Čysly 32:14 - Библия - Пэ Балтитко Романи чиб (Романэс) 2019

¹⁴ И дыкхэ́н, заме́ст тумарэ́ дадэндэ, ґаздынэ́пэ тумэ́, грешникэнгиро ро́до, соб (кай) тэ кэрэ́н буты́р Ра́скирэ-Дэвлэ́скири холы́ пэ Израилё.

Biblija - Pe Baltitko Romani čib (Romanes) 2019

¹⁴ I dykhén, zamiést tumaré dadende, ĥazdynépe tumé, griešnikengiro ródo, sob (kaj) te kerén butýr Ráskire-Devléskiri xolý pe Izrailjo.

Čysly 32:14 Referans Kwoze

Luka 11:48

Адя́кэ тумэ́ допхэнэна ж пэ тумарэ́ дадэндэ, и подрикирэна лэн дро дова́, со ёнэ кэрдэ́; пал дава́, со ёнэ замарэнас пророкэ́н, а тумэ́ лэ́нгэ кэрэ́на коплицы.

Езэкилё 20:21

Нэ чхавэ́ ґаздынэ́пэ пэ Ма́ндэ, на кэрэ́нас пир Мирэ́ упхэныбэна́, на ракхэнас, соб (кай) тэ рикирэнпэ кэ Мирэ́ зако́ны, со ко́ли ёнэ тэ кэрэ́н дова́, со́стыр дживэлас бы ману́ш, нэ ёнэ магирдэ́ Мирэ́ са́ваты, и Мэ пхэндём, со Мэ вычхувава пэ лэ́ндэ Миро холямипэн, кэра́ва пир Мири́ холы́ и Мэ хасякира́ва лэн пэ чхучи́ пхув.

Isajos 57:4

Конэ́стыр тумэ́ санапэ? Пэ конэ́стэ откэрэна муй, конэ́скэ сыкавэ́на чиб? Ци на тумэ́ сан чхаворэ́ чорипна́стыр, ро́до хохаибнаскиро.

Isajos 1:4

Ай, грэхи́тка мануша́лэ, народо, саво́ исын пхэрдо́ пэ́скирэ грэхэ́нца, на́лачхо ро́до, хасибны́тка чхавэ́! Тумэ́ ячкирдэ́ Рас-Дэвлэ́с, чхурдынэ́ свэнтонэ́ Израилёскирэ Дэвлэ́с, рисинэ́ палэ.

Psalmy 78:57

И ёнэ дынэпэ палэ и сыс напатяибнытка сыр лэ́нгирэ дада́: ёнэ вырисёнас сыр банго́ лу́ко.

Ióvo 14:4

Ци сашты́ тэ бияндёл бидошэ́нгиро ману́ш манушэ́стэ дошэнца? Ние́кх!

Ниеми́я 13:18

Хай, на адя́кэ-паць кэрдэ́ тумарэ́ дада́ и пал дава́ Дэвэ́л амаро́ яндя́ пэ амэ́ндэ и пэ дава́ фо́ро сари́ дая́ би́да? Тумэ́ холякирэна буты́р Дэвлэ́с пэ Израилё, магири са́вато (субо́та).

Е́здра 10:10

И Е́здра, о раша́й, уштыя́ и пхэндя́ лэ́нгэ: “Тумэ́ кэрдэ́ напатяибныткэс и тумэ́ лынэ́ пэ́скэ джувле́н явирэ-тхэмэ́скирэ нацые́ндыр, и далэ́са тумэ́ кэрдэ́ барэды́р банг Израилёскири.

Džiibén 8:21

И сунгадя Рай Дэвэ́л гудло́ тхув (дымо) и пхэндя́ Рай Дэвэ́л дро Пэ́скиро ило́: “Мэ на ява́ва буты́р тэ прокошав пал пхув манушэ́с, пал-дова́ со манушэ́скиро ило́ исын тэ кэрэ́л фуипэ́н лэ́скирэ тэрныпнастыр: и буты́р Мэ на ява́ва тэ хасякира́в саро́, со исын джидо́, сыр Мэ кэрдём.

Džiibén 5:3

Адамо дживдя́ шэл тэ трия́нда бэрш, и лэ́стыр бия́ндыя чхаво́, саво́ зджалас пэ лэ́стэ, и саво́ сыс пир лэ́скири патри́н (о́бразо) и дыя́ лэ́скэ лав: Сифо.

Čysly 32:15

Ко́ли тумэ́ отрисёна Лэ́стыр, тэды Ёв нэвэ́стыр ячкирэ́ла тумэн пэ чхучи́ пхув, и тумэ́ хасякирэна сарэ́ адалэ́ манушэ́н.”

Яви́р Зако́но 9:24

Тумэ́ на кандынэ́ Рас-Дэвлэ́с долэ́-паць дывэсэ́стыр, сыр мэ яцём тэ джина́в тумэн.

2 Паралипоменоно 28:13

И пхэндлэ́ лэ́нгэ: “На лыджа́н адари́к пленонэн, пал-дова́ со грэ́хо явэ́ла амэ́нгэ анги́л Растэ-Дэвлэ́стэ. Нау́што тумэ́ думинэ́на тэ дочхувэн кэ тумарэ́ грэ́хи и кэ тумаро́ чорипэ́н? Бари исын банг амари́, и яг холынакири Ра́скирэ-Дэвлэ́скири пэ Израилё.”