Дание́лё 1:4 - Библия - Пэ Балтитко Романи чиб (Романэс) 2019

⁴ тэрнэ́-бэршэнгирэн (отрокэн), савэ́ндэ нанэ нисавэ доша дрэ маса́ (шталто), гожонэ мо́са, соб (кай) ёнэ тэ ґалён тэ сыклён дро кажно годыпэ́н, дро джиныбэ́н и сы́гэс тэ ґалён, савэ́ могинэ́нас (дэ́нас ра́да) тэ дынаринэ́н (тэ служынэн) дрэ крали́скири фэлатин (коло́в), и, соб (кай) тэ сыклякирэ́н лэн Халдеитконэ лылварипнаскэ (грамотакэ) и чибакэ (чибьякэ).

Biblija - Pe Baltitko Romani čib (Romanes) 2019

⁴ terné-beršengiren (otroken), savénde nane nisave doša dre masá (štalto), gožone mósa, sob (kaj) jone te ĥaljon te sykljon dro kažno godypén, dro džinybén i sýges te ĥaljon, savé moginénas (dénas ráda) te dynarinén (te služynen) dre kralískiri felatin (kolóv), i, sob (kaj) te sykliakirén len Xaldieitkone lylvaripnaske (gramotake) i čibake (čibjake).

Дание́лё 1:4 Referans Kwoze

Дание́лё 5:11

Исын дро тыро́ кралипэ́н о мурш, савэ́стэ исын Ду́хо (Фа́но) свэнтонэ́ Дэвлэнгиро; дро дывэса́ тырэ́ дадэ́скирэ сыс латхно дрэ лэ́стэ дуд, годы́ и ґалыибэ́н, савэ́ сыс сыр дэвлы́тко годьварипэн, и о кра́ли Навуходоносо́ро, тыро́ дад, чхудя́ лэс барыдырэ́са пэ човаханэ-подпхэныбнаскирэндэ, пэ калэ́-магитконэндэ, пэ Халдеендэ, пэ човаханэндэ и пэ драбакирибнаскирэндэ пэ планеты,

Apostolengiri Butý 7:22

И Мо́йза сыс сыклякирдо дро саро́ Египто́скиро годьварипэн, и ёв сыс зорало́ дрэ лава́ и пир рэ́нды.

Pritčy 22:29

Ци ту дыкхэ́са манушэ́с, саво́ добусовэс кэрэ́ла пэ́скири буты́? Ёв явэ́ла тэ тэрдёл анги́л кралье́ндэ; ёв на явэ́ла тэ тэрдёл анги́л простонэ (напатывалэ) манушэ́ндэ.

2 Kralip 14:25

На сыс дрэ саро́ Израилё адасавэ́ гожонэ муршэ́с, сыр Авесало́мо, и ада́кицы шардэс пал дава́, сыр ёв; слядэндыр ґэрэнгирэндыр кэ лэ́скирэ-шэрэскиро вучипэ́н на сыс лэ́стэ дош.

Дание́лё 2:10

Э Халдеи отпхэндлэ́ крали́скэ и ракирдэ́: “Нанэ пэ пхув э манушэ́с, саво́ могинэлас (дэ́лас ра́да) тэ откэрэл дава́ рэ́ндо (де́ло) крали́скэ, и палдава́ ни екх кра́ли, ни екх тхага́ри, ни екх тхэмэскиро барыдыро́ (правителё), на пхуця́ дасаво ни савэ́ човаханэстыр, ни астрологостыр, ни Халдеёстыр.

Apostolengiri Butý 7:20

Дро дасаво часо бия́ндыя о Мо́йза (Моисеё), савэ́стэ сыс шукарипэ́н Дэвлэ́стыр, трин чхона́ лэс барьякирдэ́ дрэ лэ́скирэ-дадэ́скиро кхэр.

Дание́лё 5:7

Зоралэ́с задыя годлы о кра́ли, соб (кай) тэ янэ́н калэ́-магитконэн, э Халдеен, и э драбакирибнаскирэн пэ планеты. О кра́ли лыя́ тэ ракирэ́л, и пхэндя́ годыпнаскирэнгэ дро Вавило́но: “Кон гинэ́ла, со дава́ чхиндло́ исын и пирипхэнэла ма́нгэ, кодова́ явэ́ла уридо́ дро лоло́ пхар, и сувнакуны́ зандир (цэпка) явэ́ла пэ лэ́скири мэн, и тритонэса барыдырэ́са явэ́ла ёв пэ лыджино тхэм дро кралипэ́н.”

Дание́лё 4:7

[10] О дыкхибэ́н мирэ́ шэрэскиро, саво́ мэ дыкха́вас пэ миро чхуибэ́н сыс дасаво: мэ дыкха́вас, акэ, машки́р пхув кашт (дрэ́во) вучо́.

Ekliesiastos 7:19

И ние́кх нанэ чачунэ́ манушэ́с пэ пхув, кон кэрэ́ла лачхипэ́н и кон на кэрэ́ла грэ́хи.

Сэндарьенгири Лылвари́ 8:18

И пхэндя́ Зевеёскэ и Салманоскэ: “Савэ сыс одолэ́, савэ́н тумэ́ домардэ́ пэ Фаворо? Ёнэ пхэндлэ́: “Ёнэ сыс адасавэ́, сыр ту, кажно (сва́ко) подджалас пэ крали́скирэ чхавэ́ндэ.”

Эфесянэнгэ 5:27

соб (кай) Лэ́скэ тэ чхувэ́л анги́л Пэ́стэ Кхангири́ дро славно гожыма, дрэ сави́ нанэ ни саво́ макхипэн, ни сави́ дош, а соб (кай) ёй тэ явэ́л свэ́нто и бидошэнгири.

Дание́лё 3:8

Палдава́ дро дасаво часо подгинэ́ вари-савэ́ Халдеендыр и допхэндлэ пэ Юдэ́ндэ.

Дание́лё 2:2

Припхэндя́ о кра́ли тэ скэдэ́н сарэ́н човаханэн, и магэн, и джиныбнаскирэн пир планеты, и Халдеен, соб (кай) ёнэ тэ роспхэнэ́н э крали́скэ лэ́скиро суно́. Ёнэ явнэ́, и тэрдинэ́ анги́л крали́стэ.

Isajos 36:11

И пхэндя́ Елиакимо, и Севна и Иоахо Рабсакоскэ: “Ра́кир тырэ́ писхарье́нгэ пир арамеитко (сириитко) чиб, амэ ґалёваса дая́ чиб, а пир юды́тко чиб амэ́нца на ра́кир, пал-дова́ со мануша́ шунэ́на, савэ́ скэдынэ́пэ пэ ва́нта.

Ереме́ё 5:15

Акэ, Мэ яна́ва манушы́тко нацыя пэ тумэ́ндэ дурипнастыр, Израилёскиро кхэр”, – ракирэ́ла Рай Дэвэ́л! “Дава́ исын зоралы́ нацыя, дая́ нацыя исын ґаратуны, савэнгири чиб на джинэ́на тумэ́, и тумэ́ на ґалёна, со ёнэ пхэнэ́на.

Дание́лё 9:1

Пэ пэ́рво бэрш Дариёскиро, чхавэ́скирэ Асуироскиро [Ахашверошоскиро-ю.о.], Мидянытконэ родо́стыр, саво́ сыс чхудо крали́са пэ Халдеитко кралипэ́н,

Заха́рия 2:4

И пхэндя́ ёв адалэскэ: “Джа́ сыгэды́р, пхэн адалэ́ тэрнэскэ: ‘Ерусалимо бичхавэ́ла пэ́скирэ манушэ́н пэ пхувья́ пашы́л фо́ро, пал-дова́ со древа́н бут исын дрэ лэ́стэ манушэ́н и бут кхэритконэ́ мурдалэ́н (ското).

Džiibén 41:46

Э Ёза́скэ бияныпнастыр сыс трия́нда бэрш, ке́ли ёв тэрдия́ анги́л фараоно́скиро муй, Египто́скирэ крали́стэ. И гия́ Ёза фараоностыр, и гия́ пир сари́ Египто́скирэ пхув.