Дание́лё 10:1 - Библия - Пэ Балтитко Романи чиб (Романэс) 2019

¹ Пэ три́то бэрш о Кираскиро, Персытконэ Крали́скиро, сыс сыкадо чачипэ́н Даниелёскэ, савэ́с кхардэ́ пир лав Валтасаро; и чачуно́ сыс дава́ сыкадыипэн и древа́н зорало́. Ёв ґалыя́ дава́ чачипэ́н и уґалыя дыкхибэ́н.

Biblija - Pe Baltitko Romani čib (Romanes) 2019

¹ Pe tríto berš o Kiraskiro, Piersytkone Kralískiro, sys sykado čačipén Danijeljoske, savés khardé pir lav Valtasaro; i čačunó sys davá sykadyipen i drieván zoraló. Jov ĥalyjá davá čačipén i uĥalyja dykhibén.

Дание́лё 10:1 Referans Kwoze

Дание́лё 8:26

О дыкхибэ́н пал бэльвэля и злоки (ранки), пал савэ́ сыс дывэса́ анги́л пхэндло́, исын чачипэ́н; нэ ту гарав дава́ дыкхибэ́н, пал-дова́ со ёв касынэлапэ кэ дуратунэ́ часы.”

Дание́лё 6:28

И сыс Даниелёскэ древа́н мишто́ и дро кралипэ́н Дариёскиро, и дро кралипэ́н Кираскиро, Персоскиро.

Дание́лё 1:21

И сыс одо́й о Даниелио кэ/жы́ко пэ́рво бэрш о Кираскирэ крали́скиро.

Дание́лё 1:7

И пирикхардя лэн барыдыро́ евнухэнгиро – о Дание́лё яця́ о Валтасаро, о Анания – о Седрахо, о Мисаило – о Мисахо и Аза́рия о Авед-Него.

Дание́лё 1:17

И дыя́ о Дэвэ́л штарэнгэ адалэ́ тэрнэ́-бэршэнгирэнгэ джиныбэ́н и ґалыибэ́н дрэ кажно лылвари́ и годы́, а Даниелёскэ ишчо (инкэ́) дыя́ ґалыибэ́н дро кажно дыкхибэ́н, и дрэ сунэ́.

Sykadyipén 19:9

И Янго́ло пхэндя́ ма́нгэ: “Зачхин: ‘Бахталэ́ исын одолэ́, савэ́н кхардэ́ пэ Свэнтонэ́-Бакрорэ́скиро бьяв.’” И Ёв ишчо (инкэ́) допхэндя: “Ѓа́да, исын чачунэ́ Дэвлэ́скирэ лава́.”

Дание́лё 12:9

И отпхэндя́ ёв: “Джа́, Даниеле; пал-дова́ со исын закэрдэ и запечатымэ далэ́ лава́ кэ палатуно́ часо.

Дание́лё 12:4

Нэ ту, Даниеле, гарав далэ́ лава́ и запечатын лылвари́ кэ палатуно́ (последнё) часо; бут мануша́ прогинэна ла, и явэ́ла тэ барьёл джиныбэ́н.”

Дание́лё 10:14

Акана́ мэ явдём тэ пхэна́в джины́ (звесь) ту́кэ, саро́, со явэ́ла тырэ́ манушэ́нца дрэ дывэса́, со явэ́на анги́л, адя́кэ, сыр дыкхибэ́н сыкавэ́ла пэ дуратунэ́ дывэса́.”

Дание́лё 5:17

Тэды отпхэндя́ Дание́лё, и пхэндя́ крали́скэ: “Почастунки тырэ́ мэк тэ ячэ́нпэ ту́тэ, и мазурья (почэсти) отдэ́ явирэскэ; чхиндло́ мэ прогинава крали́скэ и роспхэнава зна́чыма лэ́скири.

Дание́лё 2:21

И ёв парувэла часы и бэршы́тка поры, Ёв тэлякирэла кралье́н и Ёв чхувэ́ла кралье́н; дэ́ла годыпэ́н годыпнаскирэнгэ и джиныбэ́н годэнгэ,

Isajos 44:28

Саво́ ракирэ́ла пал Кирастэ: “Миро чхупна́ри; ёв кэрэ́ла саро́ пир Мири́ во́ля, ёв пхэнэ́ла кэ Ерусалимо. “Ту на явэ́са буты́р роспхагирдо, пхэнэ́ла кэ Кхангири́: “Ту явэ́са чхуды́ пэ штэ́то!”

Е́здра 6:14

Адя́кэ кэрдэ́ буты́ пхурыдыра́ Юдэ́нгирэ, и лэ́нгэ удэласпэ кэ миштыпэ́н пир Агеёскиро ангилпхэныбэ́н, кон сыс проро́ко, и сыр ангилпхэнэлас о Заха́рия, чхаво́ Идоскиро. И ёнэ кэрдэ́ буты́ и кончындлэ ла, сыр и припхэндя́ Дэвэ́л Израилёскиро, и сыр припхэндлэ Кира, Дариё, Артаксерксо-кра́лья Персиякирэ.

Е́здра 6:3

“Пэ пэ́рво бэрш, сыр о Кира яця́ крали́са, ёв дыя́ припхэныбэ́н пал Кхэр (Кхангири́) Дэвлэ́скиро кэ Ерусалимо: “Мэк тэ кэрэ́н Кхэр (Кхангири́) Дэвлэ́скиро пэ штэ́то, кэ саво́ ёнэ янэ́на свэ́нта дыибэна́; и мэк лачхэ́ фундаменты тэ чхувэ́н пир кадасавэ́ барипэна: лэ́скиро вучипэ́н тэ явэ́л шовдэша́ куня́, и лэ́скиро буґлыпэ́н тэ явэ́л шовдэша́ куня́;

Е́здра 4:5

и ёнэ кинэнас советникэн (юнкарэн) проти лэ́ндэ, соб (кай) тэ розмарэн лэ́нгэ лэ́нгиро плано дрэ сарэ́ Кираскирэ дывэса́ Персиякирэ крали́скирэ аж кэ Дариёскирэ дывэса́, сыр ёв лыя́ тэ раинэл пэ Пе́рсия.

Е́здра 4:3

Нэ Зоровавелё и Ёхошуа́, и яви́р шэралэ́ пэ стрэ́чы /дадэнги́рэ-родэнгирэ (поколении) Израилёскирэ, пхэндлэ́ лэ́нгэ: “Тумэ́нгэ нанэ причына, соб (кай) амэ́нца кхэтанэ́ тэ кэра́с Кхэр (Кхангири́) ваш амарэ́ Дэвлэ́скэ, нэ амэ кокорэ́ явэ́са тэ кэра́с кхэр, Ра́скэ-Дэвлэ́скэ, Израилёскирэ Дэвлэ́скэ, сыр кра́ли Кира, кра́ли Персиякиро, припхэндя́ амэ́нгэ.”

2 Паралипоменоно 36:22

И дро англатуно́ (пэ́рво) бэрш Кираскиро, Персиякирэ крали́скиро, соб (кай) тэ сполнинэн Ра́скирэ-Дэвлэ́скиро лав, саво́ пхэндлэ́ Еремеёскирэ ушта́, Рай Дэвэ́л ґаздыя́ ду́хо (фа́но) Кираскиро, Персиякирэ крали́скиро, и ёв припхэндя́ тэ дэн тэ джинэ́н пир саро́ пэ́скиро кралипэ́н, лавэ́нца и чхиныбнаса, и тэ пхэнэ́н:

Džiibén 41:32

А дова́, со суно́ дыкхця́ фарао́но дуй мо́лы, дава́ исын, со дава́ Дэвлэ́скиро лав исын чачуно́, и со сыг Дэвэ́л кэрэ́ла дава́.

Luka 1:20

и, ґа́да, ту явэ́са штыл и ту на дэ́са ра́да (на змогинэса) тэ ракирэ́с анги́л дова́ дывэ́с, ке́ли саро́ дава́ кэрэ́лапэ, пал-дова́ со ту на патяндыян Мирэ́ лавэнгэ, савэ́ кэрэ́напэ кэ ко́нцо / яго́ро дро пэ́скиро часо.

Дание́лё 11:2

Акана́ пхэна́ва ту́кэ чачипэ́н: акэ, ишчо (инкэ́) трин кра́лья ґаздэ́напэ дрэ Персия; пало́ дова́ шта́рто кра́ли пиризорьякирэла сарэ́н барэ́ барвалыпнаса, и, ке́ли зорьякирэла пэс пэ́скирэ барвалыпнаса, то тэды ёв ґаздэ́ла сарэ́н проти Греки́тко (Балами́тко) кралипэ́н.

Дание́лё 8:16

И шунавас мэ зан машкира́л Улаяскирэ брэги, зан манушы́тко, сави́ кхарэлас и пхэндя́: “Габриэле! Пирипхэн лэ́скэ дава́ дыкхибэ́н!”

Дание́лё 5:12

пал-дова́ со дрэ лэ́стэ, дрэ Даниелёстэ, савэ́с о кра́ли пирикхардя дрэ Валтасаростэ, сыс вучо́ ду́хо (фа́но), джиныбэ́н и годы́, тэ пирипхэнэл сунэ́, тэ розлэл шэрэпхарибнытка задыибэна (тэ пирипхэнэл дова́, кай исын ґарадо ґалыибэ́н) и тэ росчхувэл вэнзлы. Адя́кэ мэк тэ кхарэ́н Даниелёс, и тэ пирипхэнэл ёв ту́кэ зна́чыма.”

Дание́лё 4:8

[11] Баро́ сыс кашт дава́ и састо́, вучипэ́н лэ́скиро долыджалас кэ / жы́ко / болыбэ́н, и ёв дыкхно сыс кэ сарэ́ пхувья́кирэ яго́ры (краи́).

Е́здра 3:7

Тэ́ньци ёнэ адя́кэ-паць дэ́нас ловэ́ барэнгирэ спецэнгэ и кхэра́-кэрибна́скирэнгэ, и хабэ́н, и пибэ́н, и маслинитко дзэт манушэ́нгэ Сидоностыр и Тиростыр, соб (кай) ёнэ тэ янэ́н кедрытко вэш Ливаностыр пир мо́рё (дэрья́в) пашы́л Яфа пир отмэкибнаскири (разрешэниё), сави́ сыс лэ́ндэ Кирастыр, крали́стыр Персиякирэстыр.