Дание́лё 2:18 - Библия - Пэ Балтитко Романи чиб (Романэс) 2019

¹⁸ соб (кай) ёнэ мангнэ́ ла́ска болыбна́скирэ Дэвлэ́стыр пал дасаво гарадо́ чачипэ́н, соб (кай) о Дание́лё лэ́скирэ малэнца тэ на хасён сарэ́нца явирэнца годыпнаскирэнца дро Вавило́но.

Biblija - Pe Baltitko Romani čib (Romanes) 2019

¹⁸ sob (kaj) jone mangné láska bolybnáskire Devléstyr pal dasavo garadó čačipén, sob (kaj) o Danijéljo léskire malenca te na xasjon sarénca javirenca godypnaskirenca dro Vavilóno.

Дание́лё 2:18 Referans Kwoze

Ереме́ё 33:3

‘Кхар Ман Мирэ́ лавэ́са, и Мэ отпхэнава ту́кэ, и Мэ сыкава́ва ту́кэ барэ́ и гарадэ́ рэ́нды (де́лы), и савэ́ ту на джинэ́са!’

Матфеё 18:19

Ишчо Мэ пхэна́ва чачипэ́н тумэ́нгэ, со, ко́ли дуйджинэ́ тумэ́ндыр явэ́на дрэ кхэтаны́ годы́ пэ пхув тэ мангэ́н пал вари-со, явэ́ла дыно́ лэ́нгэ Мирэ́ Дадэ́стыр, Саво́ исын дро Болыбна́скиро Раё.

Матфеё 18:12

Сыр тумэ́нгэ здэлапэ? Ко́ли вари-савэ́ манушэ́стэ явэ́лас шэл бакря́, и екх лэ́ндыр заблэндындяпэ, тэды со ёв на ячкирэлас енядэша еня́ (биекхэ́скиро шэл) бакря́ дрэ бэ́рги, и на джа́лас тэ родэ́л кодоля, сави́ заблэндындяпэ?

Psalmy 91:15

Ёв прикхарэла Ман и Мэ отпхэнава лэ́скэ, Мэ ява́ва лэ́са, ке́ли явэ́ла пхаро́ лэ́скэ, Мэ зракха́ва лэс и Мэ ява́ва тэ кутякирав лэс.

Psalmy 50:15

И кхар Ман дрэ дывэса́, ке́ли Ту́тэ исын бари дар, и Мэ зракха́ва тут, и ту барьякирэса кэ вучипэ́н Ман.”

Малахия 3:18

Тэ́ньци тумэ́ нэвэ́стыр розґалёна лачхэ́с машки́р патяибнаскирэндэ и фуе́ манушэ́ндэ; машки́р кадалэндэ, кон дынаринэла Дэвлэ́скэ и одолэ́ндэ, кон на дынаринэла Лэ́скэ.

Isajos 37:4

Мэк тэ шунэ́л тыро́ Рай Дэвэ́л лава́ Рабсакостыр, конэ́с бичхадя́ кра́ли Асирия́киро, хула́й лэ́скиро, соб (кай) ёв (Рабсако) тэ калякирэл джидэ́ Дэвлэ́с, соб (кай) тэ кошэл Лэс лавэ́нца, савэ́ шундя́ тыро́ Рай Дэвэ́л, помангпэ пал манушэ́ндэ, савэ́ ячнэ́пэ, савэ́ ишчо (инкэ́) джидэ́.’”

1 Kralip 17:37

И пхэндя́ Дави́до: “Рай Дэвэ́л, Саво́ зракхця́ ман шчэрэстыр (левостыр) и ричэстыр, зракхэ́ла ман и адалэ́ Филистимлянино́скирэ вастэ́стыр.” И пхэндя́ Са́уло Давидо́скэ: “Джа́, и мэк тэ явэ́л Рай Дэвэ́л ту́са.”

Džiibén 18:28

сашты́ (могинэ́ла) тэ явэ́л, со кэ пандждэша́ чачунэ́ манушэ́н, наухтылла (на́доси) панджэн, нау́што, со ко́ли наухтылла пандж мануша́, то Ту хасякирэса саро́ фо́ро?” Ёв пхэндя́: “На хасякира́ва, ко́ли одо́й латхава штардэшапандж манушэ́н.”

2 Petr 2:9

И екх Дэвэ́л джинэ́ла, сыр тэ зракхэ́л дэвлытконэ́ манушэ́н, ке́ли пропатякирэна лэн, и Ёв ракхэ́ла кадалэ́ начачунэ манушэ́н кэ / жы́ко сэндоскиро дывэ́с, соб (кай) тэ чхувэ́л ка́ра пэ лэ́ндэ;

Римлянэнгэ 15:30

Нэ, акана́ мэ манга́ва тумэн, пша́ла, амарэ́ Ра́са-Дэвлэ́са, Исусо́са Христосо́са и Духо́скирэ патыва́са тэ явэ́н ма́нца дро хор мангипэ́н пал ма́ндэ кэ Дэвэ́л;

Apostolengiri Butý 12:4

И Ёв закэдыя Пэтрис, и чхудя́ лэс дро штарибэ́н, и припхэндя́ халадэнгэ тэ тэрдён дрэ штар ряды пэ штар манушэ́н дрэ кажно рядо и тэ ракхэ́н лэс; Иродо кэдэласпэ пало́ Патради́ тэ лыджа́л Пэтрис пэ манушы́тко сэ́ндо.

Дание́лё 3:17

Амаро́ Дэвэ́л, Савэ́скэ амэ дынарина́с, исын зорало́ и зракхэ́ла амэн бовэстыр, росхачкирдэ яга́са, и тырэ́ вастэ́стыр, о кра́лё, Ёв зракхэ́ла.

Езэкилё 36:37

Адя́кэ ракирэ́ла Рай Дэвэ́л: “Акэ, ишчо (инкэ́) Мэ сыкава́ва Миро камлыпэн кэ Израилёскиро кхэр дрэ дова́, со кэра́ва адя́кэ, соб (кай) тэ явэ́л адя́кэ бут манушэ́н сыр пэ бакрэнгири стада.

Дание́лё 2:23

Мэ парикирава и мэ шарава Тут, Дэ́вла, мирэ́ дадэ́нгиро, со Ту дыя́н ма́нгэ годы́ и зор и откэрдян ма́нгэ одова́, пал со мангэнас Тут; пал-дова́ со Ту откэрдян амэ́нгэ рэ́ндо крали́скиро.”

Дание́лё 4:26

[29] Сыр гинэ́ (накхлэ) дэшуду́й чхона́, псириндой пири́ бари фэлатин (коло́в) крали́скиро дро Вавило́но,

Jona 1:9

И отпхэндя́ ёв лэ́нгэ: “Мэ сом Юдо; и мэ дарава Ра́стыр-Дэвлэ́стыр; Дэвлэ́стыр болыбнаскирэстыр, Кон создыя́ мо́рё (дэрья́в) и пхув шуки́.”

Psalmy 136:26

Парикирэ́н болыбна́скирэ Дэвлэ́скэ, пал-дова́ со Лэ́скиро дро́го лачхипэ́н ячэ́лапэ пэ сарэ́ ве́ки.