ́ манушытконэ́ законэнца, и крали́скирэ зако́ны ёнэ на сполнинэна; и крали́скэ нашты́ адя́кэ тэ ячкирэс лэн.

Дание́лё 1:7

И пирикхардя лэн барыдыро́ евнухэнгиро – о Дание́лё яця́ о Валтасаро, о Анания – о Седрахо, о Мисаило – о Мисахо и Аза́рия о Авед-Него.

Дание́лё 2:48

Тэ́ньци ґаздыя́ упрэ́ о кра́ли Даниелёс и дыя́ лэ́скэ бут барэ́ почасту́нки, и чхудя́ лэс упрэ́ пэ сари́ Вавилонытко пхув и англунэ барыдырэ́са упрэ́ сарэ́ндэ годыпнаскирэндэ дро Вавило́но.

Дание́лё 3:11

и кон на пыя́ тэлэ́ и на дыя́ паты́в, мэк тэ явэ́л чхурдыно́ дро бов росхачкирдо яга́са.

Дание́лё 3:16

И отпхэндлэ́ Шэдрахо, Мэшахо, Авед-Него и ракирдэ́ э крали́скэ Навуходоносороскэ: “Амэ на сам бангэ́ тэ отпхэнас ту́кэ пэ дава́.

Дание́лё 3:29

И ма́ндыр дэ́лапэ припхэныбэ́н, соб (кай) кажнонэ́ нацыятыр, кхэритконэ́ родо́стыр и екхэ-чибакирэ ирьятыр (чибатыр / чибьятыр), кон пхэнэ́ла на́лачхо лав пэ Дэвлэ́стэ Шэдрахоскирэ, Мешахоскирэстэ и Авед-Негоскирэстэ, тэ явэ́л кодова́ ману́ш чингирдо пэ котэра́, и кхэр лэ́скиро тэ кэрдёлпэ дрэ руи́ны, пал-дова́ со нанэ явирэ Дэвлэ́с, Саво́ адя́кэ сашты́ тэ зракхэ́л.”

Дание́лё 3:30

Тэ́ньци о кра́ли ґаздыя́ упрэдыр Шэдрахос, Мешахос и Авед-Негос дро Вавилонытко тхэм.

Дание́лё 6:14

О кра́ли, шуны дава́, древа́н пыя́ дро ду́хо (фа́но) и чхудя́ дро ило́ пэ́скиро тэ зракхэ́л Даниелёс, и кэ/жы́ко кхамэскиро пасибэн зоралэ́с причхувэлас зор тэ выракхэл лэс.