Дание́лё 2:21 - Библия - Пэ Балтитко Романи чиб (Романэс) 2019

²¹ И ёв парувэла часы и бэршы́тка поры, Ёв тэлякирэла кралье́н и Ёв чхувэ́ла кралье́н; дэ́ла годыпэ́н годыпнаскирэнгэ и джиныбэ́н годэнгэ,

Biblija - Pe Baltitko Romani čib (Romanes) 2019

²¹ I jov paruvela časy i beršýtka pory, Jov teliakirela kral'jén i Jov čhuvéla kral'jén; déla godypén godypnaskirenge i džinybén godenge,

Дание́лё 2:21 Referans Kwoze

Дание́лё 4:17

[20] Кашт (дрэ́во), саво́ ту дыкхця́н, саво́ сыс баро́ и састо́ вучипна́са, и сыс кэ болыбэ́н и дыкхно сыс пэ сари́ пхув,

Дание́лё 7:25

и пэ Най Вучэдырэскирэстэ (Дэвлэ́стэ) ёв явэ́ла тэ пхэнэ́л шардытка лава́ и тэ пхарьякирэл свэнтонэн манушэ́н Най Вучэдырэскирэн, и ёв придуминэла тэ отпхэнэл лэ́ндэ свэнкитка часы и Зако́но, и явэ́на ёнэ отдынэ́ дро лэ́скиро васт кэ / жы́ко часо, и кэ часы, и кэ паш часо.

Дание́лё 4:32

[35] И сарэ́, кон дживэ́ла пэ пхув, ничи́ намол; пир Лэ́скири во́ля Ёв кэрэ́ла, со Лэ́скэ трэй, сыр дро болыбнытко халадыбэ́н, адя́кэ и пэ джидэнгирэндэ пэ пхув; нанэ нико́н, кон сашты́ тэ обрикирэл Лэ́скиро васт и тэ пхэнэ́л Лэ́скэ: “Ту со кэрдя́н?”

Ióvo 12:18

Ёв лэ́ла криг зор кралье́ндыр, Ёв пхандэла кустыка пэ лэ́нгирэ трушула (чре́сло).

3 Kralip 4:29

И дыя́ Дэвэ́л Соломоно́скэ годыпэ́н и древа́н бари годы́, буґло́ ило́, сыр пра́хо пэ морёскиро (дэрьявэ́скиро) брэ́го.

Jakov 1:5

Ко́ли вари-конэ́стэ тумэ́ндыр на ухтылэл (на́доси) годы́, то мэк ёв тэ мангэ́л Дэвлэ́стыр, Саво́ дэ́ла сарэ́нгэ, кон камэ́ла, и Саво́ на выракирэла, а дэ́ла лэ́скэ:

Luka 21:15

пал-дова́ со Мэ да́ва тумэ́нгэ лава́ и годы́, со тумарэ́ вэ́рги на змарэна тумэн дро лав, и ёнэ адя́кэ-паць на дэ́на ра́да (на змогинэна) тэ бангякирэн тумэн дро дова́, со тумэ́ отпхэнэна.

Jakov 1:17

кажно лачхипэ́н и кажно бидошакиро тала́но бичхадэ́ амэ́нгэ вучипна́стыр, дудэнгирэ (свэтэнгирэ) Дадэ́стыр, Саво́ на парудёла, и на пирикэрэлапэ.

3 Kralip 3:28

И шундя́ саро́ Израилё пал сэ́ндо, сыр розсэндякирдя кра́ли; и лынэ́ тэ дарэ́н крали́стыр, пал-дова́ со дыкхнэ́, со годыпэ́н Дэвлэ́скири сыс дрэ лэ́стэ, соб (кай) ёв тэ кэрэ́л сэ́ндо.

Vygiiben 31:3

и Мэ лэс пхэрдякирдём Дэвлэ́скирэ Духо́са (Фаноса), годыпнаса, годя́са, джиныбнаса и кажнонэ́ искуствоса,

1 Коринфянэнгэ 1:30

Нэ адава́ Дэвэ́л чхудя́ тумэн дро кхэтаныпэн Исусо́са Христосо́са амарэса и Ёв кэрдя́ Христосо́с сыр амаро́ годыпэ́н, чачипэ́н; пал Лэ́стэ амэ яця́м Дэвлэ́скирэ свэнтонэ́ и вольнонэ манушэ́нца,

Дание́лё 2:9

Адя́кэ со, ко́ли тумэ́ на роспхэнэнас миро суно́, то тумэ́ндэ екх исын пэ годы́: тумэ́ скэдынэ́пэ тэ пхэнэ́н ма́нгэ хохаибэ́н и начачунэ лава́, соб (кай) тэ джал дурэды́р (накхэла) о часо; адя́кэ, роспхэнэ́н ма́нгэ суно́, и тэды мэ ґалёвава, со тумэ́ сашты́ (могинэ́на) тэ роспхэнэ́н ма́нгэ лэ́скири зна́чыма.”

1 Паралипоменоно 22:12

Мэк тэ дэл ту́кэ Рай Дэвэ́л ґалыибэ́н и годы́ и тэ чхувэ́л тут пэ Израилё; и ту зра́кх тырэ́ Ра́скирэ-Дэвлэ́скиро, тырэ́ Дэвлэ́скиро Зако́но.

3 Kralip 10:24

И сарэ́ пхувья́кирэ кра́лья камлэ́ тэ дыкхэ́н Соломонос, соб (кай) тэ шунэ́н годьварэ́ лава́ лэ́скирэ, савэ́ чхудя́ Дэвэ́л дрэ лэ́скиро ило́.

Sykadyipén 19:16

Пэ Лэ́скиро урибэ́н и пэ Лэ́скири статя (стёгны) сыс зачхиндло́ титуло: “Кра́ли кралье́нгиро, Рай рае́нгиро.”

Дание́лё 11:6

Нэ пир вари-кицы́ бэрша́ ёнэ явэ́на кучэдыр екх екхэ́са, и чхай паш-дывэсытконэ́ крали́скири явэ́ла кэ кра́ли паш-ратитконэ́ рига́тыр, соб (кай) ёнэ тэ явэ́н дрэ екх годы́; нэ ёй на вырикирэ́ла зор дрэ пэ́скирэ васта́, и на вытэрдёла ла́киро ро́до, нэ ёй явэ́ла выдыны тэ мэрэ́л, адя́кэ и пашатунэ́ ла́кирэ, и одолэ́, кон барьякирдя ла, и кодолэ́, кон ла́кэ дыя́ зор дро кодолэ́ часы.

1 Паралипоменоно 29:30

Адя́кэ-паць и саро́ кралипэ́н лэ́скиро, и муршкипэн лэ́скиро, и ваканцыи (случаи), савэ́ кэрдэ́пэ лэ́са, и Израилёса, и сарэ́ пхувья́кирэ кралипнэнца.

Vygiiben 31:6

и, ґа́да, Мэ да́ва лэ́скэ помогибнаскирэн Аголиавос, Ахисамаховоскирэ чхавэ́с, Дано́скирэ родыцо́стыр, и дро кажно годьварэскиро ило́ мэ чхува́ва годыпэ́н, соб (кай) ёнэ тэ кэрэ́н саро́, со Мэ припхэндём ту́кэ:

Ester 1:13

И пхэндя́ кра́ли манушэ́нгэ, савэ́ джиндлэ́ ґаратунэ́ дывэса́, – пал-дава́ со крали́скирэ рэ́нды кэрдэ́ анги́л сарэ́ндэ манушэ́ндэ, савэ́ джиндлэ́ Зако́но и лыджинэ́ сэнды.

Римлянэнгэ 13:1

Кажно ману́ш исын банго́ (мусинэла) тэ кандэл тхэмэ́скирэ барыдырэ́н, пал-дова́ со нанэ дава́, соб (кай) тэ на явэ́н ёнэ Дэвлэ́стыр, и сарэ́н барыдырэ́н, савэ́ндэ исын право пэ манушэ́ндэ, чхудя́ Дэвэ́л.

Дание́лё 1:17

И дыя́ о Дэвэ́л штарэнгэ адалэ́ тэрнэ́-бэршэнгирэнгэ джиныбэ́н и ґалыибэ́н дрэ кажно лылвари́ и годы́, а Даниелёскэ ишчо (инкэ́) дыя́ ґалыибэ́н дро кажно дыкхибэ́н, и дрэ сунэ́.

Дание́лё 2:20

О Дание́лё отпхэндя́ и пхэндя́: “Мэк тэ явэ́л бахтало́ Лав Ра́скирэ-Дэвлэ́скиро векостыр пэ сарэ́ ве́ки! Пал-дова́ со Лэ́стэ исын годы́ и зор.

Дание́лё 2:23

Мэ парикирава и мэ шарава Тут, Дэ́вла, мирэ́ дадэ́нгиро, со Ту дыя́н ма́нгэ годы́ и зор и откэрдян ма́нгэ одова́, пал со мангэнас Тут; пал-дова́ со Ту откэрдян амэ́нгэ рэ́ндо крали́скиро.”

Дание́лё 10:1

Пэ три́то бэрш о Кираскиро, Персытконэ Крали́скиро, сыс сыкадо чачипэ́н Даниелёскэ, савэ́с кхардэ́ пир лав Валтасаро; и чачуно́ сыс дава́ сыкадыипэн и древа́н зорало́. Ёв ґалыя́ дава́ чачипэ́н и уґалыя дыкхибэ́н.

Дание́лё 4:14

[17] Ракхибнарьенгирэ упхэныбнаса кадава́ сыс кэрдо́, и пир лав дро приракирибэн Свэнтонэнгиро сыс сыкадо, соб (кай) тэ джинэ́н сарэ́ джиндлэ́, со Най Вучэдырэскиро исын хула́й упра́л манушэ́нгиро кралипэ́н, и Ёв дэ́ла лэс, кон исын дро́го Лэ́скэ, и чхувэ́ла упрэ́ лэ́ндэ тэлякирдэс машки́р манушэ́ндэ.”

Дание́лё 4:22

[25] традэ́на криг тут манушэ́ндыр, и джиибэ́н тыро́ явэ́ла фэлдытконэ мурдалэ́нца; чаравэна тут чарьяса, сыр гурувэ́с, ту явэ́са мордо болыбнытконэ пахлыняса (росаса), и эфта́ часы джа́на дурэды́р упра́л ту́тэ, кэ/ жы́ко дова́, сыр ту ґалёса, со Са́мо Вучэды́р хулаинэла упра́л кралипэ́н манушэ́нгиро и дэ́ла лэс, кон Лэ́скэ трэй.