Čysly 6:20 - Библия - Пэ Балтитко Романи чиб (Романэс) 2019

²⁰ и ґаздэ́ла адава́ раша́й, тринскири анги́л Растэ-Дэвлэ́стэ: дава́ исын свэ́нто. Акэ, исын свэ́нто дыибэ́н ваш раша́скэ, адя́кэ-паць, сыр колынэскиро тринскирибэн и адя́кэ-паць псикэскиро ґаздыибэн ваш жужакирибэн пир патяибэ́н, савэ́са ёв жужакирэлапэ. Пало́ дава́ саро́ назореё сашты́ тэ пьел мол (вино).

Biblija - Pe Baltitko Romani čib (Romanes) 2019

²⁰ i ĥazdéla adavá rašái, trinskiri angíl Raste-Devléste: davá isyn svénto. Ake, isyn svénto dyibén vaš rašáske, adiáke-pac', syr kolyneskiro trinskiriben i adiáke-pac' psikeskiro ĥazdyiben vaš žužakiriben pir patiaibén, savésa jov žužakirelape. Paló davá saró nazoriejo saštý te p'jel mol (vino).

Čysly 6:20 Referans Kwoze

Ekliesiastos 9:7

Джа́ и ха пэ́скиро маро́ радаса, и пи мол радымакирэ илэ́са; пал-дова́ со Дэвлэ́скэ ґара́ ячнэ́ лачхэ́ тырэ́ бутя́.

Čysly 5:25

И лэ́ла раша́й джувлякирэ вастэ́ндыр зэвлыныпнаскиро яныбэ́н марэстыр, и ґаздэ́ла дава́ яныбэ́н анги́л Растэ-Дэвлэ́стэ, и лыджа́ла лэс кэ алта́рё;

Joannostir 19:30

Ке́ли Ису́со коштындя шутлы мол, Ёв пхэндя́: “Кэрдя́пэ!” Ёв обмэкця Пэ́скиро шэро́, выпхурдыя Пэ́скиро ду́хо (фа́но) и мыя́.

Marko 14:25

“Чачэс, Мэ ракира́ва тумэ́нгэ: Мэ на ява́ва тэ пья́в буты́р аплодо винаградоскирэ хрустостыр анги́л дова́ дывэ́с, ке́ли Мэ ява́ва тэ пья́в нэви́ мол (вино) дро Дэвлэ́скиро Кралипэ́н.”

Матфеё 26:29

И Мэ пхэна́ва тумэ́нгэ: Мэ на ява́ва далэ́ дывэсэ́стыр буты́р тэ пья́в аплодо далэ́ винаградытконэ хрустостыр кэ/жы́ко дова́ дывэ́с, ке́ли Мэ ява́ва тэ пья́в тумэ́нца нэви́ мол (вино) дрэ Мирэ́-Дадэ́скиро Кралипэ́н’”

Заха́рия 10:7

Сыр зорало́ мурш явэ́ла Ефре́мо; тэды явэ́ла тэ зрадынэлапэ ило́ лэ́нгиро, сыр моля́тыр (виностыр); и дыкхэ́на дава́ чхавэ́ лэ́нгирэ и ёнэ явэ́на тэ радынэ́нпэ; ра́дыма явэ́ла дро лэ́нгиро ило́ ваш Ра́скэ-Дэвлэ́скэ.

Заха́рия 9:17

О, сыр баро́ исын Лэ́скиро лачхипэ́н и саво́ исын шукарипэ́н, гожыма Лэ́скири! Маро роспхандэла чиб тэрнэ́ манушэ́нгэ, и мол (вино) – тырнэ джувленгэ!

Заха́рия 9:15

Рай Дэвэ́л янголэ́нгирэ-болыбна́скиро, лэ́ла тэ затэрдёл пал лэ́ндэ, и ёнэ лэ́на тэ хасякирэ́н и тэ штакирэн бара́, савэ́ чхурдэнпэ, ёнэ лэ́на тэ пьен и тэ дэн го́дла сы́рбы моля́тыр (виностыр) и пхэрдёна тахтая́ (чашы) ваш свэ́нта дыибэна́, сыр алтарёскирэ вэ́нглы.

Isajos 35:10

И рисёна одолэ́, конэ́с зракхэ́ла Рай Дэвэ́л и явэ́ла пэ Сио́но радымакирэ годла́са; ра́дыма явэ́ла лэ́нца саро́ часо (цы́ро); и лош (веселиё) ёнэ латхэ́на, а биба́хт бидаса лэ́ндыр отджала.

Isajos 25:6

И кэрэ́ла Рай Дэвэ́л, болыбна́скирэ-янголэ́нгиро пэ дая́ бэ́рга лачхо́ хабэ ваш сарэ́ народы; одо́й явэ́ла жужы мол (вино), тхулыпэн кокалэндыр; са́мо жужы (чысто) мол.

Čysly 18:18

А мас лэ́нгиро приджалапэ ту́кэ, адя́кэ-паць сыр колы́н свэнтонэ́ дыибна́стыр тринскирибнаса и право (чачо́) псико́ приджалапэ ту́кэ.

Левито 23:11

ёв ґаздэ́ла дава́ ґарбо анги́л Растэ-Дэвлэ́стэ, соб (кай) тумэ́нгэ тэ явэ́л Ра́скирэ-Дэвлэ́скири ла́ска; пэ яви́р свэнкоскиро дывэ́с ґаздэ́ла лэс раша́й;

Левито 10:15

ґаздыпнаскиро псико́ и тринскирибнаскиро колы́н ёнэ исын бангэ́ тэ янэ́н чэкэнэскирэ (тукоскирэ) свэнтонэ́ дыибнэнца (жэртвэнца), тринскири анги́л Растэ-Дэвлэ́стэ, и, мэк тэ явэ́л дава́ вечнонэ котэрэса ту́кэ и тырэ́ чхавэ́нгэ ту́са, сыр пхэндя́ Рай Дэвэ́л.”

Левито 9:21

колынд и чачо́ (право) псико́ яндя́ Ааро́но, тринскири анги́л Растэ-Дэвлэ́стэ, сыр припхэндя́ Мо́йза.

Левито 7:34

пал-дова́ со Мэ ла́ва Израилёскирэ чхавэ́ндыр мирнонэ свэнтонэ́ дыибнэндыр лэ́нгиро колы́н тринскирибнаскиро и псико́ ґаздыпнаскиро, и Мэ отда́ва лэн Аароно́скэ раша́скэ и лэ́скирэ чхавэ́нгэ сыр ве́чно паш Израилёскирэ чхавэ́ндыр.

Левито 7:31

а чэкэ́н схачкирэ́ла раша́й пэ алта́рё, а колы́н отлыджалапэ Аароно́скэ и лэ́скирэ чхавэ́нгэ;

Левито 7:30

пэ́скирэ вастэ́нца исын банго́ ёв тэ янэл дро свэ́нто дыибэ́н Ра́скэ-Дэвлэ́скэ: чэкэ́н колынэса исын банго́ ёв тэ янэл, соб (кай) ёв тэ тринскирэл колынэса анги́л Растэ-Дэвлэ́стэ;

Левито 7:32

и чачо́ (право) псико́, сыр ґаздыпэн, мирнонэ тумарэ́ свэнтонэ́ дыибнэндыр жэртвэндыр отдэ́н раша́скэ;

Čysly 6:21

Акэ, исын Зако́но пал назореёстэ, саво́ дыя́ совла́х, и лэ́скиро свэ́нто дыибэ́н (жэ́ртва) Ра́скэ-Дэвлэ́скэ пал пэ́скиро назорейство, апри́ч лэ́стэ, со дэ́ла во́ля лэ́скэ лэ́скиро барвалыпэ́н; пир пэ́скири совла́х, сави́ ёв дэ́ла, адя́кэ и банго́ ёв исын тэ кэрэ́л.”