Čysly 9:14 - Библия - Пэ Балтитко Романи чиб (Романэс) 2019

¹⁴ ко́ли тумэ́ндэ явэ́ла тэ дживэ́л ману́ш явирэ рига́тыр, тэды и ёв исын банго́ тэ кэрэ́л Ра́скирэ-Дэвлэ́скири Патради́: пир упхэныбэ́н пал Патради́ и пир ла́киро Зако́но ёв исын банго́ тэ кэрэ́л ла; екх упхэныбэ́н мэк тэ явэ́л тумэ́ндэ и ваш манушэ́нгэ явирэ рига́тыр, и ваш пэ́скирэ манушэ́скэ.

Biblija - Pe Baltitko Romani čib (Romanes) 2019

¹⁴ kóli tuménde javéla te dživél manúš javire rigátyr, tedy i jov isyn bangó te kerél Ráskire-Devléskiri Patradí: pir uphenybén pal Patradí i pir lákiro Zakóno jov isyn bangó te kerél la; jekh uphenybén mek te javél tuménde i vaš manušénge javire rigátyr, i vaš péskire manušéske.

Čysly 9:14 Referans Kwoze

Левито 24:22

Екх сэ́ндо исын банго́ тэ явэ́л тумэ́ндэ, сыр ваш манушэ́скэ, саво́ явдя́ явирэ рига́тыр, адя́кэ и ваш пэ́скирэ манушэ́скэ; пал-дова́ со Мэ сом Рай Дэвэ́л, Дэвэ́л тумаро́.’”

Яви́р Зако́но 31:12

скэ́дэ манушэ́н, муршэ́н и джувле́н, и чхаворэ́н, и тырэ́ манушэ́н, савэ́ явнэ́ явирэ рига́тыр, савэ́ явэ́на дрэ тырэ́ ша́тры/буды [по́рта-ю.о.], соб (кай) ёнэ тэ шунэ́н и тэ сыклён, и, соб (кай) ёнэ тэ дарэ́н Ра́стыр-Дэвлэ́стыр, тумарэ́ Дэвлэ́стыр, и тэ кэрэ́н кэ ко́нцо/яго́ро тэ причхувэ́н зор и тэ кэрэ́н кэ ко́нцо/кэ яго́ро (тэ сполнинэн) сарэ́ далэ́ Законо́скирэ лава́;

Яви́р Зако́но 29:11

тумарэ́ чхавэ́, тумарэ́ ромня́ и тумарэ́ мануша́, савэ́ явнэ́ явирэ рига́тыр, и дживэ́на дро тыро́ ста́но, манушэ́стыр, саво́ чингирэла кашта́ тырэ́ кэ ману́ш, саво́ лэ́ла пани́ тыро́,

Левито 25:15

пир розгиндлэ бэрша́ коригэды́р (позжэды́р) ту сан банго́ тэ кинэс тырэ́ пашатунэстыр, и пир розгиндлэ бэрша́ кофостыр ёв исын банго́ тэ бикнэл ту́кэ;

Левито 22:25

и явирэ-пхувья́кирэ манушэ́нгирэ вастэ́ндыр на янэ́н сарэ́н дасавэн мурдалэ́н дро свэ́нто дыибэ́н тумарэ́ Ра́скэ-Дэвлэ́скэ, пал-дова́ со пэ лэ́ндэ исын дош; ёнэ на янэ́на тумэ́нгэ ла́ска Дэвлэ́стыр.’”

Левито 19:10

и тыро́ винаградо (дракх) на обкэдэ кэ жужыпэн, и му́ри, савэ́ пынэ́ дро винагра́днико, на ґа́здэ, ячкир дава́ чорорэскэ и манушэ́скэ, саво́ явдя́ явирэ рига́тыр. Мэ сом Рай Дэвэ́л, Дэвэ́л тумаро́.

Vygiiben 12:43

И пхэндя́ Рай Дэвэ́л Мойза́скэ и Аароно́скэ: “Ѓа́да, исын стату́то (уставо) Патрадякиро: ни саво́ явирэ-родоскиро ману́ш нашты́ тэ хал дава́,

Vygiiben 12:47

Сарэ́ Израилёскирэ манушэ́нгэ трэй тэ кэрэ́н ла.

Čysly 15:15

ваш тумэ́нгэ, скэдыибэ́н Ра́скирэ-Дэвлэ́скиро, и ваш манушэ́скэ, саво́ явдя́ явирэ рига́тыр, и саво́ дживэ́ла машки́р тумэ́ндэ, упхэныбэ́н екх, векоскиро упхэныбэ́н дрэ тумарэ́ ро́ды: со тумэ́, одова́-паць и ману́ш, саво́ явдя́ явирэ рига́тыр мэк тэ явэ́л анги́л Растэ-Дэвлэ́стэ;

Čysly 15:16

зако́но екх, и екх правы мэк тэ явэ́н ваш тумэ́нгэ и ваш манушэ́скэ, саво́ явдя́ явирэ рига́тыр, и дживэ́ла машки́р тумэ́ндэ.’

Е́здра 6:21

И ханэ́ чхавэ́ Израилёскирэ, савэ́ рисинэ́ плено́стыр, кхэтанэ́ сарэ́ одолэнца, кон дурия ваш пэ́скэ магирибнастыр, саво́ гия́ Наюдытконэ́ нацые́ндыр пэ пхув, соб (кай) тэ родэ́н древа́н Рас-Дэвлэ́с, Дэвлэ́с Израилёскирэс.