Дание́лё 12:2 - Библия - Пэ Балтитко Романи чиб (Романэс) 2019

² И бут кодолэ́, савэ́ исын сутэ́ дро пхувья́киро пра́хо, джангадёна, екх ваш ве́чно джиибэ́н, яви́р пэ ве́чно ладжаипэ́н и обракирибэн.

Biblija - Pe Baltitko Romani čib (Romanes) 2019

² I but kodolé, savé isyn suté dro phuvjákiro práho, džangadjona, jekh vaš viéčno džiibén, javír pe viéčno ladžaipén i obrakiriben.

Дание́лё 12:2 Referans Kwoze

Isajos 26:19

Отджидёна Тырэ́ мулэ́, мулэ́ маса́ уштэна! Ѓаздэнпэ, радынэ́нпэ, тумэ́, савэ́н чхурдынэ́ дро пра́хо, пал-дова́ со пахлын (роса) Тыри́ састякирэла и пхув чхурдэ́ла яври́ мулэн.

Матфеё 25:46

И ёнэ джа́на пэ́скэ дрэ ве́чна мэ́ньки, а патяибнытка джа́на пэ́скэ дро джиибэ́н ве́чно.”

Езэкилё 37:12

Палдава́ пхэн пир лав ангилпхэныбэ́н, пхэн лэ́нгэ: “Адя́кэ ракирэ́ла Рай Дэвэ́л, Дэвэ́л: Акэ, Мэ откэрава тумарэ́ мулыканэ (ґробы), вылыджава тумэн, Миро народо, тумарэ́ мулыканэндыр, залыджава тумэн дро Израилёскири пхув.

Sykadyipén 20:12

И мэ дыкхцём мулэн, барэн и тэрнэн, савэ́ сыс тэрдэ́ анги́л троно и лылваря свиткостыр сыс отпхандлэ. Яви́р лылвари́ сыс отпхандлы, сави́ сыс джиибна́скири лылвари́, и мулэ́ сыс сэндиндлэ пир дова́, со ёнэ кэрдэ́ пал пэ́скиро джиибэ́н, и со сыс зачхиндло́ дрэ лылваря.

Apostolengiri Butý 24:15

и ма́ндэ исын лачхо́ ужакирибэ́н Дэвлэ́стыр, со явэ́ла отджидякирибэн мулэ́ндыр, сыр чачунэн, адя́кэ-паць и начачунэ манушэ́н, дова́-паць ёнэ и кокорэ́ ужакирэ́на.

1 Фесалоникийцэнгэ 4:14

Нэ ко́ли амэ патя́са, со Ису́со мыя́ и отджидыя́ мулэ́ндыр, тэды и манушэ́н, савэ́ мынэ́ патяибна́са дрэ Исусо́стэ, Дэвэ́л янэ́ла палэ кхэтанэ́ Лэ́са.

Isajos 66:24

“И ёнэ явэ́на тэ выджа́н и явэ́на тэ дыкхэ́н одолэ́-манушэ́нгирэ тру́пы, кон отгия́ Ма́ндыр; пал-дова́ со кирмо лэ́нгиро на хасёла, и яг лэ́нгири на мурдёла; ёнэ явэ́на сыр джунгалыпэ́н (магирипэ́н) ваш кажно лоч (плоть).”

Ереме́ё 20:11

Нэ Ту, Раё Дэ́вла, сан зоралыпнаскиро и трашано (би дара́киро), и Ту сан пэ мири́ риг; палдава́ вэ́рги, савэ́ традэ́на ман, обштавэнапэ, и ёнэ на лэ́на упралыпэ́н пэ ма́ндэ: ёнэ явэ́на ладжакирдэ́, пал-дова́ со лэ́нгирэ планы на удэнапэ лэ́нгэ кэ миштыпэ́н [енэ кэрдэ́ нагодьварэс, ладж явэ́ла лэ́нгэ пэ саро́ ве́ко и ние́кхвар на бистрэлапэ-р.с.],

Osija 13:14

Мэ выкинава лэн люноскирэ/адоскирэ (Шэолоскирэ) зорья́тыр, Мэ выракхава лэн мэрибна́стыр. О Мэрибэ́н! Кай исын Тыро́ жало (мэрибнытко трута/ядо)? О лю́но (адо)? Кай исын тыри́ зберда (победа) [тыро́ хасибэ́н-ю.о.]? Мирэ́ якхэ́ндыр гарадо́, соб (кай) Мэ тэ сыкавав ило́ ваш лэ́нгэ.

Римлянэнгэ 9:21

Ци нанэ право одолэ́ манушэ́стэ, саво́ кэрэ́ла пирья ґлэя́тыр (глина́тыр), соб (кай) екхэ замесостыр тэ кэрэ́л пири́ ваш свэнкитко дывэ́с, и яви́р ваш кажно дывэ́с?

Apostolengiri Butý 7:60

И ёв пыя́ пэ чанга́ и зоралэ́ заня́са пхэндя́: “Раё Дэ́вла! На гин дава́ грэ́хо пал лэ́ндэ.” И далэ́ лавэ́нца Стехвано мыя́.

Pritčy 12:8

Манушэ́с шарэна пал лэ́скири годы́, нэ мануша́ явэ́на тэ дыкхэ́н вучипна́стыр пэ одолэ́стэ, конэ́стэ исын хохано́ ило́.