Дание́лё 3:11 - Библия - Пэ Балтитко Романи чиб (Романэс) 2019

¹¹ и кон на пыя́ тэлэ́ и на дыя́ паты́в, мэк тэ явэ́л чхурдыно́ дро бов росхачкирдо яга́са.

Biblija - Pe Baltitko Romani čib (Romanes) 2019

¹¹ i kon na pyjá telé i na dyjá patýv, mek te javél čhurdynó dro bov roshačkirdo jagása.

Дание́лё 3:11 Referans Kwoze

Дание́лё 3:6

и кон на пэрэ́ла тэлэ́, и на дэ́ла паты́в, то екха́тыр (сра́зу) явэ́ла чхурдыно́ дро бов, росхачкирдо яга́са.”

Дание́лё 3:10

Ту, кра́лё, дыя́н припхэныбнытко стату́то, соб (кай) кажно ману́ш, кон шунэ́ла зан рогоскири, свиролькакири, лутакири, гусленгири, псалтирьякири, цымбалэнгири и сарэ́ яви́р-музыкакири, тэ пэрэ́л одова́ ману́ш тэлэ́, и тэ дэл паты́в сувнакунэ́ идолоскэ;

Дание́лё 3:12

Нэ мурша́ Юдытка, савэ́н ту чхудя́н упра́л пэ рэ́нды Вавилонытконэ-тхэмэ́скирэ: Шэдрахо, Мешахо и Авед-Него; кодолэ́ мурша́ на кандынэ́ тыро́ припхэныбэ́н, о кра́лё, ёнэ на дынаринэна тырэ́ дэвлорэ́нгэ и на дэ́на паты́в сувнакунэ́ москэ (идолоскэ), саво́ Ту чхудя́н.”

Дание́лё 6:7

Сарэ́ тхага́рья кралипнаскирэ, э барыдыра́ штэтытка, э сатрапы, э юнкары и барыдыра́ халадэ́нгирэ доракирдэпэ машки́р лэ́ндэ, соб (кай) тэ выдэн крали́тко стату́то и тэ дэн зорало́ упхэныбэ́н, соб (кай) ко́ли вари-кон дрэ далэ́ трия́нда дывэса́ лэ́ла тэ мангэ́лпэ вар-савэ́ явирэ дэвлэскэ ци манушэ́скэ, апри́ч ту́тэ, кра́лё, кодолэ́с тэ чхурдэ́н дро рово (хохо́й) шчэрэнгиро (левэнгиро).

Дание́лё 6:13

Пало́ дова́ ёнэ отпхэндлэ́ и ракирдэ́ крали́скэ: “Кадава́ Дание́лё, саво́ исын пленонэ Юдытконэ манушэ́ндыр, на сыкавэ́ла паты́в ни пэ ту́тэ, кра́лё, ни пэ упхэныбэ́н, саво́ сыс подчхиндло ту́са, нэ трин мо́лы пэ дывэ́с ёв мангэлапэ пэ́скирэ патерьенца (молитвэнца).”

Apostolengiri Butý 5:23

“Штарибэ́н исын пхандло зоралэ́с, и ракхибна́рья исын тэрдэ́ пашы́л вудара́, нэ, ке́ли амэ загиям андрэ́, одо́й на латхям никонэ́с.