Дание́лё 2:5 - Библия - Пэ Балтитко Романи чиб (Романэс) 2019

⁵ Отпхэндя́ о кра́ли и пхэндя́ Халдеенгэ: “Лав отгия́ ма́ндыр; ко́ли тумэ́ тэ на пхэнэ́н миро суно́, и со ёв значынэ́ла, то мэк тэ чингирэн тумэн пэ котэра́ (куски), и кхэра́ тумарэ́ явэ́на роспхагирдэ́.

Biblija - Pe Baltitko Romani čib (Romanes) 2019

⁵ Otphendiá o králi i phendiá Xaldiejenge: “Lav otgijá mándyr; kóli tumé te na phenén miro sunó, i so jov značynéla, to mek te čingiren tumen pe koterá (kuski), i kherá tumaré javéna rosphagirdé.

Дание́лё 2:5 Referans Kwoze

Дание́лё 3:29

И ма́ндыр дэ́лапэ припхэныбэ́н, соб (кай) кажнонэ́ нацыятыр, кхэритконэ́ родо́стыр и екхэ-чибакирэ ирьятыр (чибатыр / чибьятыр), кон пхэнэ́ла на́лачхо лав пэ Дэвлэ́стэ Шэдрахоскирэ, Мешахоскирэстэ и Авед-Негоскирэстэ, тэ явэ́л кодова́ ману́ш чингирдо пэ котэра́, и кхэр лэ́скиро тэ кэрдёлпэ дрэ руи́ны, пал-дова́ со нанэ явирэ Дэвлэ́с, Саво́ адя́кэ сашты́ тэ зракхэ́л.”

Е́здра 6:11

Мэ адя́кэ-паць припхэндём, со, ко́ли вари-кон парувэла миро чхиндло́ припхэныбэ́н, мэк тэ вытырдэн бэрно лэ́скирэ кхэрэ́стыр, и тэ чхувэ́н лэс упрэ́, и мэк тэ кэрэ́н далэ́ кхэрэ́стыр груда пхагирдэ́-котэрэнгири.

4 Kralip 10:27

И розмардэ Ваалоскири статула, и роспхагирдэ́ Ваалоскиро мангипнытко штэ́то; и кэрдэ́ лэ́стыр штэ́то ваш шума, кэ дава́ дывэ́с.

Psalmy 50:22

Подуминэн пал дава́ тумэ́, кон бистрэла Дэвлэ́с, соб (кай) Мэ тэ на роскушав тумэн, со на явэ́ла никонэ́с тэ зракхэ́л тумэн.

Дание́лё 2:12

Росхолясыя о кра́ли и древа́н пхэрдия холямипнаса пал дова́, и припхэндя́ тэ мулякирэ́н сарэ́н годыпнаскирэн дро Вавило́но.

Psalmy 58:7

Дэ́вла, выпхагир лэ́нгэ данда́ дро муй, попхагир сарэ́са клыки тэрнэ́ шчэрэнгирэ, о Раё Дэ́вла!

1 Kralip 15:33

Нэ Самуи́ло пхэндя́: “Сыр тыри́ курта́ла отлэлас чхаворэ́н датыр, адя́кэ дай тыри́ машки́р джувлендэ мэк тэ ячэ́лпэ ёй би пэ́скирэ чхавэ́скиро.” И росчингирдя Самуи́ло Агагос анги́л Растэ-Дэвлэ́стэ дро Галга́ло.

Яви́р Зако́но 13:16

а саро́ дорэсыбэ́н лэ́скиро скэ́дэ машки́р лэ́скири форуны́ (пло́шча), и схачкир яга́са фо́ро и саро́ лэ́скиро дорэсыбэ́н дро цэ́ло схачкирибэ́н Ра́скэ-Дэвлэ́скэ, Дэвлэ́скэ тырэ́скэ, и мэк тэ явэ́л ёв саро́ ве́ко дро росчхурдыпэн, нашты́ никели нэвэ́стыр тэ кэрэ́с лэс;

Isúso 6:26

Дрэ дова́ часо Ису́со совлахадя́ и пхэндя́: “Прокошно́ явэ́ла анги́л Растэ-Дэвлэ́стэ одова́, кон ґаздэ́ла и скэрэла фо́ро дава́ Ерихо́но; пэ англатунэстэ чхавэ́стэ пэскирэстэ ёв чхувэ́ла фунда́менто лэ́скиро, и пэ тыкныдыршонэстэ пэ́скирэ чхавэ́стэ чхувэ́ла вудара́ лэ́скирэ”.

Дание́лё 4:9

[12] Патря (листы) лэ́стэ сыс шука́р, и пхаба́ пэ лэ́стэ сыс бут, хабэ́н пэ лэ́стэ ваш сарэ́нгэ, тэл лэ́стэ латхэнас э зэр (тень) фэлды́тка мурдала́ (звери), пэ рандя́ (вэ́тки) лэ́скирэ сыс гня́зды (ку́фы) болыбна́скирэ чириклэнгирэ, и лэ́стыр чало сыс кажно лоч (плоть).