Čysly 6:26 - Библия - Пэ Балтитко Романи чиб (Романэс) 2019

²⁶ Мэк тэ рискирэ́л Рай Дэвэ́л Пэ́скиро муй пэ ту́тэ и дэ́ла ту́кэ рама́нё (миро)!”

Biblija - Pe Baltitko Romani čib (Romanes) 2019

²⁶ Mek te riskirél Raj Devél Péskiro muj pe túte i déla túke ramánjo (miro)!”

Čysly 6:26 Referans Kwoze

Psalmy 4:6

Янэ́н свэ́нта дыибэна́ чачипнастыр и допатян Ра́скэ Дэвлэ́скэ.

2 Фесалоникийцэнгэ 3:16

Мэк Рай Дэвэ́л Кокоро́, тэ дэл тумэ́нгэ рама́нё (миро) ўса́ды (сак) дро саро́. Мэк тэ явэ́л Рай Дэвэ́л сарэ́нца тумэ́нца.

Psalmy 29:11

Рай Дэвэ́л дэ́ла зор Пэ́скирэ манушэ́нгэ; Рай Дэвэ́л бахтякирэ́ла Пэ́скирэ манушэ́н раманёса (миро́са).

Римлянэнгэ 15:13

Дэвэ́л, Саво́ дэ́ла наде́я, – мэк тэ пхэрдякирэл тумэн кажнонэ́ радыма́са и раманёса дро тумаро́ патяибэ́н, соб (кай) наде́я тэ барьёл Свэнтонэ́ Духо́скирэ зорья́са дрэ тумэ́ндэ.

Joannostir 16:33

ґа́да, Мэ пхэндём тумэ́нгэ, соб (кай) тумэ́ тэ явэ́н дро рама́нё Ма́нца. Дро свэ́то мэ́ньки тумэн ужакирэ́на; нэ рикирэнпэ муршканэ́с: Мэ збердындём (пиризорьякирдём) дава́ свэ́то”

Apostolengiri Butý 2:28

Ту дыя́н ма́нгэ джиибнытко дром; и мэ ява́ва тэ радынавпэ анги́л Ту́тэ.”

Isajos 26:3

Манушэ́с, зоралэ́ духо́са Ту ракхэса дрэ пхэрдо́ рама́нё (миро), пал-дова́ со пэ Ту́тэ исын лэ́скири наде́я,

Римлянэнгэ 15:33

Мэк Дэвэ́л, Саво́ дэ́ла рама́нё, тэ явэ́л сарэ́нца тумэ́нца. Ами́нь.

Joannostir 20:21

Ису́со пхэндя́ лэ́нгэ яви́р мо́ло: “Рама́нё тумэ́нгэ! Сыр Дад бичхадя́ Ман, адя́кэ и Мэ бичхава́ва тумэн.”

Psalmy 42:5

Ке́ли мэ пририпирава дава́, тэды мэ пхагирава пэскро ило́: сыр мэ псирдём машки́р бутэ́ манушэ́ндэ, сыр мэ лыджавас лэн кэ Дэвлэ́скиро Кхэр и давас го́дла радыма́тыр и шарибнастыр манушытконэ́ скопостыр, савэ́ свэнкинэнас.

Filipiicenge 4:7

и Дэвлэ́скиро рама́нё (миро), саво́ исын вучэды́р кажнонэ́ амарэ́ джиныбнастыр, явэ́ла тэ ракхэ́л тумарэ́ илэ и годы́ дро екхипэ́н Исусо́са Христосо́са.

Luka 2:14

“Тэ славинэлпэ Дэвэ́л дрэ упратунэ болыбэна, и тэ явэ́л рама́нё (миро) пэ пхув машки́р манушэ́ндэ, савэ́ндыр Дэвэ́л радынэ́лапэ.”

Isajos 57:19

Мэ кэра́ва саро́ пир Миро лав: “Рама́нё (миро), рама́нё пашатунэ́ манушэ́скэ и дуратунэ́ манушэ́скэ,” – ракирэ́ла Рай Дэвэ́л, и Мэ састякирава лэс.

Isajos 26:12

Раё Дэ́вла! Ту подэса амэ́нгэ рама́нё (миро), и сарэ́ амарэ́ рэ́нды Ту кэрэ́са ваш амэ́нгэ.

Psalmy 89:15

Чачипэ́н и чачуно́ сэ́ндо рикирэ́на Тыро́ троно, лачхэ́-илы́ткима и патяибэ́н джа́на анги́л Ту́тэ.

Psalmy 37:37

Придыкхпэ ваш приме́ро (сыкаибэ́н) кэ бидошэ́нгиро ману́ш и дыкх пэ чачунэ́ манушэ́стэ, пал-дова́ со штылэ манушэ́стэ, саво́ тырдэлапэ кэ рама́нё (миро), явэ́на патомки.

Apostolengiri Butý 10:36

Ёв бичхадя́ лав Израилёскирэ чхавэ́нгэ, саво́ роспхэнэ́ла пал “рама́нё” пир Исусо́стэ Христосо́стэ, Ёв исын Рай Дэвэ́л пир саро́ свэ́то.

Joannostir 20:26

Пир охто́ (бидуе́нгиро дэш) дывэса́ Лэ́скирэ сыкляибны́тка нэвэ́стыр сарэ́ кхэтанэ́ скэдынэ́пэ дро кхэр, и Фама сыс лэ́нца. Явдя́ Ису́со, ке́ли вудара́ сыс запхандлэ, тэрдия́ машки́р лэ́ндэ, и пхэндя́: “Рама́нё тумэ́нгэ!”

Joannostir 14:27

Мэ ячкирава рама́нё (миро) тумэ́нгэ, Миро рама́нё Мэ да́ва тумэ́нгэ: нэ на адя́кэ, сыр свэ́то дэ́ла, Мэ да́ва тумэ́нгэ, и мэк тэ на страхадёл тумаро́ ило́, и тэ на дарэл.

Mihiejo 5:5

И кадава́ Ману́ш янэ́ла рама́нё (миро). Ке́ли о Асирия́кирэ халадэ́ явэ́на пэ дая́ пхув, и ке́ли ёнэ лэ́на тэ штавэн пир амарэ́ фэлатиня́, тэ́ньчи амэ чхуваса анги́л лэ́ндэ эфта́ чхупнарьен (пастырьен), и охто́ тхагарьен (князьен) манушэнгирэн.

Psalmy 44:3

Ту традыян криг Пэ́скирэ вастэ́са Наюды́тка на́цыи, а чхудя́н пэ́скирэ манушэ́н тэ дживэ́н; Ту тасадян Наюды́тка на́цыи, а дыя́н Пэскирэнгэ тэ роскхувэнпэ.

Эфесянэнгэ 6:23

Мэк тэ явэ́л рама́нё (миро) пшалэ́нгэ и паты́в кэ яви́р мануша́ патяибна́са Дэвлэ́стыр Дадэ́стыр и Ра́стыр-Дэвлэ́стыр, Исусо́стыр Христосо́стыр.

Римлянэнгэ 5:1

И пал-дова́ со амэн приґалынэ пал чачунэндэ пир патяибэ́н, амэ́ндэ исын рама́нё (миро) Дэвлэ́са пир амарэ́ Растэ-Дэвлэ́стэ, Исусо́стэ Христосо́стэ,