Čysly 4:15 - Библия - Пэ Балтитко Романи чиб (Романэс) 2019

¹⁵ И ке́ли скэдэлапэ дрэ дром ста́но (таборо (лод)), Ааро́но и лэ́скирэ чхавэ́ учхакирэна сарэ́ свэ́нта штэ́ты и сарэ́ свэнтонэ́-штэтоскирэ предметы, тэды Каафоскирэ чхавэ́ явэ́на, соб (кай) тэ лыджа́н; нэ нашты́ ёнэ тэ чилавэн свэ́нто штэ́то, соб (кай) тэ на мэрэ́н. Далэ́-скэдыибнаскирэ скиниякирэ паша́ исын бангэ́ тэ лыджа́н Каафоскирэ чхавэ́.

Biblija - Pe Baltitko Romani čib (Romanes) 2019

¹⁵ I kiéli skedelape dre drom stáno (taboro (lod)), Aaróno i léskire čhavé učhakirena saré svénta štéty i saré sventoné-štetoskire priedmiety, tedy Kaafoskire čhavé javéna, sob (kaj) te lydžán; ne naštý jone te čilaven svénto štéto, sob (kaj) te na merén. Dalé-skedyibnaskire skinijakire pašá isyn bangé te lydžán Kaafoskire čhavé.

Čysly 4:15 Referans Kwoze

Čysly 7:9

а Каафоскирэ чхавэ́нгэ на дыя́, пал-дова́ со буты́ лэ́нгири сыс тэ лыджа́н свэ́нто штэ́то – пэ псикэ́ ёнэ сыс бангэ́ тэ лыджа́н.

Яви́р Зако́но 31:9

И чхиндя́ Мо́йза дава́ Зако́но, и отдыя́ лэс рашангэ, Левиёскирэ чхавэ́нгэ, савэ́ лыджа́нас Ра́скирэ-Дэвлэ́скиро Заветоскиро ковчэго, и сарэ́ Израилёскирэ-чхавэ́нгирэ пхурыдырэнгэ.

Čysly 10:21

Тэ́ньци (после) гинэ́ Каафовоскирэ чхавэ́, савэ́ лыджа́нас приборы свэнтонэ́ штэто́стыр; ша́тра сыс чхуды́ анги́л лэ́нгиро явибэн.

1 Паралипоменоно 15:2

Тэды пхэндя́ Дави́до: “Никонэ́скэ нашты́ тэ лыджа́л Дэвлэ́скиро ковчэго, апри́ч Левитэндэ; пал-дова́ со лэн выкэдыя́ пэ дава́ Дэвэ́л, соб (кай) тэ лыджа́н Дэвлэ́скиро ковчэго и тэ дынаринэ́н (тэ служинэн) Лэ́скэ пэ ве́ко.”

1 Kralip 6:19

И домардя́ Ёв Вефсамисоскирэ манушэ́н пал дова́, со ёнэ поддыкхэнас дро Ра́скирэ-Дэвлэ́скиро ковчэго, и замардя́ манушэ́ндыр пандждэша́ тысёнцы эфтадэша́ манушэ́н; и зарондлэ мануша́, пал-дова́ со домардя́ Рай Дэвэ́л манушэ́н барэ́ марибна́са.

1 Паралипоменоно 15:15

И лыджинэ́ Левитэ́нгирэ чхавэ́ Дэвлэ́скиро ковчэго, сыр припхэндя́ Мо́йза пир Ра́скирэ-Дэвлэ́скиро лав, пэ псикэ́ пэ шосты (баландиня́).

2 Kralip 6:13

И ке́ли мануша́, савэ́ лыджинэ́ Ра́скирэ-Дэвлэ́скиро ковчэго и гинэ́ пир шов ґэруня (шаги), то ёв янэлас дро свэ́нто дыибэ́н Ра́скэ-Дэвлэ́скэ гуруво́рэс и бакрэ́с.

Isúso 4:10

Рашая́, савэ́ лыджинэ́ ковчэго, сыс тэрдэ́ машки́р Иорда́но, пака кэрдо́ сыс саро́, со Рай Дэвэ́л припхэндя́ Исусо́скэ тэ пхэнэ́с манушэ́нгэ, – адя́кэ, сыр ракирдя́ Мо́йза Исусо́скэ; а мануша́ далэ́ часоса бахталэс пириджанас.

Čysly 3:38

Англатунэ́ рига́тыр дрэ ша́тра, кэ васто́ко анги́л скэдыибна́скири ша́тра, сави́ сыс рисии, кай ґаздэ́лапэ кхам, сыс бангэ́ тэ чхувэ́н ста́но (таборо (лод)) Мо́йза и Ааро́но и лэ́скирэ чхавэ́, савэ́нгэ сыс допатяндыно тэ ракхэ́н свэ́нто штэ́то пал Израилёскирэ чхавэ́ндэ; а ко́ли вари-кон подджа́ла явирэ манушэ́ндыр (саво́ на Аароностыр), явэ́ла отдыно́ мэрибна́скэ.

Čysly 1:51

и ке́ли явэ́ла трэй тэ пирилыджас ша́тра, мэк Леви́ты тэ ґаздэ́н ла; и ке́ли явэ́ла трэй тэ чхувэ́н ша́тра, мэк Леви́ты тэ чхувэ́н ла; а ко́ли подджа́ла вари-кон явирэ манушэ́ндыр, явэ́ла отдыно́ пэ мэрибэ́н.

Vygiiben 19:12

и пролыджа ваш манушэ́нгэ сарэ́ ригэ́ндыр шпэ́ра (чэрта), и пхэн: ‘Ракхэ́нпэ тэ заджа́н пэ бэ́рга и тэ чилавэнпэ кэ ла́кири подэшва (низо); кажно (сва́ко), кон чилавэлапэ кэ бэ́рга, отдыно́ явэ́ла мэрибна́скэ;

Vygiiben 27:7

и чхув андрэ́ баландиня́ лэ́скирэ дрэ брэнчы адя́кэ, соб (кай) баландиня́ тэ явэ́н пир дуй рига́ дро алта́рё, ке́ли тэ лыджас лэс.

Левито 16:13

и чхувэ́ла ла хачкирдэ́ вангарэнца пэ яг анги́л Растэ-Дэвлэ́стэ, и о́блоко фимиамостыр (гудлэ́ смолэндыр) учхакирэ́ла дэнко (крышка), саво́ тэ явэ́л пэ ковчэго досыкаибна́са (откровенияса), соб (кай) лэ́скэ тэ на мэрэ́л;

Čysly 1:50

нэ допатя Левитэ́нгэ ша́тра досыкаибна́са и саро́, со трэй ваш ла́кэ, со исын пашы́л ла́тэ; мэк ёнэ тэ лыджа́н ша́тра досыкаибна́са и саро́, со трэй ваш ла́кэ, и тэ дынаринэ́н (тэ служынэн) пашы́л ла́тэ, и пашы́л ша́тра мэк тэ чхувэ́н пэ́скиро ста́но;

Čysly 4:14

и чхувэ́на пэ лэ́стэ сарэ́ лэ́скирэ кхорэ́ (сасу́ды), савэ́ трэй ваш буты́ пашы́л лэ́стэ, – лопаткицы ваш вангар, бустя́ (вилки), лопатки, и тахтая́, сарэ́ кхорэ́ (сасу́ды) алтарёстыр, и учхакирэна лэс учхакирибнаса синёнэ цыпэндыр, и чхувэ́на андрэ́ лэ́скирэ баландиня́.

Čysly 4:19

нэ, ґа́да, со трэй лэ́нгэ тэ кэрэ́н, соб (кай) ёнэ тэ явэ́н джидэ́ и тэ на мэрэ́н, ке́ли явэ́на кэ Свэ́нто-свэнтонэнгиро: Ааро́но и лэ́скирэ чхавэ́ мэк ёнэ тэ явэ́н и тэ чхувэ́н лэн кажнонэс дрэ буты́ лэ́скири и пашы́л дро лэ́нгиро лыджаибэн;

Čysly 4:20

нэ кокорэ́ ёнэ нашты́ тэ явэ́н, тэ дыкхэ́н свэ́нто штэ́то, ке́ли учхакирэна лэс, соб (кай) тэ на мэрэ́н.”

Čysly 18:3

мэк ёнэ тэ дынаринэ́н (тэ служынэн) ту́кэ и тэ дынаринэ́н пэ сари́ ски́ния; екх, соб (кай) тэ на подджан кэ свэнтонэ́-штэтоскирэ предметы и кэ алта́рё, соб (кай) тэ на мэрэ́н и лэ́нгэ, и тумэ́нгэ.

2 Kralip 15:24

Ѓа́да и Садоко, и сарэ́ Леви́ты лэ́са лыджинэ́ Дэвлэ́скирэ завето́скиро ковчэго Вефаратыр, и чхудэ́ Дэвлэ́скиро ковчэго; Авиафаро сыс тэрдо́ пэ вучипэ́н, пака сарэ́ мануша́ выгинэ́ форо́стыр.

1 Паралипоменоно 23:26

И Левитэ́нгэ на трэй тэ лыджа́н ски́ния и кажна предметы (чысы) ла́кирэ тэ дынаринэ́н дрэ ла́тэ.”

Vygiiben 19:21

И пхэндя́ Рай Дэвэ́л Мойза́скэ: “Джа́ тэлэ́ и допхэн манушэ́нгэ, соб (кай) ёнэ тэ на кушэнпэ кэ Рай Дэвэ́л тэ дыкхэ́н Лэс, и, соб (кай) бут лэ́ндыр тэ на хасён;

3 Kralip 8:3

И явнэ́ сарэ́ пхурыдыра́ Израилёскирэ; и ґаздынэ́ рашая́ ковчэго.