Čysly 9:13 - Библия - Пэ Балтитко Романи чиб (Романэс) 2019

¹³ а кон исын жужо́ и нанэ дро дром, и на кэрэ́ла Патради́, – хасёла дова́ ди пэ́скирэ манушэ́ндыр, пал-дова́ со ёв на яндя́ свэ́нто дыибэ́н Ра́скэ-Дэвлэ́скэ дрэ пэ́скиро часо: лыджа́ла пэ пэ́стэ грэ́хо одова́ ману́ш,

Biblija - Pe Baltitko Romani čib (Romanes) 2019

¹³ a kon isyn žužó i nane dro drom, i na keréla Patradí, – xasjola dová di péskire manušéndyr, pal-dová so jov na jandiá svénto dyibén Ráske-Devléske dre péskiro časo: lydžála pe péste grého odová manúš,

Čysly 9:13 Referans Kwoze

Vygiiben 12:15

Эфта́ дывэса́ хан пресно маро́; пэрвонэ́ англатунэ́ дывэсэ́стыр вычхурдэн шутлыпэн (кислыма) тумарэ́ кхэрэндыр, пал-дова́ со, кон явэ́ла тэ хал квашэно (шутло) англатунэ́ дывэсэ́стыр кэ эфта́то дывэ́с, дова́ ди явэ́ла мулякирдо́ Израилёскирэ манушэ́ндыр.

Džiibén 17:14

Наобчхиндло мурш, савэ́стэ явэ́ла наобчхиндло яго́ро (краё) пэ лэ́скири лоч, мэк тэ хасёл дава́ ди далэ́ манушэ́ндыр, пал-дова́ со ёв на зракхця́ Миро Завето.”

Čysly 9:7

и пхэндлэ́ лэ́скэ одолэ́ мануша́: “Амэ сам нажужэ́, со чиладямпэ кэ манушы́тка тру́пы; ваш со амэ́нгэ тэ на дас дова́, соб (кай) амэ тэ янас свэ́нто дыибэ́н Ра́скэ-Дэвлэ́скэ дрэ упхэндло́ часо машки́р Израилёскирэ чхавэ́ндэ?”

Юдэ́нгэ 12:25

Дыкхэ́н, на отрисён криг Одолэ́стыр, Саво́ ракирэ́ла тумэ́нгэ. Ко́ли одолэ́ мануша́, савэ́ отрисинэ криг тэ шунэ́н Лэс, Саво́ ракирдя́ лэ́нгэ Болыбна́стыр пэ пхув, на мениндлэ ка́ра, тэды буты́р сарэ́стыр и амэ на менинаса ла, савэ́нгэ Ёв ракирэ́ла Болыбна́стыр:

Юдэ́нгэ 9:28

адя́кэ-паць и Христо́со сыс е́кхвар яндло сыр свэ́нто дыибэ́н пал бутэ́-манушэ́нгирэ грэ́хи. Нэ Ёв явэ́ла яви́р мо́ло кэ одолэ́, савэ́ древа́н ужакирэ́на Лэс тэ зракхэ́л лэн, нэ на ваш дова́, соб (кай) тэ отмэкэ́л грэ́хи.

Юдэ́нгэ 6:6

и савэ́ мэкнэ́ тэ патя́н; кадасавэн манушэ́н нашты́ нэвэ́стыр тэ сыклякирас, соб (кай) ёнэ тэ рискирэ́н пэ́скиро джиибэ́н кэ Дэвэ́л, пал-дова́ со ёнэ сы́рбы нэвэ́стыр примарэна кэ трушу́л Дэвлэ́скирэ Чхавэ́с и отдэна Лэс пэ сабэн манушэ́нгэ.

Юдэ́нгэ 2:3

нэ сыр тэды амэ менинаса ка́ра, ко́ли амэ на приласа илэ́са дасаво баро́ зракхибэ́н, саво́ англэды́р пхэндя́ Дэвэ́л, и допхэндлэ амэ́нгэ одолэ́, кон кокоро́ шундя́ Лэ́стыр;

Езэкилё 23:49

А тумэ́ прилэ́на биба́хт пал тумаро́ биладжакиро рэ́ндо пал грэ́хи тумарэ́ идолэнца и тумэ́ и ґалёна, со Мэ сом Рай Дэвэ́л, Дэвэ́л.”

Čysly 19:13

Кажно, кон лэ́лапэ пал савэскирэ-манушэ́скиро тру́по, саво́ мыя́ и на выжужакирдя́ пэс, магирэла Ра́скирэ-Дэвлэ́скири ша́тра; и хасёла одова́ ману́ш Израилёскирэ манушэ́ндыр. Пал-дова́ со ёв на сыс обчхудо жужакирибнаскирэ пане́са, ёв исын нажужо, исын лэ́скири мэл пэ лэ́стэ.

Čysly 5:31

И явэ́ла ром жужо́ грэхостыр, а джувлы́ лыджа́ла пэ́скиро грэ́хо пэ пэ́стэ.’”

Левито 20:20

Кон пасёла пэ́скирэ бибьяса, одова́ отчхакирдя́ нангипэ́н пэ́скирэ какэскиро; грэ́хо пэ́скиро лыджа́на ёнэ, би чхаворэнгиро мэрэ́на ёнэ.

Левито 17:10

Ко́ли вари-кон Израилёскирэ кхэрэ́стыр и манушэ́ндыр, савэ́ явнэ́ явирэ ригэ́ндыр, савэ́ дживэ́на машки́р тумэ́ндэ, явэ́ла тэ хал вари-саво́ рат, тэды Мэ рискира́ва Миро муй пэ дова́ ди, кон явэ́ла тэ хал рат, и хасякира́ва лэс адалэ́ манушэ́ндыр,

Левито 17:4

и на янэ́ла кэ загиибэ́н дрэ скэдыибна́скири ша́тра (ски́ния), соб (кай) тэ отдэ́л дро свэ́нто дыибэ́н Ра́скэ-Дэвлэ́скэ анги́л Ра́скирэ-Дэвлэ́скиро Кхэр, тэды одолэ́скэ манушэ́стэ явэ́ла зачхиндло́ ратэскиро прочхувибэн: ёв прочхудя рат, и хасёла одова́ ману́ш пэ́скирэ манушэ́ндыр;

Левито 22:9

Мэк тэ ракхэ́н ёнэ Мирэ́ упхэныбэна́, соб (кай) тэ на лыджа́н пэ пэ́стэ грэ́хо, и тэ на мэрэ́н дрэ лэ́стэ, ке́ли ёнэ пхагирэна дава́. Мэ сом Рай Дэвэ́л, саво́ свэнцякирэла лэн.

Vygiiben 12:19

эфта́ дывэса́ нашты́ тэ явэ́л квашэно дрэ тумарэ́ кхэра́, пал-дова́ со, кон явэ́ла тэ хал квашэно (пэ дрожджы), одова́ ди явэ́ла мулякирдо Израилёскирэ манушэ́ндыр, ци ману́ш, саво́ явдя́, ци саво́ дживэ́ла пэ доя́ пхув.

Vygiiben 12:47

Сарэ́ Израилёскирэ манушэ́нгэ трэй тэ кэрэ́н ла.

Vygiiben 30:33

кон чхувэ́ла дасаво-паць миро, ци кон лэ́са макхэла явирэ́с манушэ́с, одова́ ману́ш хасёла пэ́скирэ манушэ́ндыр.’”

Vygiiben 30:38

кон кэрэ́ла дасаво, соб (кай) тэ тхувлякирэн лэ́нца, одова́ ману́ш тэ хасёл пэ́скирэ манушэ́ндыр.”

Левито 24:15

и Израилёскирэ чхавэ́нгэ пхэн: ‘Кон явэ́ла тэ обракирэл пэ́скирэ Рас-Дэвлэ́с, одова́ лыджа́ла пэ́скиро грэ́хо;

Čysly 19:20

Нэ ко́ли вари-кон манушэ́ндыр явэ́ла нажужо и на выжужакирэ́ла пэс, тэды хасёла одова́ ману́ш пэ́скирэ манушэ́ндыр, пал-дова́ со ёв магирдя Ра́скирэ-Дэвлэ́скиро свэ́нто штэ́то; жужакирибнаскирэ пане́са ёв на обчхудо, ёв исын нажужо.