Дание́лё 10:16 - Библия - Пэ Балтитко Романи чиб (Романэс) 2019

¹⁶ Нэ, акэ, вари-кон, кон здэла (подджа́ла) пэ манушытконэ́ чхавэ́стэ, чиладя́ мирэ́ ушта́, и мэ откэрдём мирэ́ ушта́, лыём тэ ракира́в и пхэндём одолэ́скэ, со сыс тэрдо́ анги́л ма́ндэ: “Раё миро! Кадалэ́ дыкхибнастыр сарэ́ бидытка туги мирэ́ обрисинэ пэ ма́ндэ, и на яця́ мэндэ зор.

Biblija - Pe Baltitko Romani čib (Romanes) 2019

¹⁶ Ne, ake, vari-kon, kon zdela (poddžála) pe manušytkoné čhavéste, čiladiá miré uštá, i me otkerdjom miré uštá, lyjom te rakiráv i phendjom odoléske, so sys terdó angíl mánde: “Rajo miro! Kadalé dykhibnastyr saré bidytka tugi miré obrisine pe mánde, i na jaciá mende zor.

Дание́лё 10:16 Referans Kwoze

Дание́лё 8:15

И сыс: “Ке́ли мэ, Дание́лё, дыкхцём кадава́ дыкхибэ́н и родавас лэ́скири зна́чыма; акэ, уштыя́ анги́л ма́ндэ одова́, саво́ выдыцёлас сы́рбы о джино муршытко.

Isajos 6:7

Ёв чиладя́ мирэ́ ушта́ и пхэндя́: “Акэ, дава́ чиладя́ тырэ́ ушта́, на́лачхо рэ́ндо тыро́ исын лыно́ криг ту́тыр, и грэ́хо тыро́ исын жужакирдо.”

Ереме́ё 1:9

И тэ́ньчи ґаздыя́ анги́л Рай Дэвэ́л Лэ́скиро васт и чиладя́ миро муй. И пхэндя́ Рай Дэвэ́л ма́нгэ: “Акэ, мэ чхува́ва Мирэ́ лава́ дро тыро́ муй.

Дание́лё 8:27

И мэ, Дание́лё, кхиныём, винасвалыём ада́кицы дывэса́; тэ́ньчи мэ уштыём и лыём тэ кэра́в кралитка рэ́нды (де́лы); нэ мэ дивиндёмпэ наужакирдэс далэ́ дыкхибнаскэ и ние́кх на ґалёлас лэс.

Дание́лё 8:17

И ёв подги́я пашылэды́р кэ штэ́то, кай мэ тэрдиём, и, ке́ли ёв явдя́, то мэ страхадыём и дыёмпэ муял пэ пхув; и ёв пхэндя́ ма́нгэ: “Джин, о чхава манушэ́скиро, со дыкхибэ́н сыкавэ́ла пэ ко́нцо (пэ яго́ро) часо!”

Дание́лё 7:28

Акэ, исын ко́нцо лавэскиро. Ма́ндэ, Даниелёстэ, древа́н смэнтна (грусна) кэрдэ́пэ мирэ́ ду́мы, и мина пэ муй миро парудыя; нэ лав мэ зракхцём дро миро ило́.”

Дание́лё 7:15

Лыя́ тэ пхарьёл миро ду́хо (фа́но) андра́л ма́ндэ, Даниелёстэ, дро мирэ́ маса́, и дыкхибэ́н мирэ́ шэрэскиро кэрдя́ ма́нгэ пхарипэ́н.

Sykadyipén 1:13

и машки́р эфта́ момолытка сыс вари-кон, Саво́ здэласпэ (сыс похожо) пэ Манушэ́стэ, Саво́ сыс дро длэнго урибэ́н кэ ґэра́, и сыс сувнакуны́ кусты́к трусця́л (кругом) Лэ́стэ:

Joannostir 20:28

Фама пхэндя́ Лэ́скэ дро отпхэныбэ́н: “Раё Дэ́вла миро и Дэвэ́л миро!”

Luka 21:15

пал-дова́ со Мэ да́ва тумэ́нгэ лава́ и годы́, со тумарэ́ вэ́рги на змарэна тумэн дро лав, и ёнэ адя́кэ-паць на дэ́на ра́да (на змогинэна) тэ бангякирэн тумэн дро дова́, со тумэ́ отпхэнэна.

Luka 1:64

И екха́тыр Захарияскиро муй откэрдяпэ, лэ́скири чиб отпхандяпэ, и ёв лыя́ тэ ракирэ́л, и тэ шарэл Дэвлэ́с.

Дание́лё 12:8

Мэ шундём дава́, нэ мэ на’ галыём, палдава́ пхэндём: “Раё миро! Со исын тэ явэ́л пало́ дава́?”

Дание́лё 9:21

ке́ли ишчо (инкэ́) мэ ракиравас па́тери (моли́тва), о мурш Габриэлё, савэ́с мэ дыкха́вас дро са́мо англыпэ́н дро дыкхибэ́н, сыго приурняндыя, чиладя́ ман, ке́ли сыс пашы́л часо ваш бэльвэлякиро свэ́нто дыибэ́н,

Езэкилё 33:22

Нэ ёв ишчо (инкэ́) на явдя́ кэ мэ, а бэльвэле́ сыс пэ ма́ндэ Ра́скирэ-Дэвлэ́скиро васт. Ёв откэрдя ма́нгэ ушта́ англэды́р, со́са одова́ ману́ш явдя́ кэ мэ злокоса (ранкоса). Откэрдэпэ Мирэ́ ушта́, Мэ на со́мас бичибакиро.”

Езэкилё 3:27

А ко́ли Мэ ява́ва тэ ракира́в ту́са, тэ́ньчи мэ откэрава тырэ́ ушта́. Тэ́ньци ту пхэнэ́са лэ́нгэ: “Адя́кэ ракирэ́ла Рай Дэвэ́л, Дэвэ́л! Кон камэ́ла тэ шунэ́л-шун, а кон на камэ́ла тэ шунэ́л-на шун, пал-дова́ со кадава́ исын кхэр, кай на кандэ́на никонэ́с.”

Езэкилё 1:26

А упрэ́ долэ́ сводостыр пэ болыбэ́н, саво́ сыс упра́л лэнгрэ шэрэ́, сыс сы́рбы троно, саво́ выдыкхэлас сы́рбы куч бар сапфиростыр, а упра́л пэ штэ́то сыс дова́, со сыс сы́рбы ману́ш пэ лэ́стэ.

Ekliesiastos 1:18

Пал-дова́ со, кай исын баро́ годыпэ́н, одо́й исын баро́ калыпэ́н пэ ило́ и кон прибарьякирэла джиныбэ́н, кодолэскиро ду́хо (фа́но) буты́р пэрэ́ла.

Сэндарьенгири Лылвари́ 13:8

Маноё мангдя́пэ Ра́скэ-Дэвлэ́скэ, и пхэндя́: “Раё Дэ́вла! Мэк тэ явэ́л нэвэ́с (зноко) кэ амэ Дэвлэ́скиро ману́ш, савэ́с бичхадян Ту, и высыклякирэла амэн, со амэ́нгэ тэ кэрэ́с биятоса (тыкнэмасэса), саво́ бияндёла.”

Сэндарьенгири Лылвари́ 6:15

Гедео́но пхэндя́ Лэ́скэ: “Раё Дэ́вла! Сыр мэ тэ зракхав Израилё? Ѓа́да, кхэри́тко ро́до (племё) миро дрэ Манасия́скиро ро́дыцо са́мо чороро́, и мэ дрэ мирэ́ дадэ́скиро кхэр сом тыкнэдыршо.”

Сэндарьенгири Лылвари́ 6:13

Гедео́но пхэндя́ лэ́скэ: “Раё миро! Ко́ли Рай Дэвэ́л тэ явэ́л амэ́нца, тэды со́стыр латхя́ амэн саро́ дава́? И кай сарэ́ Лэ́скирэ ди́вы, пал савэ́ндэ роспхэндлэ́ амэ́нгэ амарэ́ дада́, ракири́: “Египто́стыр вылыджия́ амэн Рай Дэвэ́л? Какана́ ячкирдя́ амэн Рай Дэвэ́л и отдыя́ амэн Мадианитянэнгэ дрэ васта́.”

Isúso 5:14

Ёв пхэндя́: “Над; мэ сом шэрало́ пэ Ра́скирэ-Дэвлэ́скирэ халадыбэ́н (воинства), акана́ явдём дарик”. Ису́со пыя́ пэ́скирэ мо́са пэ пхув, и поклониндяпэ, и пхэндя́ лэ́скэ: “Со хула́й миро пхэнэ́ла пэ́скирэ писхари́скэ?”

Vygiiben 4:13

Мо́йза пхэндя́: “Раё Дэ́вла! Бичха́в явирэ́с, конэ́с могинэ́са тэ бичхавэс?”

Vygiiben 4:10

И пхэндя́ Мо́йза Ра́скэ-Дэвлэ́скэ: “О, миро Раё Дэ́вла! Ману́ш мэ на сом ракирибнытко, и адасаво́ со́мас и атася́, и три́то дывэ́с, и ке́ли Ту яця́н тэ ракирэ́с Тырэ́ дынариса: мэ пхарэ́с ракира́ва и намиштэс.”

Дание́лё 4:19

[22] адава́ сан ту, кра́лё, вучо́ и зорало́, и барипэ́н тыро́ выбария и дорэсця́ кэ болыбэ́н, и райканыпэн – кэ пхувья́кирэ яго́ры.

Дание́лё 8:18

И ке́ли ёв ракирэ́лас ма́нца, мэ бизорья́киро пасиём тэлэ́ мо́са пэ пхув; нэ ёв чиладя́ ман и чхудя́ ман пэ миро штэ́то,