Čysly 5:15 - Библия - Пэ Балтитко Романи чиб (Романэс) 2019

¹⁵ мэк тэ янэло ром пэскирья́ ромня́ кэ раша́й, и тэ янэл пал ла́тэ дро свэ́нто дыибэ́н (жэ́ртва) дэ́што паш эфа ячменёстыр (ґэрстытко) яржо́; нэ мэк тэ на чхувэ́л пэ ла́тэ елеё, и мэк тэ на чхувэ́л ливано, пал-дова́ со дава́ исын яныбэ́н зэвлыныпнаскиро, яныбэ́н тэ пририпирэл, саво́ янэ́ла рипирибэ́н пал чорипэ́н;

Biblija - Pe Baltitko Romani čib (Romanes) 2019

¹⁵ mek te janelo rom peskirjá romniá ke rašái, i te janel pal láte dro svénto dyibén (žértva) déšto paš efa jačmienjostyr (ĥerstytko) jaržó; ne mek te na čhuvél pe láte jeliejo, i mek te na čhuvél livano, pal-dová so davá isyn janybén zevlynypnaskiro, janybén te priripirel, savó janéla ripiribén pal čoripén;

Čysly 5:15 Referans Kwoze

Езэкилё 29:16

и на явэ́на бутэды́р подрикирибнаса Израилёскирэ кхэрэ́скэ, а саво́ рипирлас лэ́нгиро грэ́хо, и ґалёна, со Мэ сом Рай Дэвэ́л, Дэвэ́л.”

3 Kralip 17:18

И пхэндя́ ёй Илияскэ: “Со ту́кэ кэ мэ, ману́ш Дэвлэ́скиро? Ту явдя́н, соб (кай) тэ пририпирэс мирэ́ грэ́хи и тэ мулякирэс мирэ́ чхавэ́с?”

Левито 5:11

Ко́ли ёв на могинэ́ла тэ янэл дуе́н горлицэн ци дуе́н тэрнэ́ голумбэн, мэк тэ янэл пал дава́, со кэрдя́ грэ́хо, дэ́што паш (эфа) дрэ свэ́нто дыибэ́н пал грэ́хо; мэк тэ на чхувэ́л пэ ла́тэ елеё, и ливано, мэк тэ на чхувэ́л пэ ла́тэ, пал-дова́ со дава́ исын пал грэ́хо;

Юдэ́нгэ 10:3

Нэ амэ со бэрш рипираса пал грэ́хи, ке́ли янаса свэ́нта дыибэна́ пэ алта́рё.

Osija 3:2

Ѓа́да, мэ киндём ла ваш пэ́скэ пал дэшупандж шэ́кели руп, и пал екх пашэ́са хомеро ґэрсто (ячменё).”

Левито 2:1

Ко́ли вари-конэ́стэ пэ ило́ тэ янэл Ра́скэ-Дэвлэ́скэ маруно́ свэ́нто дыибэ́н, мэк тэ янэл яржо́ парнэ́ гивэстыр, и чхувэ́ла пэ лэ́стэ елеё (оливи́тко дзэт), и чхувэ́ла пэ лэ́стэ ливано,

Čysly 5:16

а раша́й мэк тэ янэл ла и тэ чхувэ́л ла анги́л Ра́скирэ-Дэвлэ́скиро муй,

Езэкилё 21:23

Кадава́ драбакирибэн сыкадыя́ дрэ Ерусалимо́скирэ – манушэ́нгирэ якха́ хохаибнаса, нэ пал-дова́, со ёнэ совлахадэ, кра́ли пририпирдя пал лэ́нгиро чорипэ́н, соб (кай) тэ лэн фо́ро марибна́са.”

Левито 1:2

“Пхэн Израилёскирэ чхавэ́нгэ и пхэн лэ́нгэ: ке́ли вари-кон тумэ́ндыр камэ́ла тэ янэл свэ́нто дыибэ́н (жэ́ртва) Ра́скэ-Дэвлэ́скэ, тэды, ко́ли кхэритконэ́ мурдалэ́ндыр (ското́стыр), то соб (кай) тэ янэ́н тумэ́ тумаро́ свэ́нто дыибэ́н ґуртостыр ци стадатыр: