Čysly 6:2 - Библия - Пэ Балтитко Романи чиб (Романэс) 2019

² “Ра́кир Израилёскирэ чхавэ́нгэ и пхэн лэ́нгэ: ко́ли мурш ци джувлы́ закамэ́ла тэ дэл совла́х “назорейство”, соб (кай) тэ отдэ́л пэс дрэ назореи Ра́скэ-Дэвлэ́скэ,

Biblija - Pe Baltitko Romani čib (Romanes) 2019

² “Rákir Izrailjoskire čhavénge i phen lénge: kóli murš ci džuvlý zakaméla te del sovláh “nazorieistvo”, sob (kaj) te otdél pes dre nazoriei Ráske-Devléske,

Čysly 6:2 Referans Kwoze

Сэндарьенгири Лылвари́ 13:5

пал-дова́ со, акэ, ту запхарьёса и биянэса чхавэ́с, и бритва (мурадлуны) на касынэлапэ лэ́скиро шэро́, пал-дова́ со кокорэ́ да́кирэ масэстыр дава́ тыкно́ бия́то явэ́ла Ра́скирэ-Дэвлэ́скиро назореё, и ёв лэ́ла тэ зракхэ́л Израилё Филистимлянэнгирэ вастэ́стыр.”

Римлянэнгэ 1:1

Па́вли, Исусо́скиро Христосо́скиро писха́ри (рабо), савэ́с Дэвэ́л кхардя́ кэ Пэ тэ явэ́л Апостолоса и выкэдыя́ тэ роспхэнэл Дэвлэ́скири бахталы́ зан (звесь),

Юдэ́нгэ 7:27

Лэ́скэ на трэй тэ янэл свэ́нто дыибэ́н кажно дывэ́с, сыр яви́р рашая́ кэрэ́на адя́кэ, савэ́ ґарэдыр янэ́нас свэ́нта дыибэна́ пал пэ́скирэ грэ́хи, и палэ пал манушэ́нгирэ грэ́хи. Христо́со кэрдя́ дава́ е́кхвар, ке́ли отдыя́ Кокоро́ Пэс сыр свэ́нто дыибэ́н пал амарэ́ грэ́хи.

Galatenge 1:15

А ке́ли сыс лачхо́ Дэвлэ́скэ, Саво́ выкэдыя́ ман тэды, ке́ли мэ ишчо (инкэ́) со́мас дрэ дакири лочови́ (утроба); и Саво́ прикхардя ман пир Пэ́скиро бахталыпэ́н,

2 Коринфянэнгэ 6:16

Саво́ кхэтаныпэн исын машки́р Дэвлэ́скири кхангири́ и идолэ́нгирэ – мангипны́тко кхэр? Пал-дова́ со тумэ́ сан кхангири́ джидэ́ Дэвлэ́скири, сыр Дэвэ́л Кокоро́ пхэндя́: “Мэ ява́ва тэ джива́в машки́р лэ́ндэ и Мэ ява́ва тэ псирав машки́р лэ́ндэ. И Мэ ява́ва лэ́нгиро Дэвэ́л, и ёнэ явэ́на Мирэ́ мануша́.”

Luka 1:15

Пал-дова́ со ёв явэ́ла баро́ анги́л Растэ-Дэвлэ́стэ, и ёв на явэ́ла тэ пьел мол (вино) и зоралэ́ пибэна, и Свэ́нто Ду́хо (Фа́но) явэ́ла дрэ лэ́стэ ада́й жэ, сыр ёв бияндёла,

Pritčy 18:1

Ману́ш, саво́ дурьёла явирэндыр, родэ́ла дова́, со ёв екх кокоро́ древа́н трэбинэла, ёв исын сцял (проти) саро́ годо́ чачипэ́н.

1 Kralip 1:28

и мэ отда́ва лэс Ра́скэ-Дэвлэ́скэ пэ сарэ́ лэ́скирэ джиибна́скирэ дывэса́ тэ дынаринэ́л Ра́скэ-Дэвлэ́скэ.” И мангдя́пэ одо́й Ра́скэ-Дэвлэ́скэ.

Сэндарьенгири Лылвари́ 16:17

И ёв отчхакирдя́ ла́кэ саро́ ило́ пэ́скиро, и пхэндя́ ла́кэ: “Бритва (мурадлуны) на касындяпэ миро шэро́; пал-дова́ со мэ сом Дэвлэ́скиро назореё мирэ́-да́кирэ лочовя́тыр (утробатыр); ко́ли тэ обчхинэс ман, то отджала мири́ зор ма́ндыр; мэ кэравапэ бизорья́киро и ява́ва, сыр сарэ́ мануша́.”

Левито 27:2

“Ра́кир Израилёскирэ чхавэ́нгэ и пхэн лэ́нгэ: ‘Кон совлахала тэ высвэнцынэл вари-конэ́скиро ди Ра́скэ-Дэвлэ́скэ пир тыри́ тими́н (цэна),

Левито 20:26

Явэ́н свэ́нта анги́л Ма́ндэ, пал-дова́ со Мэ сом Рай Дэвэ́л, тумаро́ Дэвэ́л, сом Свэ́нто, и Мэ чхудём дрэ риг тумэн манушэ́ндыр, соб (кай) тумэ́ тэ явэ́н Мирэ́.

Vygiiben 33:16

палдава́ со пир со тэ уджинас, со мэ и Тырэ́ мануша́ латхям ла́ска дрэ Тырэ́ якха́? Ци на пир дава́, ке́ли Ту джа́са амэ́нца? Тэды мэ и Тырэ́ мануша́ ява́са тэ выдаспэ славутнэдыр кажнонэ́ явирэ манушэ́ндыр пэ пхув.”

Apostolengiri Butý 18:18

Па́вли сыс бут дывэса́ дро Коринфо, тэ́ньчи ёв розяцяпэ пшалэ́нца и традыя́ кэ Сирия, а кхэтанэ́ лэ́са гинэ́ Прискила и Акила, нэ анги́л традыпэн Па́вли обчхиндя бала́ дрэ Кенхрея, соб (кай) тэ кэрэ́л пир совла́х;

Čysly 6:1

И пхэндя́ Рай Дэвэ́л Мойза́скэ дасавэ́ лава́:

Сэндарьенгири Лылвари́ 13:4

и адя́кэ ракхпэ, на пи мол (вино) и сикера, и на ха ничы́ нажужо;

Ереме́ё 35:6

Нэ ёнэ отпхэндлэ́: “Амэ на ла́са тэ пьяс мол, пал-дова́ со амаро́ дад Ионадаво (чхаво́ Рэхавоскиро) припхэндя́ амэ́нгэ, ракири́: ‘Тумэ́ на явэ́на тэ пье́н мол, ни тумэ́, ни тумарэ́ чхавэ́, ние́кхвар дро джиибэ́н.

Čysly 30:3

‘Ко́ли вари-кон дэ́ла совэ́л Ра́скэ-Дэвлэ́скэ ци совлахала кошыбнаса, чхуви отпхэныбэ́н пал пэ́скиро ди, тэды ёв нашты́ (на мусинэла) тэ парувэл пэ́скиро лав, нэ ёв исын банго́ тэ кэрэ́л саро́, со выгия́ лэ́скирэ уштэндыр.

Сэндарьенгири Лылвари́ 13:14

мэк тэ на хал ничы́, со дэ́ла винаградоскири лоза; мэк тэ на пьел мол и сикера и тэ на хал ничы́ нажужо, и тэ приракхэл саро́, со мэ припхэндём ла́кэ.”