Čysly 5:14 - Библия - Пэ Балтитко Романи чиб (Романэс) 2019

¹⁴ и ко́ли явэ́ла пэ лэ́стэ зэвлыпнаскиро ду́хо (фа́но) и ёв явэ́ла тэ зэвлынэл (тэ ревнинэл) пэскирья́ ромня́, ке́ли ёй исын магирды, ци ке́ли пэрэ́ла пэ лэ́стэ зэвлыпнаскиро ду́хо (фа́но), и ёв явэ́ла тэ зэвлынэл пэскирья́ ромня́, ке́ли ёй нанэ магирды, –

Biblija - Pe Baltitko Romani čib (Romanes) 2019

¹⁴ i kóli javéla pe léste zevlypnaskiro dúho (fáno) i jov javéla te zevlynel (te rievninel) peskirjá romniá, kiéli joj isyn magirdy, ci kiéli peréla pe léste zevlypnaskiro dúho (fáno), i jov javéla te zevlynel peskirjá romniá, kiéli joj nane magirdy, –

Čysly 5:14 Referans Kwoze

Гиленгири (Соломоно́скири) Гилы́ 8:6

Причху́в ман пэ тыро́ ило́ сыр чэргэнори́, сыр ангрусты пэ тыро́ васт, пал-дова́ со пирамнипэ́н (камлыпэн) исын зорало́ сыр мэрибэ́н: пирамнипэ́н зэвлынэла сыр маґила (кула); ла́кирэ марибны́тка бустя́ (стре́лы) исын сыр ягитка бустя́, сыр яг, сави́ на мурдёла.

Pritčy 6:34

Пал-дова́ со зэвлыныпэ́н выкхарэла ла́кирэ-ромэскиро холякирибэ́н, и ёв на явэ́ла тэ тангинэ́л (тэ жалинэл) дро дывэ́с, сыр явэ́ла тэ дукхавэл палэ.

1 Коринфянэнгэ 10:22

Нау́што амэ ява́са тэ муршкинаспэ тэ холякирас Дэвлэ́с? Нау́што амэ сам зоралэды́р Лэ́стыр?

Софония 3:8

“Палдава́ ужакирэн Ман”, – ракирэ́ла Рай Дэвэ́л, – “кэ/ жы́ко дава́ дывэ́с, дро саво́ Мэ ява́ва тэ бангякирав. Миро припхэныбэ́н исын дасаво, соб (кай) тэ кэдав кхэтанэ́ кралипэна́ тэ вычхував пэ лэ́ндэ Мири́ холы́, сари́ Мири́ бари холын; пал-дова́ со Мирэ́-зэвлыныпнаскири яг похала сари́ пхув.

Čysly 5:30

ці, ке́ли пэ ромэстэ пэрэ́ла зэвлыныпнаскиро ду́хо (фа́но), и ёв явэ́ла тэ зэвлынэл пэскирья́ джувля́: тэды мэк ёв тэ чхувэ́л ромня́ анги́л Ра́скирэ-Дэвлэ́скиро муй, и кэрэ́ла ла́са раша́й саро́ пир дава́ Зако́но.