Дание́лё 2:22 - Библия - Пэ Балтитко Романи чиб (Романэс) 2019

²² Ёв откэрэла хорало и гарадо́ чачипэ́н, Ёв джинэ́ла, со исын дро калыпэ́н (цёмныма), и дуд исын Лэ́са.

Biblija - Pe Baltitko Romani čib (Romanes) 2019

²² Jov otkerela xoralo i garadó čačipén, Jov džinéla, so isyn dro kalypén (cjomnyma), i dud isyn Lésa.

Дание́лё 2:22 Referans Kwoze

Ióvo 12:22

Ёв росчхакирэла хор котэра́ цямлыпнастыр и Ёв янэ́ла мэрибнаскири зэр (тень) пэ дуд;

1 Ian 1:5

И, ґа́да, пал со исын мавлы́н (малва), сави́ амэ шундя́м Чхавэстыр и пхэна́са тумэ́нгэ: Дэвэ́л исын дуд (свэ́то) и нанэ нисаво́ калыпэ́н дрэ Лэ́стэ.

Jakov 1:17

кажно лачхипэ́н и кажно бидошакиро тала́но бичхадэ́ амэ́нгэ вучипна́стыр, дудэнгирэ (свэтэнгирэ) Дадэ́стыр, Саво́ на парудёла, и на пирикэрэлапэ.

Юдэ́нгэ 4:13

Нисо́ дро свэ́то, со Дэвэ́л создыя́, нанэ ґарадо Дэвлэ́стыр; нэ саро́ исын нанго и бицяло́ анги́л Лэ́скирэ якха́, анги́л Конэ́стэ амэ ява́са тэ отпхэнас пал саро́.

Ереме́ё 23:24

“Ци могинэ́ла (сашты́) ману́ш тэ гарадёл дрэ чораханэ штэ́ты, соб (кай) Мэ тэ на дыкха́в лэс?” – ракирэ́ла Рай Дэвэ́л. “Ци на сом Мэ пэ болыбэ́н и пэ пхув?” – ракирэ́ла Рай Дэвэ́л.

Psalmy 25:14

Рай Дэвэ́л Пэ́скири сыкавэ́ла гарады ла́ска одолэ́нгэ, савэ́ дарэ́на Лэ́стыр. Ёв сыклякирэ́ла лэн пал Пэ́скиро Зако́но.

1 Ximaske 6:16

Саво́ исын Екхджино́, Кон на мэрэ́ла ние́кхвар, Саво́ дживэ́ла дро дуд (свэ́то), карик ние́кх на явэ́ла, Савэс нико́н манушэ́ндыр на дыкхця́ и тэ дыкхэ́л на могинэ́ла. Мэк тэ явэ́л Лэ́скэ ве́чно паты́в и ве́чно зор. Ами́нь.

Дание́лё 5:11

Исын дро тыро́ кралипэ́н о мурш, савэ́стэ исын Ду́хо (Фа́но) свэнтонэ́ Дэвлэнгиро; дро дывэса́ тырэ́ дадэ́скирэ сыс латхно дрэ лэ́стэ дуд, годы́ и ґалыибэ́н, савэ́ сыс сыр дэвлы́тко годьварипэн, и о кра́ли Навуходоносо́ро, тыро́ дад, чхудя́ лэс барыдырэ́са пэ човаханэ-подпхэныбнаскирэндэ, пэ калэ́-магитконэндэ, пэ Халдеендэ, пэ човаханэндэ и пэ драбакирибнаскирэндэ пэ планеты,

Psalmy 36:9

Ту чалякирэса лэн барвалэ́ скаминдэстыр дро Тыро́ кхэр, Ту дэ́са тэ пьен лэ́нгэ рэка́тыр (лэня́тыр) Пэ́скирэ кучонэ́ миштыпна́стыр.

Дание́лё 2:11

Рэ́ндо (де́ло), пал саво́ пхучэла о кра́ли, исын пхаро́, со нико́н яви́р на саштынэла (на могинэ́ла (дэла ра́да)) тэ откэрэл лэс крали́скэ, апри́ч дэвлэндэ, савэ́ дживэ́на на дрэ манушаны лоч (плоть).”

Isajos 45:7

Мэ кэра́ва дуд (свэ́то) и кэра́ва калыпэ́н (цёмныма), Мэ да́ва рама́нё (миро) и кэра́ва бари би́да (биба́хт); Мэ, Рай Дэвэ́л, кэра́ва дава́.

Эфесянэнгэ 3:5

савэ́ на сыс англэды́р джиндлэ́ ни екхэ́ манушытконэ́ родо́скэ адя́кэ, сыр ёнэ какана́ исын отчхакирдэ Лэ́скирэ Свэнтонэ́ Апостолэнгэ и пророкэнгэ пир Свэ́нто Ду́хо (Фа́но),

1 Коринфянэнгэ 4:5

Тэды на сэндякирэн анги́л дова́, сыр Рай Дэвэ́л явэ́ла, Саво́ дудвалякирэла (обсвэнцынэла) и калэ́ (цёмна) чораханыбэна и откэрэла пэ якха́ адя́кэ-паць ґарадэ́ мысли дро манушы́тко ило́; и тэды сва́ко (кажно) ману́ш дорэсэ́ла (долэла) шарибэ́н Дэвлэ́стыр.

Joannostir 21:17

И три́то мо́ло ракирэ́ла лэ́скэ Ису́со: “Симоне, Ианоскиро чхаво́! Ци сом Мэ дро́го Ту́кэ?” Пэ́три яця́ смэнтно, со дро три́то мо́ло Ису́со пхэндя́ лэ́скэ: “Ци сом Мэ дро́го ту́кэ?”, и ёв пхэндя́ Исусо́скэ: “Раё Дэ́вла! Ту саро́ джинэ́са; Ту джинэ́са, со Ту сан дро́го ма́нгэ.” Ису́со ракирэ́ла лэ́скэ: “Чара́в Мирэ́ бакрэ́н.

Isajos 41:22

“Мэк ёнэ тэ пхэнэ́н и тэ сыкавэ́н амэ́нгэ, со явэ́ла мэк ёнэ тэ сыкавэ́н англатунэ́ (пэ́рва) причыны, савэ́ исын, соб (кай) амэ тэ розлас (тэ роз ґалёвас) лэн, и соб (кай) амэ тэ джинас, со́са кончынэлапэ кадава́ рэ́ндо, ци со тэ пхэнэ́н анги́л сарэ́ндэ, со явэ́ла анги́л.

Psalmy 104:2

Ту сан учхакирдо дудэса (свэтоса) сыр урибнаса, Ту росчхудян трусця́л (кругом) болыбэ́н сыр шатракирэ рига́.

Ióvo 26:6

Лю́но исын псирадо анги́л Дэвлэ́стэ, и Абадоно нанэ учхакирдо Лэ́скирэ якхэ́ндыр.

Joannostir 8:12

Нэвэ́стыр Ису́со ракирдя́ манушэ́нца и пхэндя́ лэ́нгэ: “Мэ сом дуд дро дава́ свэ́то: одова́, кон джа́ла пал Ма́ндэ, на явэ́ла тэ псирэ́л дро калыпэ́н, а явэ́ла лэ́стэ джиибна́скиро дуд.”

Joannostir 1:9

Дава́ сыс чачуно́ Дуд, Саво́ дэ́ла джиныбэ́н кажнонэ́ манушэ́скэ, саво́ явэ́ла пэ свэ́то (лот).

Матфеё 13:13

Палдава́ Мэ ракира́ва лэ́нца примерэнца (сыкаибэ́н), пал-дова́ со, сыр ёнэ дыкхи́, на дыкхэ́на, и шуны, на шунэ́на, и на ґалёна;

Дание́лё 5:14

Мэ шунавас пал ту́тэ, со Ду́хо (Фа́но) Дэвлэ́скиро исын дрэ ту́тэ и дуд (свэ́то), и годы́, и вучо́ ґалыибэ́н латхно дрэ ту́тэ.

Isajos 42:9

Акэ, кэрдя́пэ дро джиибэ́н, со пхэндлэ́ англэды́р, и нэво́ лав Мэ пхэна́ва; анги́л дова́, сыр ёв кэрэ́лапэ чачипна́са, Мэ откэрава тумэ́нгэ.”

Isajos 41:26

Кон пхэндя́ анги́л сарэ́ндэ самонэ англыпна́стыр, соб (кай) тэ джинас амэ́нгэ, и ґара́ анги́л дава́, соб (кай) амэ́нгэ сашты́ тэ пхэнас: “Дава́ исын чачипэ́н.” Нэ нанэ никонэ́с, кон тэ пхэнэ́л анги́л сарэ́ндэ, ци вари-кон тэ шунэ́л тумарэ́ лава́.

Džiibén 41:16

И пхэндя́ Ёза фараоно́скэ: “Дава́ саро́ исын на миро; Дэвэ́л дэ́ла отпхэныбэ́н дро лачхипэ́н фараоно́скэ.”

Дание́лё 2:19

И тэ́ньчи сыс сыкадо гарадо́ чачипэ́н Даниелёскэ дро ратя́киро дыкхибэ́н, и о Дание́лё бахтякирдя́ болыбна́скирэ Дэвлэ́с.

Дание́лё 2:47

И отпхэндя́ и ракирдя́ о кра́ли Даниелёскэ: “Чачэс, тумаро́ Дэвэ́л исын Дэвэ́л дэвлэнгиро и Баро́ Рай кральенгиро, Саво́ откэрэла гарадэ́ чачипэна́, ке́ли ту дыя́н ра́да тэ откэрэс дава́ гарадо́ чачипэ́н!”

Яви́р Зако́но 29:28

и вытрадыя́ лэн Рай Дэвэ́л пхувья́тыр дрэ холы́, дро мижэхипэн и дрэ бари холы́ и вытрадыя́ лэн пэ яви́р пхув, сыр акана́ дыкхаса.”

Ekliesiastos 8:1

Кон исын годо́ ману́ш? И кон джинэ́ла тэ роспхэнэл пал сарэ́ рэ́нды, сыр лэн трэй тэ кэрэ́н? Манушэ́скиро годыпэ́н зачхувэла лэ́скиро муй тэ зяинэл, и наковло лэ́скиро муй парудёла.

Ереме́ё 33:3

‘Кхар Ман Мирэ́ лавэ́са, и Мэ отпхэнава ту́кэ, и Мэ сыкава́ва ту́кэ барэ́ и гарадэ́ рэ́нды (де́лы), и савэ́ ту на джинэ́са!’