Дание́лё 11:2 - Библия - Пэ Балтитко Романи чиб (Романэс) 2019

² Акана́ пхэна́ва ту́кэ чачипэ́н: акэ, ишчо (инкэ́) трин кра́лья ґаздэ́напэ дрэ Персия; пало́ дова́ шта́рто кра́ли пиризорьякирэла сарэ́н барэ́ барвалыпнаса, и, ке́ли зорьякирэла пэс пэ́скирэ барвалыпнаса, то тэды ёв ґаздэ́ла сарэ́н проти Греки́тко (Балами́тко) кралипэ́н.

Biblija - Pe Baltitko Romani čib (Romanes) 2019

² Akaná phenáva túke čačipén: ake, iščo (inké) trin králja ĥazdénape dre Piersija; paló dová štárto králi pirizorjakirela sarén baré barvalypnasa, i, kiéli zorjakirela pes péskire barvalypnasa, to tedy jov ĥazdéla sarén proti Griekítko (Balamítko) kralipén.

Дание́лё 11:2 Referans Kwoze

Sykadyipén 21:5

И, Кодова́, Кон сыс бэшто́ пэ троно, пхэндя́: “Акэ, мэ кэра́ва саро́ нэво́.” И адя́кэ-паць пхэнэ́ла ма́нгэ: “Зачхин, пал-дова́ со кадалэ́ лава́ исын чачунэ́ и патяибнытка.”

Дание́лё 8:26

О дыкхибэ́н пал бэльвэля и злоки (ранки), пал савэ́ сыс дывэса́ анги́л пхэндло́, исын чачипэ́н; нэ ту гарав дава́ дыкхибэ́н, пал-дова́ со ёв касынэлапэ кэ дуратунэ́ часы.”

Joannostir 10:35

Ко́ли Ёв кхардя́ дэвлэнца одолэ́н, кэ савэ́ сыс Дэвлэ́скиро лав, а Свэ́нто Чхиныбэ́н на могинэ́ла тэ парудёл,

Amoso 3:7

Чачо́, Рай Дэвэ́л на кэрэ́ла нисо́ анги́л дова́, сыр Ёв сыкавэ́ла дова́, со Ёв придуминдя, Лэ́скирэ писхарье́нгэ, пророкэнгэ.

Дание́лё 11:25

Тэ́ньци ёв джангавэла пэ́скири зор и ду́хо (фа́но) пэ́скиро бутджинэнца халадэнца проти крали́стэ паш-дывэсэ́стыр, и о кра́ли паш-дывэсы́тко выджа́ла пэ марибэ́н ишчо (инкэ́) бутэды́р зоралэ́ халадыбнаса, ёв на тэрдёла проти, пал-дова́ со проти лэ́стэ явэ́ла придуминдло хохаибэ́н.

Дание́лё 8:4

Дыкха́вас мэ, сыр кодова́ бакро пхаравэлас шэрэ́са кэ за́падно (пал-панитко) риг и кэ паш-рати́тко (северно) риг, и кэ паш-дывэсы́тко (южно), со нисаво́ рискирибна́скиро мурда́л (зверё) на сыс тэ тэрдёл проти лэ́стэ, и нико́н на могиндя́ тэ зракхэлпэ лэ́стыр; ёв кэрдя́, со сыс пэ годы́ лэ́скэ, и пхутёлас.

Дание́лё 7:5

И екха́тыр (сра́зу) яви́р рискирибна́скиро мурда́л, саво́ здэлас пэ ричэстэ, тэрдия́ екхэ рига́тыр, и сыс трин пашварэ [клыки-р.с.] лэ́стэ, машки́р данда́ лэ́стэ, лэ́скэ сыс адя́кэ пхэндло́: “Ушты́, ха бут мас!”

Pritčy 22:21

соб (кай) мэ могинавас тэ пиридав ту́кэ патяибнытка лава́ пал чачипэ́н, соб (кай) ту могинэсас тэ отпхэнэс палэ патяибнытконэ лавэ́нца кодолэ́нгэ, савэ́ бичхавэна тут.

Дание́лё 10:1

Пэ три́то бэрш о Кираскиро, Персытконэ Крали́скиро, сыс сыкадо чачипэ́н Даниелёскэ, савэ́с кхардэ́ пир лав Валтасаро; и чачуно́ сыс дава́ сыкадыипэн и древа́н зорало́. Ёв ґалыя́ дава́ чачипэ́н и уґалыя дыкхибэ́н.

Дание́лё 8:21

О бузно (козло) балытко-кра́ли Грецыякиро (Баламиякиро), и шынг баро́, саво́ машки́р якха́ лэ́стэ, дава́ исын лэ́нгиро пэ́рво кра́ли;

Е́здра 4:7

И дрэ Артаксерксоскирэ дывэса́ чхиндлэ́ о Бишламо, о Мифредато, о Табее́ло, и яви́р лэ́скирэ мала́ пир буты́ лыл Артаксерксоскэ, крали́скэ Персиякирэскэ, и лыл сыс чхиндло́ пэ Сирийцытко (Арамеи́тко) чиб, и пирилыджино пэ Сирийцытко (Арамеи́тко) чиб.

Е́здра 4:24

Адя́кэ тэрдия́ буты́ дро Кхэр (Кхангири́) Дэвлэ́скиро, Саво́ исын дро Ерусалимо и дая́ буты́ сыс тэрды кэ яви́р бэрш, сыр лыя́ тэ кралинэ́л Дариё, кра́ли Персиякиро.”

Ester 1:1

И сыс дава́ дрэ Артаксерксоскирэ дывэса́, адава́ Артаксе́рксо сыс кра́ли пэ екх шэл тэ биш тэ эфта́ провинцыи, Индиятыр кэ/жы́ко Ефиопия.