Дание́лё 11:11 - Библия - Пэ Балтитко Романи чиб (Романэс) 2019

¹¹ И росхолясола сарэ́са паш-дывэсы́тко (южно) кра́ли, и выджа́ла тэ марэ́лпэ лэ́са, паш-ратитконэ́ крали́са, саво́ вычхувэла баро́ халадыбэ́н, нэ отдыно́ явэ́ла дава́ халадыбэ́н дрэ лэ́скирэ (вэргоскирэ) васта́.

Biblija - Pe Baltitko Romani čib (Romanes) 2019

¹¹ I rosholiasola sarésa paš-dyvesýtko (južno) králi, i vydžála te marélpe lésa, paš-ratitkoné kralísa, savó vyčhuvela baró xaladybén, ne otdynó javéla davá xaladybén dre léskire (vergoskire) vastá.

Дание́лё 11:11 Referans Kwoze

Дание́лё 8:7

И дыкха́вас мэ, сыр ёв бузно (козло), гия́ пашылэды́р кэ бакро, росхолясыя пэ лэ́стэ и пэкадя́ бакрэ́с; и пхагирдя́ лэ́скэ дуй шынга́: и на сыс зор бакрэстэ тэ тэрдёл проти лэ́стэ, и ёв (бузно) радя лэс пэ пхув тэл ґэра́ и ростасадя лэс, и на сыс никонэ́с, кон дэ́лас ра́да тэ зракхэ́л бакрэ́с.

Дание́лё 11:5

Зорьякирэлапэ кра́ли паш-дывэсытконэ́ (южнонэ) рига́тыр и адя́кэ-паць екх тхага́ри лэ́скиро, саво́ пиризорьякирэла лэс и лэ́ла тэ хулаинэ́л, и явэ́ла лэ́стэ древа́н баро́ райканыпэн. Лэ́скирэ-райканыпнаскиро тхагарипэн явэ́ла баро́.

Дание́лё 11:44

Нэ малвы (нэвипэна́) вастокоскирэ и паш-ратитконэ́ рига́тыр страхакирэна лэс, выджа́ла ёв барэ́ мижэхипнаса, соб (кай) тэ замарэ́л и тэ вымарэл сарэ́са бутэн.

Дание́лё 2:38

и сарэ́н чхавэ́н манушэнгирэн, кай бы ёнэ тэ на дживэ́н, э рискирибна́скирэ мурдалэ́н (зверен) пэ пхув и чириклен пэ болыбэ́н, отдыя́ дрэ тырэ́ васта́ и чхудя́ тут хула́са упра́л сарэ́ндэ лэ́ндэ. Ту сан – дава́ сувнакуно́ шэро́!

Ереме́ё 27:6

И акана́ Мэ да́ва сарэ́ далэ́ пхувья́ дро васт Навуходоносороскиро, крали́скэ пэ Вавило́но, Мирэ́ писхари́скэ, и Мэ да́ва адя́кэ-паць фэлдытконэ мурдалэ́н лэ́скэ тэ дынаринэ́н лэ́скэ.

Psalmy 76:10

ке́ли Ту уштыян тэ сэндякирэс, соб (кай) тэ зракхэс сарэ́ ковлэ́-илытконэ манушэ́н.

3 Kralip 20:28

Тэ́ньци явдя́ пашылэды́р ману́ш Дэвлэ́скиро и пхэндя́ крали́скэ пэ Израилё дасавэ́ лава́: “Адя́кэ ракирэ́ла Рай Дэвэ́л: ‘Пал-дова́, со Сирияни ракирэ́на: ‘Рай Дэвэ́л исын Дэвэ́л бэргицэнгиро, нэ Ёв исын на Дэвэ́л долэнгиро’, то палдава́ Мэ баро́ кэ дар дава́ баро́ халадыбэ́н пиридава дро васт тыро́, и тумэ́ явэ́на тэ джинэ́н, со Мэ сом Рай Дэвэ́л’.”

3 Kralip 20:13

И, акэ, екх проро́ко, подги́я кэ Аха́во, кра́ли пэ Израилё, и пхэндя́: “Адя́кэ ракирэ́ла Рай Дэвэ́л: ‘Ту дыкхэ́са ту дая́ бари кэ дар банда? Ѓа́да, ададывэ́с Мэ отда́ва лэн дрэ васт тыро́, соб (кай) ту тэ джинэ́с, со Мэ сом Рай Дэвэ́л.’”

Дание́лё 11:12

И ке́ли лыджа́на халадыбэ́н, то крали́скиро ило́ ґаздэ́лапэ; ёв тэлякирэла бут тысёнцы, нэ ёв зоралэды́р кодолэстыр на явэ́ла.

Дание́лё 11:40

Пэ ко́нцо (яго́ро) дывэсэнгиро явэ́ла тэ марэ́лпэ лэ́са о кра́ли паш-дывэсэ́стыр (югостыр), и о кра́ли паш-рати́тко чхурдэлапэ сыр рискирибнаскири балва́л (вихро) пэ лэ́стэ марибнытконэ́ вурдэнэнца, уклистэнца (всадникэнца) и бутэ́ пармэнца (корабленца), и ёв пэрэ́ла пэ далэ́ тхэма, пхэрдякирэла лэн, и проджа́ла пир лэ́ндэ.