Дание́лё 2:2 - Библия - Пэ Балтитко Романи чиб (Романэс) 2019

² Припхэндя́ о кра́ли тэ скэдэ́н сарэ́н човаханэн, и магэн, и джиныбнаскирэн пир планеты, и Халдеен, соб (кай) ёнэ тэ роспхэнэ́н э крали́скэ лэ́скиро суно́. Ёнэ явнэ́, и тэрдинэ́ анги́л крали́стэ.

Biblija - Pe Baltitko Romani čib (Romanes) 2019

² Priphendiá o králi te skedén sarén čovahanen, i magen, i džinybnaskiren pir planiety, i Xaldiejen, sob (kaj) jone te rosphenén e kralíske léskiro sunó. Jone javné, i terdiné angíl kralíste.

Дание́лё 2:2 Referans Kwoze

Дание́лё 1:20

И дро кажно годо́ рэ́ндо и лэ́нгиро розґалыибэн, пал со пхучэлас лэ́ндыр о кра́ли, ёв латхэлас лэн дро дэш мол фэды́р сарэ́н човаханэндыр и магэндыр, савэ́ сыс дро саро́ кралипэ́н лэ́скиро.

Дание́лё 4:6

[9] Валтасаре, шэрало́ човаханэнгиро! Мэ джино́м, со андра́л ту́тэ исын Ду́хо (Фа́но) свэнтонэ́ Дэвлэ́скиро, и нисаво́ гарадо́ чачипэ́н ваш ту́кэ исын на пхаро́; пирипхэн ма́нгэ о дыкхибэ́н мирэ́ сунэскиро, саво́ мэ дыкхцём, и лэ́скири зна́чыма.

Vygiiben 7:11

И кхардя́ фарао́но магэн и джиныбнаскирэн пир чэргэня́; и адалэ́ Египто́скирэ човаханэ кэрдэ́ дова́-паць пэ́скирэ чарэнца:

Džiibén 41:8

И сыс адя́кэ: злокоса (пэ ра́нко) пыя́ лэ́скиро ду́хо (фа́но), и бичхадя́ ёв, и кхардя́ сарэ́н Египто́скирэ магэ́н (човаханэн) и сарэ́н лэ́скирэ танукэ́н (мудрецэн), и роспхэндя́ лэ́нгэ фарао́но пэ́скиро суно́; нэ нико́н на сыс, кон бы тэ пирипхэнэл лэс фараоно́скэ.

Дание́лё 5:7

Зоралэ́с задыя годлы о кра́ли, соб (кай) тэ янэ́н калэ́-магитконэн, э Халдеен, и э драбакирибнаскирэн пэ планеты. О кра́ли лыя́ тэ ракирэ́л, и пхэндя́ годыпнаскирэнгэ дро Вавило́но: “Кон гинэ́ла, со дава́ чхиндло́ исын и пирипхэнэла ма́нгэ, кодова́ явэ́ла уридо́ дро лоло́ пхар, и сувнакуны́ зандир (цэпка) явэ́ла пэ лэ́скири мэн, и тритонэса барыдырэ́са явэ́ла ёв пэ лыджино тхэм дро кралипэ́н.”

Дание́лё 2:10

Э Халдеи отпхэндлэ́ крали́скэ и ракирдэ́: “Нанэ пэ пхув э манушэ́с, саво́ могинэлас (дэ́лас ра́да) тэ откэрэл дава́ рэ́ндо (де́ло) крали́скэ, и палдава́ ни екх кра́ли, ни екх тхага́ри, ни екх тхэмэскиро барыдыро́ (правителё), на пхуця́ дасаво ни савэ́ човаханэстыр, ни астрологостыр, ни Халдеёстыр.

Isajos 19:3

И ду́хо (фа́но) Египто́скиро хасёла, Мэ розмарава лэ́скиро годыпэ́н (совето) и праста́на ёнэ кэ и́долы, кэ мануша́, савэ́ исын човаханэ (маги), савэ́ выкхарэна мулэн, савэ́ зумавэна.

Isajos 8:19

И ко́ли пхэнэ́на тумэ́нгэ: “Джа́ кэ одолэ́, кон выкхарэла мулэн, кон исын човахано, кон зумавэла”, – тэ́ньчи тумэ́ пхэнэ́н: “Ци на трэй, соб (кай) народо тэ родэ́л пэ́скирэ Дэвлэ́с? Ци пхучэна мулэ́ндыр пал джидэ́ манушэ́ндэ?”

Ester 1:13

И пхэндя́ кра́ли манушэ́нгэ, савэ́ джиндлэ́ ґаратунэ́ дывэса́, – пал-дава́ со крали́скирэ рэ́нды кэрдэ́ анги́л сарэ́ндэ манушэ́ндэ, савэ́ джиндлэ́ Зако́но и лыджинэ́ сэнды.

Дание́лё 1:4

тэрнэ́-бэршэнгирэн (отрокэн), савэ́ндэ нанэ нисавэ доша дрэ маса́ (шталто), гожонэ мо́са, соб (кай) ёнэ тэ ґалён тэ сыклён дро кажно годыпэ́н, дро джиныбэ́н и сы́гэс тэ ґалён, савэ́ могинэ́нас (дэ́нас ра́да) тэ дынаринэ́н (тэ служынэн) дрэ крали́скири фэлатин (коло́в), и, соб (кай) тэ сыклякирэ́н лэн Халдеитконэ лылварипнаскэ (грамотакэ) и чибакэ (чибьякэ).

Дание́лё 2:27

Дание́лё отпхэндя́ анги́л крали́стэ и ракирдя́: “Гарадо́ чачипэ́н, пал саво́ пхучэла о кра́ли, нашты́ тэ откэрэн ни годыпнаскирэ (тануки), ни човаханэ.

Дание́лё 3:8

Палдава́ дро дасаво часо подгинэ́ вари-савэ́ Халдеендыр и допхэндлэ пэ Юдэ́ндэ.

1 Kralip 6:2

И кхардэ́ Филистимля́ни жрецэн и зумакирибнаскирэн, и пхэндлэ́: “Со амэ́нгэ тэ кэра́с Ра́скирэ-Дэвлэ́скирэ ковчэгоса?” Подсыклякирэн амэн, сыр амэ́нгэ тэ отмэкас лэс пэ пэ́скиро штэ́то.

Дание́лё 4:3

[6] Сыс дыно́ упхэныбэ́н ма́ндыр тэ янэ́н сарэ́н годыпнаскирэн Вавилоно́стыр, соб (кай) ёнэ тэ пирипхэнэн ма́нгэ, пал со сыс дова́ суно́.