Čysly 6:12 - Библия - Пэ Балтитко Романи чиб (Романэс) 2019

¹² и банго́ исын ёв нэвэ́стыр (нэвэ́с) тэ лэл тэ отдэ́л Ра́скэ-Дэвлэ́скэ дывэса́ пэ́скирэ назорействоскирэ и тэ янэл екхэ-бэршытконэ бакрорэс дро свэ́нто дыибэ́н пал банг; англатунэ́ дывэса́ хасинэ́, пал дова́ со назорейство лэ́скиро магирдо́.

Biblija - Pe Baltitko Romani čib (Romanes) 2019

¹² i bangó isyn jov nevéstyr (nevés) te lel te otdél Ráske-Devléske dyvesá péskire nazorieistvoskire i te janel jekhe-beršytkone bakrores dro svénto dyibén pal bang; anglatuné dyvesá xasiné, pal dová so nazorieistvo léskiro magirdó.

Čysly 6:12 Referans Kwoze

Левито 5:6

тэды мэк тэ янэл Ра́скэ-Дэвлэ́скэ пал пэ́скиро грэ́хо, саво́ ёв кэрдя́, свэ́нто дыибэ́н сы́рбы пал банг тыкнэ́ кхэритконэ́ мурдалэ́ндыр (ското́стыр), бакря́ ци бузня, пал грэ́хо, и выжужакирэ́ла лэс раша́й лэ́скирэ грэхостыр.

2 Ian 1:8

Дыкхэ́н пал пэ́стэ, соб (кай) амэ тэ на нашавас дова́, ваш со амэ кэрдя́м буты́, а соб (кай) тумэ́ тэ дорэсэн пхэрды́ мазу́ри (награда) Ра́стыр-Дэвлэ́стыр.

Jakov 2:10

Пал-дова́ со, ко́ли вари-кон ракхэ́ла саро́ Зако́но и обштавэлапэ дро вари-со екх, со исын на пир Зако́но, одова́ ману́ш явэ́ла банго́ дро саро́.

Матфеё 24:13

Нэ кон вырикирэ́ла саро́ кэ ко́нцо (кэ яго́ро), кодова́ зракхэ́лапэ.

Матфеё 3:15

Нэ Ису́со отпхэндя́ лэ́скэ: “Мэк адя́кэ какана́ тэ явэ́л; пал-дова́ со адя́кэ амэ́нгэ трэй тэ кэра́с пир кажно чачипэ́н.” Тэды ёв домэкэла Лэс.

Езэкилё 18:24

И чачипна́скиро ману́ш, ко́ли ёв рисёла криг пэ́скирэ чачипнастыр, и явэ́ла тэ кэрэ́л саро́ дава́ чорипэ́н, со кэрэ́ла чоро ману́ш, ци явэ́ла ёв джидо́? Сарэ́ лачхэ́ лэ́скирэ рэ́нды, савэ́ ёв кэрэ́лас, на явэ́на тэ рипирэнпэ; пал пэ́скиро чорипэ́н, саво́ ёв кэрэ́ла и дро саво́ ёв исын банго́ и пал грэ́хо, ёв мэрэ́ла.”

Левито 14:24

И о раша́й лэ́ла бакрэ́с дро свэ́нто дыибэ́н пал банг и лого елеё, и янэ́ла дава́ кэ раша́й, тринскири анги́л Растэ-Дэвлэ́стэ.

Vygiiben 12:5

Бакро тумэ́ндэ трэй тэ явэ́л бидошэ́нгиро, муршытко, екхэ-бэршытко; лэн лэс бакрэ́ндыр ци бузнэндыр,

Левито 5:7

Ко́ли ёв на могинэ́ла тэ янэл бакря́, тэды дрэ банг пал пэ́скиро грэ́хо, мэк тэ янэл Ра́скэ-Дэвлэ́скэ дуе́н горлицэн ци дуе́н тэрнэн голумбэн, екхэ́с дро свэ́нто дыибэ́н пал грэ́хо, а явирэ́с дро цэ́ло схачкирибэ́н;

Čysly 6:11

О раша́й екха чириклендыр янэ́ла дро свэ́нто дыибэ́н (жэ́ртва) пал грэ́хо, а явирья дро цэ́ло схачкирибэ́н, и выжужакирэ́ла лэс трупоскирэ магирибнастыр, и свэнцякирэла лэ́скиро шэро́ дро дова́ дывэ́с;

Čysly 6:13

И ґа́да, исын Зако́но пал назорейство, ке́ли проджа́на дывэса́ лэ́скирэ назорейство́скирэ: трэй лэс тэ янэ́н кэ скэдыибнаскирэ-шатракиро загиибэ́н,