Čysly 4:34 - Библия - Пэ Балтитко Романи чиб (Романэс) 2019

³⁴ И пиригиндлэ Мо́йза и Ааро́но и барыдыра́ Каафавоскирэ чхавэ́н пир лэ́нгирэ ро́ды и пир лэ́нгирэ чэ́карья,

Biblija - Pe Baltitko Romani čib (Romanes) 2019

³⁴ I pirigindle Mójza i Aaróno i barydyrá Kaafavoskire čhavén pir léngire ródy i pir léngire čékarja,

Čysly 4:34 Referans Kwoze

Čysly 3:27

Каафостыр сыс ро́до Амрамоскиро и ро́до Ицгараскиро, Хевроноскиро ро́до, и Узиилоскиро ро́до: далэ́ исын Каафоскирэ ро́ды.

Čysly 4:33

Ѓа́да, исын бутя́ Мераринэнгирэ-чхавэ́нгирэ родо́стыр, пир лэ́нгиро дынарибэ́н пашы́л скэдыибна́скири ша́тра, тэл Ифамароскиро дыкхибэ́н, Аароно́скирэ-рашаскирэ чхавэ́стэ.”

Čysly 4:35

трияндэ бэршэ́ндыр и пхурэды́р кэ пандждэша́ бэрш, сарэ́н, кон сыс дрэ зор тэ кэрэ́л буты́, тэ дынаринэ́л дрэ скэдыибна́скири ша́тра;

Čysly 1:4

Тумэ́нца трэй, соб (кай) тэ явэ́л екх ману́ш тэ явэ́н кажнонэ́ родыцо́стыр пир екхэ манушэ́стэ, саво́ дро пэ́скирэ-дадэ́скиро ро́до исын шэрало́.

1 Паралипоменоно 23:24

Ѓа́да, сыс чхавэ́ Левиёскирэ, пир лэ́нгирэ дадэнги́рэ кхэра́, шэритка пэ чэ́карья (семействы), пир лэ́нгирэ-лавэскиро гиныбэ́н пир шэрэ́, савэ́ кэрдэ́ дынарибнытка (служыбнытка) бутя́ дро Ра́скирэ-Дэвлэ́скиро Кхэр, бишэ́ бэршэ́ндыр и буты́р.