Дание́лё 3:10 - Библия - Пэ Балтитко Романи чиб (Романэс) 2019

¹⁰ Ту, кра́лё, дыя́н припхэныбнытко стату́то, соб (кай) кажно ману́ш, кон шунэ́ла зан рогоскири, свиролькакири, лутакири, гусленгири, псалтирьякири, цымбалэнгири и сарэ́ яви́р-музыкакири, тэ пэрэ́л одова́ ману́ш тэлэ́, и тэ дэл паты́в сувнакунэ́ идолоскэ;

Biblija - Pe Baltitko Romani čib (Romanes) 2019

¹⁰ Tu, králjo, dyján priphenybnytko statúto, sob (kaj) kažno manúš, kon šunéla zan rogoskiri, svirol'kakiri, lutakiri, gusliengiri, psaltirjakiri, cymbalengiri i saré javír-muzykakiri, te perél odová manúš telé, i te del patýv suvnakuné idoloske;

Дание́лё 3:10 Referans Kwoze

Дание́лё 6:12

и ёнэ явнэ́ и допхэндлэ крали́скэ пал крали́тко упхэныбэ́н: “Ци на ту, хачи, подчхиндян о стату́то, соб (кай) кажнонэ́ манушэ́с, саво́ пал трия́нда дывэса́ лэ́ла тэ мангэ́лпэ вари-савэ́ явирэ дэвлэскэ ци манушэ́скэ, апри́ч ту́тэ, о кра́лё, тэ чхурдэ́н дро рово (хохо́й) шчэрэнгиро? О кра́ли отпхэнэ́ла и пхэнэ́ла: “Дава́ лав исын састо́, о Зако́но Мидянытко и Персытко, нашты́ тэ парувэн.”

Joannostir 11:57

Раша́нгирэ барыдыра́ и Фарисе́и дынэ́ упхэныбэ́н, со кажно, кон уджинэла, кай Ёв исын, тэды мэк тэ пхэнэ́л пал дава́, соб (кай) Ёнэ тэ могинэн тэ лэн Лэс.

Amoso 6:5

Тумэ́ багана тэл гусленгири (арфакири) зан (глос), и придуминэна ваш пэ́скэ музыкакирэ струме́нты сыр Дави́до.

Дание́лё 3:15

Акана́, ко́ли тумэ́ скэдынэ́ сан, сыр сыго тумэ́ шунэ́на зан рогоскири, свиролькакири, лутакири, гусленгири, псалтирьякири, цымбалэнгири и сарэ́ яви́р-музыкакири, тэ пэрэ́н тумэ́ тэлэ́, и тэ дэн тумэ́ паты́в сувнакунэ́ москэ, со мэ кэрдём. Мишто́. Нэ ко́ли тумэ́ на дэ́на паты́в, то тумэн екха́тыр (сра́зу) чхурдэна дро бов, росхачкирдо яга́са. И саво́ дэвэл жа зракхэ́ла тумэн мирэ́ вастэ́стыр?”

Isajos 10:1

Бида одолэ́нгэ, савэ́ дэ́на на чачунэ́ зако́ны, савэ́ зачхинэна захалэ припхэныбэна́.

Ekliesiastos 3:16

Адя́кэ-паць мэ дыкхцём тэл кхам: одо́й, кай сэндытко штэ́то, одо́й исыс фуипэ́н. И одо́й, кай штэ́то ваш чачипэ́н, одо́й сыс биба́хт.

Psalmy 94:20

Ту на явэ́са кхэтанэ́ чорэ́ ранца, савэ́ придуминэна фуипэ́н заме́ст одова́, со исын дро Зако́но.

2 Паралипоменоно 29:25

И чхудя́ ёв Левитэ́н дрэ Ра́скирэ-Дэвлэ́скиро Кхэр цымбалэнца, арфэнца и лутэнца, пир Давидо́скиро и Гадоскиро упхэныбэ́н, саво́ сыс крали́скиро магико, и Нафанос, пророко́с, адя́кэ сыр Ра́стыр-Дэвлэ́стыр сыс дава́ упхэныбэ́н пирда́л Лэ́скирэ пророкэ́ндэ.

1 Паралипоменоно 15:28

Адя́кэ саро́ Израилё залыджалас Ра́скирэ-Дэвлэ́скирэ завето́скиро ковчэго радыма́са, пашы́л рогоскири зан и горнэнгири и цымбалэнгири, башави пэ арфы и луты.

1 Паралипоменоно 15:16

И припхэндя́ Дави́до барыдырэ́нгэ Левитэнгирэнгэ тэ чхувэ́н пэ́скирэ пшалэ́н, савэ́ баганас пэ музыкакирэ струме́нты, арфы, и луты, и цымбалы, соб (кай) ёнэ зоралэ́с тэ поддэн зан радымакири.

Vygiiben 1:22

Тэды фарао́но припхэндя́ сарэ́нгэ пэ́скирэ манушэ́нгэ: “Кажнонэс чхавэ́с, саво́ бияндёла Юдэ́ндэ, чхурдэ́н дрэ рэка (лэнь); а кажнона чха ячкирэн тэ дживэ́л.”

Vygiiben 1:16

и пхэндя́: “Ке́ли тумэ́ явэ́на тэ бабинэн чхаворэ́н Юдыцэндэ, то тумэ́ дыкхэ́н, сыр ёнэ биянэна: ко́ли явэ́ла чхаво́, тэды мулякирэ́н лэс; а ко́ли чхай, тэды мэк тэ дживэ́л.”

Дание́лё 3:11

и кон на пыя́ тэлэ́ и на дыя́ паты́в, мэк тэ явэ́л чхурдыно́ дро бов росхачкирдо яга́са.