Дание́лё 2:4 - Библия - Пэ Балтитко Романи чиб (Романэс) 2019

⁴ И пхэндлэ́ э Халдеи крали́скэ Арамеиткэс кэ: “Кра́лё! Яв джидо́ дрэ ве́ки! Пхэн суно́ тырэ́ писхарье́нгэ, и мэ роскэдасам, сави́ зна́чыма исын дрэ лэ́стэ.”

Biblija - Pe Baltitko Romani čib (Romanes) 2019

⁴ I phendlé e Xaldiei kralíske Aramieitkes ke: “Králjo! Jav džidó dre viéki! Phen sunó tyré pishar'jénge, i me roskedasam, saví znáčyma isyn dre léste.”

Дание́лё 2:4 Referans Kwoze

Дание́лё 5:10

Кра́лица, хачи, пэ крали́скирэ лава́ и рангирэ пэ́скирэ, загия́ дрэ шту́ба хабнаскири, лыя́ тэ ракирэ́л крали́са и пхэндя́: “Кра́лё, тэ дживэ́с ту дрэ ве́ки! Мэк тэ на ладжакирэн тут тырэ́ мысли, мэк тэ на парудёл мина пэ тыро́ муй!

Дание́лё 3:9

Ёнэ пхэндлэ́ крали́скэ Навуходоносороскэ: “Джив дрэ вэки, о кра́лё!

Е́здра 4:7

И дрэ Артаксерксоскирэ дывэса́ чхиндлэ́ о Бишламо, о Мифредато, о Табее́ло, и яви́р лэ́скирэ мала́ пир буты́ лыл Артаксерксоскэ, крали́скэ Персиякирэскэ, и лыл сыс чхиндло́ пэ Сирийцытко (Арамеи́тко) чиб, и пирилыджино пэ Сирийцытко (Арамеи́тко) чиб.

Isajos 36:11

И пхэндя́ Елиакимо, и Севна и Иоахо Рабсакоскэ: “Ра́кир тырэ́ писхарье́нгэ пир арамеитко (сириитко) чиб, амэ ґалёваса дая́ чиб, а пир юды́тко чиб амэ́нца на ра́кир, пал-дова́ со мануша́ шунэ́на, савэ́ скэдынэ́пэ пэ ва́нта.

Дание́лё 6:21

Тэ́ньци Дание́лё пхэндя́ Крали́скэ: “Тэ дживэ́л о кра́ли пэ сарэ́ ве́ки.”

Дание́лё 6:6

Адя́кэ, со адалэ́ тхага́рья и сатрапы подгинэ́ кэ кра́ли и адя́кэ лэ́скэ пхэндлэ́: “Кра́лё Дариё! Яв джидо́ пэ ве́ки!

3 Kralip 1:31

И поклониндяпэ Вирса́вия мо́са кэ пхув, и поклониндяпэ крали́скэ, и пхэндя́: “Мэк тэ дживэ́л хула́й миро, кра́ли Дави́до, дро ве́ко!”

Матфеё 21:9

И мануша́, савэ́ джа́нас анги́л и пала́л Исусо́стэ, дэ́нас го́дла радыма́са: “Асанна, Чхавэ́скэ Давидоскирэскэ: тэ явэ́л бахтякирдо́, Саво́ джа́ла ваш лав Дэвлэ́скиро; асанна дрэ упратунэндэ!”

Дание́лё 5:8

И загинэ́ сарэ́ кралитка годыпнаскирэ, нэ на дынэ́ ра́да тэ прогинэн чхиндло́ и тэ пирипхэнэн крали́скэ зна́чыма лэ́скирэ сунэстыр.

Дание́лё 4:19

[22] адава́ сан ту, кра́лё, вучо́ и зорало́, и барипэ́н тыро́ выбария и дорэсця́ кэ болыбэ́н, и райканыпэн – кэ пхувья́кирэ яго́ры.

Дание́лё 4:7

[10] О дыкхибэ́н мирэ́ шэрэскиро, саво́ мэ дыкха́вас пэ миро чхуибэ́н сыс дасаво: мэ дыкха́вас, акэ, машки́р пхув кашт (дрэ́во) вучо́.

Isajos 44:25

Мэ, Дэвэ́л, Саво́ кэрэ́ла адя́кэ, со гертыка (знаме́нии), савэ́ дэ́на хоханэ́ ангилпхэныбнарья, нэ саро́ ивья́ (напра́снэс), Саво́ сыкавэ́ла, сыр зджана годятыр човаханэ мануша́, савэ́ кэрэ́на чорахано пхэныбэ́н, Саво́ вытрадэла годьварэн манушэ́н (магэн) и лэ́нгиро джиныбэ́н кэрэ́ла дылныпнаса.

Ниеми́я 2:3

и пхэндём крали́скэ: “Мэк тэ дживэ́л о кра́ли дро ве́ко! Сыр тэ на явэ́л ту́га мрэ москэ, ко́ли фо́ро, кхэр, кай исын дадэнги́рэ коплицы, дро чхучипэн (запустениё), и по́рты лэ́скирэ хачкирдэ́ яга́са!”

3 Kralip 1:25

Пал-дова́ со ёв акана́ явдя́ и зачхиндя́ бут гурувэ́н, гуруворэ́н и бакрэ́н и кхардя́ сарэ́н кралискирэн чхавэ́н, и халадэнгирэн барыдырэ́н, и раша́с Авиафарос; и ґа́да, ёнэ ха́на и пьена лэ́стэ, и ракирэ́на: ‘Мэк тэ дживэ́л кра́ли Адония!’

1 Kralip 10:24

И пхэндя́ Самуи́ло сарэ́ манушэ́нгэ: “Ци дыкхэ́на, конэ́с выкэдыя́ Дэвэ́л? Адасавэс, сыр ёв исын, нанэ дро сарэ́ манушэ́ндэ.” Тэды сарэ́ мануша́ дынэ́ го́дла и пхэндлэ́: “Мэк тэ дживэ́л кра́ли!”

Džiibén 41:8

И сыс адя́кэ: злокоса (пэ ра́нко) пыя́ лэ́скиро ду́хо (фа́но), и бичхадя́ ёв, и кхардя́ сарэ́н Египто́скирэ магэ́н (човаханэн) и сарэ́н лэ́скирэ танукэ́н (мудрецэн), и роспхэндя́ лэ́нгэ фарао́но пэ́скиро суно́; нэ нико́н на сыс, кон бы тэ пирипхэнэл лэс фараоно́скэ.

Džiibén 31:47

И кхардя́ лэс Лава́но: Иегар-Сагадуфа [Егар-Сагадута-ю.о.]; а Яково кхардя́ лэс Галаа́до [Галь-Эдо-ю.о.].

4 Kralip 18:26

И пхэндя́ Елиакимо, Хелкииноскиро чхаво́, и Се́вна [Шэбна-ю.о.], и Иоахо Рабсакоскэ: “Ра́кир писхарье́нгэ тырэнгэ пир арамеитко чиб, пал-дова́ со ґалёваса амэ, а на ра́кир амэ́нца пир юды́тко чиб дрэ саро́ шуныбэ́н манушэ́нгиро, савэ́ исын пэ ва́нта.”

Дание́лё 1:4

тэрнэ́-бэршэнгирэн (отрокэн), савэ́ндэ нанэ нисавэ доша дрэ маса́ (шталто), гожонэ мо́са, соб (кай) ёнэ тэ ґалён тэ сыклён дро кажно годыпэ́н, дро джиныбэ́н и сы́гэс тэ ґалён, савэ́ могинэ́нас (дэ́нас ра́да) тэ дынаринэ́н (тэ служынэн) дрэ крали́скири фэлатин (коло́в), и, соб (кай) тэ сыклякирэ́н лэн Халдеитконэ лылварипнаскэ (грамотакэ) и чибакэ (чибьякэ).

Дание́лё 2:7

Ёнэ нэвэ́стыр (нэвэ́с) отпхэндлэ́ и ракирдэ́: “Тэ пхэнэ́л о кра́ли пэ́скирэ писхарье́нгэ суно́, и амэ пхэна́са лэ́скири зна́чыма.”

Дание́лё 4:9

[12] Патря (листы) лэ́стэ сыс шука́р, и пхаба́ пэ лэ́стэ сыс бут, хабэ́н пэ лэ́стэ ваш сарэ́нгэ, тэл лэ́стэ латхэнас э зэр (тень) фэлды́тка мурдала́ (звери), пэ рандя́ (вэ́тки) лэ́скирэ сыс гня́зды (ку́фы) болыбна́скирэ чириклэнгирэ, и лэ́стыр чало сыс кажно лоч (плоть).

Дание́лё 6:7

Сарэ́ тхага́рья кралипнаскирэ, э барыдыра́ штэтытка, э сатрапы, э юнкары и барыдыра́ халадэ́нгирэ доракирдэпэ машки́р лэ́ндэ, соб (кай) тэ выдэн крали́тко стату́то и тэ дэн зорало́ упхэныбэ́н, соб (кай) ко́ли вари-кон дрэ далэ́ трия́нда дывэса́ лэ́ла тэ мангэ́лпэ вар-савэ́ явирэ дэвлэскэ ци манушэ́скэ, апри́ч ту́тэ, кра́лё, кодолэ́с тэ чхурдэ́н дро рово (хохо́й) шчэрэнгиро (левэнгиро).