Čysly 32:23 - Библия - Пэ Балтитко Романи чиб (Романэс) 2019

²³ Ко́ли тумэ́ на кэрэ́на адя́кэ, тэды тумэ́ кэрэ́на грэ́хо анги́л Растэ-Дэвлэ́стэ, и джинэ́н, со ка́ра пал тумаро́ грэ́хо, саво́ латхэ́ла тумэн;

Biblija - Pe Baltitko Romani čib (Romanes) 2019

²³ Kóli tumé na keréna adiáke, tedy tumé keréna grého angíl Raste-Devléste, i džinén, so kára pal tumaró grého, savó lathéla tumen;

Čysly 32:23 Referans Kwoze

Isajos 59:12

Пал-дова́ со бут чорипэ́н амэ кэрдя́м анги́л Ту́тэ; амарэ́ грэ́хи допхэнэна (досыкавэна) пал амэ́ндэ; амарэ́ налачхэ́ рэ́нды исын амэ́нца, амаро́ чорипэ́н амэ джина́са.

Pritčy 13:21

Фуипэ́н родэ́ла грэхитконэ́ манушэ́н, нэ чачунэ́ манушэ́нгэ отплэскирэлапэ палэ лачхипна́са.

Džiibén 44:16

О Юда пхэндя́: “Со амэ́нгэ тэ пхэнас амарэ́ ра́скэ? Со тэ ракирас? Со́са тэ ячаспэ чачунэнца (тэ оправдынаспэ)? Дэвэ́л латхя́ тырэ́-писхарьенгиро чорипэ́н: ґа́да, амэ сам писха́рья амарэ́ хула́скэ, и амэ, и одова́, дрэ савэскирэ васта́ латхяпэ тахта́й.”

Psalmy 90:8

Ту чхудя́н амарэ́ чорэ́ рэ́нды анги́л Пэ́стэ, амарэ́ гарадэ́ грэ́хи тэ дыкхэ́н лэн.

1 Коринфянэнгэ 4:5

Тэды на сэндякирэн анги́л дова́, сыр Рай Дэвэ́л явэ́ла, Саво́ дудвалякирэла (обсвэнцынэла) и калэ́ (цёмна) чораханыбэна и откэрэла пэ якха́ адя́кэ-паць ґарадэ́ мысли дро манушы́тко ило́; и тэды сва́ко (кажно) ману́ш дорэсэ́ла (долэла) шарибэ́н Дэвлэ́стыр.

Džiibén 4:7

Ко́ли кэрэ́са лачхипэ́н, то со́скэ на ґаздэса муй радыпнаса? А ко́ли на кэрэ́са лачхипэ́н, тэды пашы́л вуда́р исын пашто́ грэ́хо (бизо), ёв тырдэла тут кэ пэ, нэ ту яв хула́са пэ лэ́стэ.”

Римлянэнгэ 2:9

ту́га и калыпэ́н явэ́на кажнонэ́ (сваконэ) манушэ́скирэ илэскэ, саво́ кэрэ́ла фуипэ́н, англэды́р Юдэ́нгэ, и адя́кэ-паць и Элинэ́нгэ (Грекэ́нгэ/Баламэ́нгэ):

Isajos 3:11

Нэ би́да исын налачхэ́ манушэ́скэ: ёв прилэ́ла холы́ пал пэ́скирэ рэ́нды.

Psalmy 140:11

Мэк хачкирдэ́ вангара тэ пэрэ́н пэ лэ́ндэ, мэк ёнэ тэ пэрэ́н дрэ яг, дрэ бидугно́скирэ ґанбиня́ (ямы), соб (кай) ёнэ тэ на уштэ́н палэ.

Psalmy 139:11

Ко́ли мэ пхэнавас: “Мэк тэ учхакирэл калыпэ́н (цямлыпэ́н) ман, и мэк тэ явэ́л дуд (свэ́то) ратяса трусця́л ма́ндэ;

Džiibén 13:13

Мануша́, савэ́ дживдэ́ кэ Содо́мо, сыс фуй и древа́н грэхи́тка анги́л Растэ-Дэвлэ́стэ.

Isúso 7:18

Пхэндя тэ подджа́л лэ́скирэ чэкарьякэ пир екхэ манушэ́стэ, и сыс упхэндло́ Ахано, Хармиёскиро чхаво́, Завдиёскиро чхаво́, Заракиро чхаво́, Юда́скирэ родыцо́стыр.

Pritčy 5:22

Фуй ману́ш кокоро́ хасёла пэ́скирэ чорипна́стыр, а лэ́скиро грэ́хо сы́рбы шэлэнца пхандэла лэс кокорэс.

Jona 1:7

И пхэндлэ́ ёнэ екх екхэ́скэ: “Явэ́н, чхурдаса жре́биё, соб (кай) амэ сашты́ тэ джинас, пир конэ́стэ дава́ пхарипэ́н пыя́ пэ амэ́ндэ?” И ґа́да, ёнэ чхурдынэ́ жре́биё, и кокалко сыкадя́ пэ Ёнастэ.

2 Kralip 3:39

Мэ какана́ ишчо (инкэ́) бизорья́киро, мэк мэ(хоць) и сом помакхно пэ кралипэ́н, а адалэ́ мануша́, Саруяскирэ чхавэ́, зоралэды́р ма́ндыр; мэк тэ дэл Рай Дэвэ́л манушэ́скэ, саво́ кэрэ́ла фуипэ́н пир лэ́скиро фуипэ́н!”

3 Kralip 2:32

Мэк тэ обрискирэл Рай Дэвэ́л рат лэ́скиро пэ шэро́ лэ́скиро пал дова́, со ёв замардя́ дуе́н муршэ́н, савэ́ на сыс бангэ́ и фэды́р лэ́стыр: замардя́ куртала́са, би джиныбнаскиро мирэ́ дадэ́скиро Давидо́скиро, Авенирос, Нироскирэ чхавэ́с Израилёскирэ-халадэ́нгирэ барыдырэ́с, и Амесаёс, Иефероскирэ чхавэ́с, Юдэя́кирэ халадэ́нгирэ-барыдырэ́с.

3 Kralip 2:33

Мэк тэ обрисёл рат лэ́нгиро пэ шэро́ Иоавоскиро и пэ шэро́ лэ́скирэ-родоскиро пэ ве́ко, а Давидо́скэ, и родо́скэ лэскирэскэ, и лэ́скирэ кхэрэ́скэ, и лэ́скирэ троноскэ, мэк тэ явэ́л рама́нё (миро) пэ ве́ко Ра́стыр-Дэвлэ́стыр!”

Pritčy 24:16

пал-дова́ со чачуно́ ману́ш сашты́ (могинэ́ла) тэ пэрэ́л эфта́ (битринэ́нгиро дэш) мо́лы и ёв уштэ́ла, нэ фуй ману́ш пэрэ́ла дрэ бари би́да.