Дание́лё 11:4 - Библия - Пэ Балтитко Романи чиб (Романэс) 2019

⁴ Нэ ке́ли ёв уштэ́ла, то кралипэ́н лэ́скиро роспэрэлапэ и роскэрэлапэ пэ штар болыбны́тка балваля, никонэ́скэ лэскрэ сэмэнца́кэ на пириджала дова́ кралипэ́н, и кадасавэ́ зорья́са, савья́са ёв хулаинэлас; хасёла кралипэ́н лэ́скиро и дорэсэлапэ явирэ́нгэ, апри́ч кодолэндэ.

Biblija - Pe Baltitko Romani čib (Romanes) 2019

⁴ Ne kiéli jov uštéla, to kralipén léskiro rosperelape i roskerelape pe štar bolybnýtka balvalia, nikonéske leskre semencáke na piridžala dová kralipén, i kadasavé zorjása, savjása jov xulainelas; xasjola kralipén léskiro i doreselape javirénge, apríč kodolende.

Дание́лё 11:4 Referans Kwoze

Дание́лё 8:22

а пало́ дова́ шынг, саво́ пхадия, выгинэ́ штар шынга́-дава́ исын штар кралипэна́, со уштэна адалэ́ манушытконэ́ нацыя́тыр (народо́стыр), нэ нанэ лэ́скирэ зорья́са.

Дание́лё 8:8

Палдава́ кадава́ бузно розбарияпэ; нэ ке́ли ёв зоралыя, тэды пхадия баро́ шынг, и пэ лэ́скиро штэ́то выгинэ́ штар шынга́, савэ́ сыс обрисинэ пэ штар балваля болыбны́тка.

Ереме́ё 12:17

Нэ ко́ли ёнэ на явэ́на тэ кандэ́н, тэды Мэ выкушава лэн криг и Мэ хасякира́ва кадалэ́ манушэ́н”, – пхэндя́ Рай Дэвэ́л.

Дание́лё 7:8

Мэ дыкха́вас пэ долэ́ шынга́, и, акэ, выгия́ машки́р лэ́ндэ ишчо (инкэ́) набаро́ шынг, и трин кодолэндыр англунэ шынгэндыр сыс корне́нца вырискирдэ анги́л лэ́стэ, акэ, дро дова́ шынг сыс якха́, сыр манушы́тка якха́, и вушта, савэ́ ракирэ́нас пхутькирдэс.

Дание́лё 7:2

Лыи тэ пхэнэ́л, о Дание́лё ракирдя́: “Дыкха́вас мэ дро миро суно́, акэ, штар болыбны́тка балваля мардэ́пэ пэ баро́ мо́рё (дэрья́в),

Ереме́ё 18:7

Акэ, пэ якха́, ке́ли Мэ ракира́ва пал манушы́тко нацыя, и пал кралипэ́н, со Мэ вырискирава лэн, со Мэ пхагирава лэн, со Мэ хасякира́ва лэн,

Ереме́ё 12:15

И явэ́ла адя́кэ: пало́ (после) саро́ дава́, сыр Мэ вырискирава лэн, Мэ рисёва́ва палэ, и тэды Мэ потангинава (пожалинава) лэн, и Мэ яна́ва палэ лэн – кажнонэс кэ пэ́скиро миштыпэ́н, и кажнонэс кэ пэ́скири пхув.

Luka 12:20

Нэ Дэвэ́л пхэндя́ лэ́скэ: ‘Дылыно́ ту сан! Дрэ дая́ рат лэ́на ту́тыр тыро́ джиибэ́н; конэ́скэ дава́ саро́ ячэ́лапэ, со ту скэдыян?’

Матфеё 12:25

Нэ Ису́со джиндя́, со ёнэ думиндлэ и пхэндя́ лэ́нгэ: “Кажно кралипэ́н, кай нанэ екхипэ́н андра́л, явэ́ла сыр чхучи́ пхув, и кажно фо́ро ци кхэр, кай нанэ екхипэ́н андра́л, на явэ́ла тэ тэрдёл.

Дание́лё 7:6

Пало́ дава́ дыкха́вас мэ, акэ, ишчо (инкэ́) рискирибна́скиро мурда́л, сыр леопардо [барсо-р.с.], пэ думо лэ́стэ сыс штар чириклытка пхака́, и сыс штар шэрэ́ мурдалэ́стэ адалэстэ, и кадалэ́ мурдалэскэ сыс дыно́ баро́ право.

Ереме́ё 45:4

Нэ ту пхэн Варухоскэ адя́кэ: “Адя́кэ ракирэ́ла Рай Дэвэ́л: ‘Акэ, со Мэ чхудём, дова́ Мэ пхагирава тэлэ́, и со Мэ почхудём дрэ пхув, дова́ Мэ вырискирава, – дава́ исын сари́ дая́ пхув.’

Ереме́ё 31:40

И саро́ до́ло, кай исын паштэ́ тру́пы и пепло, и сарэ́ фэ́лды аж кэ сы́гно рэ́кица (лэнори́) Кедроно, кэ вэнгло дрэ Грэнгири по́рта пэ чачи́ риг, – саро́ явэ́ла свэ́нто Ра́скэ-Дэвлэ́скэ: фо́ро ние́кхвар буты́р на явэ́ла рискирдо ци чхурдыно́ дрэ руи́ны.”

Ekliesiastos 4:8

Исын екхджино́ ману́ш и лэ́стэ ние́кх нанэ тэ явэ́л пашы́л лэ́стэ; лэ́стэ нанэ ни пшал, ни чхаво́: нэ нанэ ко́нцо (яго́ро) лэ́скирэ пхарэ́ бутякэ и лэ́скирэ якха́ нанэ чалэ барвалыпнастыр и пхучэла ёв: “Ваш конэ́скэ мэ кэра́ва буты́ пхарэ́с и отпхэнава пэ́скэ лачхипнастыр.” Дава́ исын адя́кэ-паць харныпэ́н и буты́, со пхарьякирэла ило́.

Psalmy 39:6

Ѓа́да, фэ́ни пэ буґлыпэ́н мирэ́-вастэскиро Ту дыя́н ма́нгэ дывэса́ тэ джива́в и миро джиибэ́н исын кротко часо, сы́рбы нисо́ анги́л Ту́тэ. Дава́ исын патяибэ́н, со кажно (сва́ко) ману́ш, мэк ёв тэ тэрдёл вучэ́с, исын балвалякиро пхурдыпэн. Сэ́ла.

Sykadyipén 7:1

Пало́ дава́ мэ дыкхцём штарэ́ Янголэн, Савэ сыс тэрдэ́ пэ штар вэ́нглы пэ пхув и рикирэнас штар балваля, соб (кай) тэ на пхурдэл ни сави́ балва́л ни пир пхув, ни пир мо́рё (дэрья́в), ни пир вари-саво́ кашт (дрэ́во).

Ереме́ё 49:36

Мэ яна́ва штар балваля штарэ́ ягорэндыр пэ болыбэ́н, и Мэ росчхувава тэ дживэ́н лэн пир сарэ́ далэ́ балваля; и на явэ́ла ние́кх нацыя, кэ сави́, соб (кай) тэ на явэ́н бикхэрэскирэ Еламостыр.

Езэкилё 37:9

Тэ́ньци Ёв пхэндя́ ма́нгэ: “Пхэн пир лав ангилпхэныбэ́н духоскэ, манушэ́скиро чхава, пхэн духоскэ: ‘Адя́кэ ракирэ́ла Рай Дэвэ́л, Дэвэ́л: Яв, ду́хо (фа́но), штарэ́ балвалендыр, пхурдэ пэ кадалэ́ домардэндэ, и ёнэ отджидёна.’”

Заха́рия 2:6

“Эй! Эй! Нашэ́н паш-ратитконэ́ (севернонэ) рига́тыр, – ракирэ́ла Дэвэ́л: ‘пал-дова́ со пир штар балваля болыбны́тка Мэ росчхудём тумэн”, – ракирэ́ла Рай Дэвэ́л.

Заха́рия 6:5

И отпхэнэ́лас Янго́ло и пхэндя́ ма́нгэ: “Дава́ исын штар болыпнаскирэ ду́хи, савэ́ исын отпхэныбнаскирэ анги́л Растэ-Дэвлэ́стэ сарэ́ пхувьякирэстэ.