Дание́лё 12:10 - Библия - Пэ Балтитко Романи чиб (Романэс) 2019

¹⁰ Бутджинэ жужакирэнапэ (чыстинэнапэ), парнякирэнапэ и явэ́на пирибиладэ ваш пропатякирибэн; э фуй мануша́ явэ́на тэ кэрэ́н бипатывалэс, и на ґалёла нико́н адалэстыр лав бипатывалэндыр (фуе́ манушэ́ндыр), нэ э годьварэ́ ґалёна.

Biblija - Pe Baltitko Romani čib (Romanes) 2019

¹⁰ Butdžine žužakirenape (čystinenape), parniakirenape i javéna piribilade vaš propatiakiriben; e fuj manušá javéna te kerén bipatyvales, i na ĥaljola nikón adalestyr lav bipatyvalendyr (fujé manušéndyr), ne e god'varé ĥaljona.

Дание́лё 12:10 Referans Kwoze

Sykadyipén 22:11

Мэк начачуно дурэды́р тэ кэрэ́л начачипэ́н, мэк ладжакирдо́ кэ магирибэн дурэды́р тэ кэрэ́л ладжаипэ́н. Мэк чачуно́ дурэды́р тэ кэрэ́л чачипэ́н; мэк свэ́нто дурэды́р тэ явэ́л Свэнтонэса.”

Дание́лё 11:35

Латхэнапэ доша вари-савэ́ и годьварэндэ, соб (кай) тэ спробинэн лэн тэ жужакирэн и тэ парнякирэн кэ дывеса дро ко́нцо (яго́ро); пал-дова́ со ишчо (инкэ́) исын часо кэ упхэндло́ сроко.

Osija 14:9

Ефре́мо пхэнэ́ла: ‘Со ма́нгэ ишчо (инкэ́) трэй идолэндыр?’ Мэ отпхэнава лэ́скэ: ‘Мэ ява́ва тэ шунав, и тэ дыкха́в пал ту́тэ? Мэ ява́ва сыр кипарисо, саво́ розмэкця, Рай Дэвэ́л, патря (листы). Ма́ндыр явэ́на ту́тэ баритка (пло́ды).’

Joannostir 8:47

Одова́, кон исын Дэвлэ́стыр, одова́ шунэ́ла Дэвлэ́скирэ лава́; тумэ́ палдава́ на шунэ́на, пал-дова́ со тумэ́ сан на Дэвлэ́стыр.”

1 Ian 5:20

Амэ джина́са, со Дэвлэ́скиро Чхаво́ явдя́ и дыя́ амэ́нгэ годы́, соб (кай) амэ тэ уджинас, кон исын чачуно́ Дэвэ́л, и соб (кай) амэ́нгэ тэ явас дро екхипэ́н чачунэ́ Дэвлэ́са, Лэ́скирэ Чхавэ́са, Исусо́са Христосо́са. Дава́ исын чачуно́ Дэвэ́л и ве́чно джиибэ́н.

Joannostir 7:17

Кон камэ́ла тэ кэрэ́л Лэ́скири во́ля, одова́ явэ́ла тэ джинэ́л пал дава́ сыклякирибэ́н, ци ёв исын Дэвлэ́стыр, ци Мэ ракира́ва Кокоро́ Пэ́стыр.

Luka 24:25

И пхэндя́ тэды Ису́со лэ́нгэ: “Нэ, тумэ́ сан бигодякирэ и пхарэ́-илэ́скирэ мануша́, соб (кай) тэ упатян дро дова́, со проро́ки пхэндлэ́!

Заха́рия 13:9

И лыджа́ва Мэ до три́то паш дрэ яг, билякирава лэс, сыр билякирэна руп, и выжужакирава лэс, сыр жужакирэна сувнака́й: ёнэ лэ́на тэ кхарэ́н лав Миро. И Мэ вышунава лэн и отпхэнава: ‘Дава́ исын Мирэ́ мануша́,’ нэ ёнэ пхэнэ́на: ‘Рай Дэвэ́л исын Дэвэ́л миро!’”

Sykadyipén 3:18

палдава́ мэ подпхэнава ту́кэ тэ кинэс сувнака́й Ма́ндыр, саво́ сыс пробиндло яга́са. Кин адя́кэ-паць парны и́дя тэ урьеспэ, соб (кай) тэ сыкавэс ладж пэ́скирэ нангипнаскири; и помакх пэ́скирэ якха́ якхитконэ макхлуняса (мазяса), соб (кай) тэ дыкхэ́с.

Pritčy 1:5

Кон исын годо́ (годьваро́) ману́ш, явэ́ла тэ шунэ́л и тэ сыклёл буты́р; ману́ш барэ́ годя́са дорэсэ́ла пэ́скэ лачхо́ годыпэ́н (совето),

1 Petr 1:7

соб (кай) дава́ пропатякирибэн тэ допхэнэл, со тумаро́ патяибэ́н исын чачуно́ и дрогэдыр сувнака́стыр, саво́ усае́кх исын хасибны́тко, мэк ёв тэ явэ́л пропатякирдо яга́са, тэды тумаро́ патяибэ́н янэ́ла тумэ́нгэ шарибэ́н и сла́ва, ке́ли явэ́ла нэвэ́стыр Ису́со Христо́со:

Дание́лё 11:33

Нэ годьварэ́ мануша́ манушытконэ́ нацыятыр (народо́стыр) дэ́на годы́ бутэнгэ, на дыкхи́ пэ дова́, со ёнэ явэ́на тэ страдынэн ада́кицы дывэса́ ягатыр и куртала́тыр, плено́стыр и миштыпнытконэ чорибнастыр.

Езэкилё 47:11

Лэ́скирэ артапели (хор болоты) и чхувины (лужы), савэ́ на высастёна, явэ́на ячадэ (ячкирдэ́) ваш лонд.

Sykadyipén 19:14

И халадэ́ болыбны́тка джа́нас пал Лэ́стэ, савэ́ сыс пэ парнэ́ грэ́ндэ и уридэ́ дро парно́ и жужо́ висонытко тхан.

Sykadyipén 19:8

Ла́кэ сыс дыно́ ярко, жужо́ висонытко тхан тэ урьел: “пал-дова́ со висонытко тхан сыкавэ́ла свэнтонэ́-Дэвлэ́скирэ манушэ́нгиро чачипэ́н.”

Sykadyipén 16:11

и ёнэ калякирэнас Болыбна́скирэ Дэвлэ́с пал пэ́скирэ дукха́ и фра́нсы. Нэ ёнэ на рискирдэ́ пэ́скиро джиибэ́н грэхэ́ндыр кэ Дэвэ́л долэ́стыр, со ёнэ кэрдэ́.

1 Petr 1:22

Сыр тумэ́ лынэ́ тэ кандэ́н чачипэ́н, тэды тумэ́ выжужакирдэ пэ́скирэ дия́ ваш чачуны́ пшалы́тко паты́в, палдава́ сыкавэ́н паты́в екх екхэ́скэ сарэ́ илэ́стыр.

Юдэ́нгэ 12:10

Амарэ́ дада́ сыклякирдэ́ амэн на́бут дывэса́, нэ Дэвэ́л сыклякирэ́ла ваш амаро́ миштыпэ́н, соб (кай) амэ́нгэ тэ явэ́л паш кхэтанэ́ Лэ́са дрэ Лэ́скири свэнтыма.

Titoske 2:14

Саво́ отдыя́ Пэс пал амэ́ндэ, соб (кай) Ёв тэ зракхэ́л амэн сарэ́ начачунэ рэндэ́ндыр, тэ кэрэ́л амэн жужэ́ манушэ́нца, соб (кай) амэ тэ явас екх Лэ́скирэ манушэ́нца, савэ́ древа́н тырдэнапэ тэ кэрэ́н лачхипэ́н.

2 Коринфянэнгэ 7:1

Палдава́, ко́ли амэ́нгэ сыс дынэ́ дасавэ́ лава́, мирэ́ дро́га, жужакираса пэс сарэ́стыр, со мэлякирэла амари́ лоч (плоть) и ду́хо (фа́но) и ява́са тэ джива́с сарэ́са свэнтонэс дро дар анги́л Дэвлэ́стэ.

1 Коринфянэнгэ 6:11

Вари-савэ́ тумэ́ндыр са́нас адасавэ́. Нэ тумэ́ сан обмордэ, освэнцындлэ, нэ тумэ́ сан приджиндлэ сыр чачунэ́ амарэ́ Ра́скирэ-Дэвлэ́скирэ лавэ́са, Исусо́скирэ Христососкирэса и амарэ́ Дэвлэ́скирэ Духо́са.

Joannostir 18:37

Пила́то ракирэ́ла Лэ́скэ: “Акэ, адя́кэ Ту сан Кра́ли?” Ису́со отпхэнэ́ла: “Ту ж ракирэ́са, со Мэ сом Кра́ли. Мэ ваш дава́ бияндыём и ваш дава́ явдём пэ свэ́то, соб (кай) тэ допхэнав пал чачипэ́н; кажно, конэ́скэ исын пир ило́ чачипэ́н, шунэ́ла зан Мири́”

Marko 4:11

И Ёв ракирдя́ лэ́нгэ: “Гарадэ́ чачипэна́ Дэвлэ́скирэ Кралипнаскирэ дынэ́ тумэ́нгэ. Нэ кон исын дура́л Кралипнастыр, одолэ́нгэ ракирэлапэ примерэнца (сыкаибнэнца).

Дание́лё 12:3

И годьварэ́ явэ́на тэ зяинэн, сыр дуда (светилы) пэ болыбна́скиро сво́до, и кодолэ́, савэ́ рискирэна бутэн кэ чачипэ́н – сыр чэргэня́ дро ве́ко, пэ сарэ́ ве́ки.

Езэкилё 36:25

И Мэ брызгинава тумэн жужэ́ пане́са, тумэ́ жужакирэнапэ сарэ́ тумарэ́ магирипнастыр, Мэ жужакирава тумэн сарэ́ тумарэ́ идолэндыр.

Isajos 1:18

“Тэ́ньци явэ́н, ява́са тэ сэндякирас (тэ роскэдаспэ),” – ракирэ́ла Рай Дэвэ́л. “Ко́ли явэ́на тумарэ́ грэ́хи лолэ́, сыр рат, ячэ́на парнэ́, сыр ив, ко́ли явэ́на лолэ́, сыр яг ячэ́на парнэ́, сыр вы́лна (шэрсь) Мэ парнякирава.

Psalmy 107:43

Кон исын годо́, мэк ёв тэ рикирэлпэ кэ саро́ дава́, мэк ёв тэ ґалёл Ра́скирэ-Дэвлэ́скири лачхэ́-илы́ткима.

Psalmy 51:7

Ѓа́да, мэ бияндыём дро чорипэ́н и мири́ дай бияндя́ ман грэхитконэса.

1 Kralip 24:13

Мэк тэ россэндякирэл Рай Дэвэ́л машки́р ма́ндэ и ту́тэ, и мэк тэ отхал палэ (отомстинэл) ту́кэ Рай Дэвэ́л пал ма́ндэ; нэ васт миро на явэ́ла пэ ту́тэ,

Малахия 3:3

Ёв бэшэ́ла сы́рбы спецо, саво́ пирибилавэла (пириплавинэла) и жужакирэла руп, и Ёв жужакирэла чхавэ́н Левиёскирэн и пирибилавэла лэн сыр сувнака́й и руп, соб (кай) ёнэ сашты́ тэ янэ́н Ра́скэ-Дэвлэ́скэ свэ́нто дыибэ́н дро чачипэ́н.