Дание́лё 1:19 - Библия - Пэ Балтитко Романи чиб (Романэс) 2019

¹⁹ И ракирлас лэ́нца о кра́ли, и сарэ́ндыр тэрнэ́-бэршэнгирэн на латхяпэ кадасавэн, сыр Дание́лё, Анания, Мисаило и Аза́рия, и лынэ́ ёнэ тэ дынаринэ́н анги́л крали́стэ.

Biblija - Pe Baltitko Romani čib (Romanes) 2019

¹⁹ I rakirlas lénca o králi, i saréndyr terné-beršengiren na lathiape kadasaven, syr Danijéljo, Ananija, Misailo i Azárija, i lyné jone te dynarinén angíl kralíste.

Дание́лё 1:19 Referans Kwoze

Дание́лё 1:5

И выдыя лэ́нгэ кра́ли содывэсытко хабэ́н крали́скирэ скаминдэстыр и мол (вино), сави́ ёв кокоро́ пьелас, и пхэндя́ лэн тэ сыклякирэ́н трин бэрш, соб (кай) дро ко́нцо (дро яго́ро) сыклякирибнаскэ (учобакэ) ёнэ могинэ́нас (дэ́нас ра́да) тэ тэрдён тэ дынаринэ́н анги́л крали́стэ.

Pritčy 22:29

Ци ту дыкхэ́са манушэ́с, саво́ добусовэс кэрэ́ла пэ́скири буты́? Ёв явэ́ла тэ тэрдёл анги́л кралье́ндэ; ёв на явэ́ла тэ тэрдёл анги́л простонэ (напатывалэ) манушэ́ндэ.

Džiibén 41:46

Э Ёза́скэ бияныпнастыр сыс трия́нда бэрш, ке́ли ёв тэрдия́ анги́л фараоно́скиро муй, Египто́скирэ крали́стэ. И гия́ Ёза фараоностыр, и гия́ пир сари́ Египто́скирэ пхув.

Ереме́ё 15:19

Палдава́ адя́кэ ракирэ́ла Рай Дэвэ́л: “Ко́ли ту рисёса, тэ́ньчи Мэ рискира́ва тут палэ, тэ́ньчи ту тэрдёса анги́л Ма́ндэ; и, ко́ли ту выкэдэса кучипэ́н бэдыпнастыр (чорипна́стыр), тэ́ньчи ту явэ́са тэ ракирэ́с Мирэ́ мо́стыр. Мэк кадалэ́ мануша́ рисёна кэ ту, нэ ту́кэ на трэй тэ рисёс кэ ёнэ.

3 Kralip 17:1

И пхэндя́ Или́я Фесвитянино, екх манушэ́ндыр, савэ́ дживдэ́ кэ Галаа́до, Ахавоскэ: “Тэ явэ́л джидо́ Рай Дэвэ́л, Дэвэ́л Изра-илёскиро, анги́л Савэ́стэ мэ сом тэрдо́! Дрэ далэ́ бэрша́ на явэ́ла ни пахлын (роса), ни брышы́нд, ко́ли фэ́ни (то́ка) явэ́ла пир миро лав”

Дание́лё 1:6

Машкир лэ́ндэ сыс Юда́скирэ чхавэ́ндыр о Дание́лё, о Анания, о Мисаило и о Аза́рия.

Дание́лё 1:7

И пирикхардя лэн барыдыро́ евнухэнгиро – о Дание́лё яця́ о Валтасаро, о Анания – о Седрахо, о Мисаило – о Мисахо и Аза́рия о Авед-Него.

Дание́лё 1:18

Пэ ко́нцо (яго́ро) долэ́ дывэсэнгиро, ке́ли о кра́ли припхэндя́ тэ сыкавэ́н лэн, о барыдыро́ евнухэнгиро сыкадя́ лэн Навуходоносороскэ.

Дание́лё 2:13

Ке́ли выгия́ адасаво́ припхэныбэ́н, и лынэ́ тэ мулякирэ́н годыпнаскирэн, то родэнас Даниелёс, и малэн (другэн) лэскирэн, соб (кай) тэ мулякирэ́н лэн.

Дание́лё 3:29

И ма́ндыр дэ́лапэ припхэныбэ́н, соб (кай) кажнонэ́ нацыятыр, кхэритконэ́ родо́стыр и екхэ-чибакирэ ирьятыр (чибатыр / чибьятыр), кон пхэнэ́ла на́лачхо лав пэ Дэвлэ́стэ Шэдрахоскирэ, Мешахоскирэстэ и Авед-Негоскирэстэ, тэ явэ́л кодова́ ману́ш чингирдо пэ котэра́, и кхэр лэ́скиро тэ кэрдёлпэ дрэ руи́ны, пал-дова́ со нанэ явирэ Дэвлэ́с, Саво́ адя́кэ сашты́ тэ зракхэ́л.”

Дание́лё 1:4

тэрнэ́-бэршэнгирэн (отрокэн), савэ́ндэ нанэ нисавэ доша дрэ маса́ (шталто), гожонэ мо́са, соб (кай) ёнэ тэ ґалён тэ сыклён дро кажно годыпэ́н, дро джиныбэ́н и сы́гэс тэ ґалён, савэ́ могинэ́нас (дэ́нас ра́да) тэ дынаринэ́н (тэ служынэн) дрэ крали́скири фэлатин (коло́в), и, соб (кай) тэ сыклякирэ́н лэн Халдеитконэ лылварипнаскэ (грамотакэ) и чибакэ (чибьякэ).