Дание́лё 11:13 - Библия - Пэ Балтитко Романи чиб (Романэс) 2019

¹³ Пал-дова́ со паш-рати́тко (южно) кра́ли рисёла и тэрдякирэла тэ марэ́лпэ э халадэ́н бутыдыр, сыр сыс лэ́стэ, и пир вари-кицы́ бэрша́ сыго явэ́ла барэ́ халадыбнаса и барэ́ барвалыпнаса.

Biblija - Pe Baltitko Romani čib (Romanes) 2019

¹³ Pal-dová so paš-ratítko (južno) králi risjola i terdiakirela te marélpe e xaladén butydyr, syr sys léste, i pir vari-kicý beršá sygo javéla baré xaladybnasa i baré barvalypnasa.

Дание́лё 11:13 Referans Kwoze

Дание́лё 4:16

[19] Тэ́ньци Дание́лё, савэ́с кхардэ́ Валтасаро, пашы́л екх мардо́ (шту́нда) сыс дивиндло, лэ́скирэ ду́мы кэрдэ́ лэ́скэ смэнтныма. О кра́ли лыя́ тэ ракирэ́л и пхэндя́: “Валтаса́рэ! Мэк тэ на смэнтинэл тут дава́ суно́ и лэ́скири зна́чыма.” О Валтасаро отпхэндя́ и пхэндя́: “Раё миро! Мэк тэ явэ́л дова́ суно́ тырэ́ вэргэ́нгэ, и тырэ́ намалэнгэ лэ́скири зна́чыма!

Дание́лё 12:7

И шунавас мэ, сыр о мурш дро гандладытко урибэ́н, саво́ сыс упра́л рэкитко пани́, ґаздыя́ чачо́ и зэ́рво (ле́во) васт кэ болыбэ́н, совлахадя́ вечнонэ Джидэса, со кэ дывэсэнгиро ко́нцо (яго́ро) и кэ часы и кэ паш-часы, и, сыр кончынэлапэ сарэ́са зор свэнтонэ́ народоскири, то саро́ дава́ кэрэ́лапэ, чачипна́са сыр трэиндя́.

Дание́лё 11:12

И ке́ли лыджа́на халадыбэ́н, то крали́скиро ило́ ґаздэ́лапэ; ёв тэлякирэла бут тысёнцы, нэ ёв зоралэды́р кодолэстыр на явэ́ла.

Дание́лё 11:14

Дрэ кодолэ́ дывэса́ бутджинэ ґаздэ́напэ пэ крали́стэ паш-дывэсытконэстэ, и нахрата (нахальна) мануша́ тырэ́ народо́стыр, Даниеле, ґаздэ́напэ, соб (кай) тэ кэрдёл чачипна́са, нэ ёнэ пэрэ́на.

Дание́лё 11:40

Пэ ко́нцо (яго́ро) дывэсэнгиро явэ́ла тэ марэ́лпэ лэ́са о кра́ли паш-дывэсэ́стыр (югостыр), и о кра́ли паш-рати́тко чхурдэлапэ сыр рискирибнаскири балва́л (вихро) пэ лэ́стэ марибнытконэ́ вурдэнэнца, уклистэнца (всадникэнца) и бутэ́ пармэнца (корабленца), и ёв пэрэ́ла пэ далэ́ тхэма, пхэрдякирэла лэн, и проджа́ла пир лэ́ндэ.