Čysly 30:13 - Библия - Пэ Балтитко Романи чиб (Романэс) 2019

¹³ ко́ли ла́киро ром, шуны, отлыджала лэн, тэды сарэ́, савэ́ выгинэ́ ла́кирэ уштэндыр ла́кирэ совэла и отпхэныбэна ла́кирэ илэ́скирэ на явэ́на: ла́киро ром отлыя зор лэ́ндыр, и Рай Дэвэ́л отмэкэ́ла ла́кэ.

Biblija - Pe Baltitko Romani čib (Romanes) 2019

¹³ kóli lákiro rom, šuny, otlydžala len, tedy saré, savé vyginé lákire uštendyr lákire sovela i otphenybena lákire iléskire na javéna: lákiro rom otlyja zor léndyr, i Raj Devél otmekéla láke.

Čysly 30:13 Referans Kwoze

1 Коринфянэнгэ 11:3

Нэ мэ кама́м, соб (кай) тумэ́ тэ джинэ́н, со Христо́со исын Шэрало́ пэ сарэ́ муршэндэ, а ром исын шэрало́ пэ ромня́тэ, и Дэвэ́л Дад исын Шэрало́ пэ Христосо́стэ.

1 Коринфянэнгэ 11:9

И мурш нанэ создыно́ ваш джувля́кэ, а джувлы́ исын создыны́ ваш муршэ́скэ.

Isajos 58:5

Ци дасаво исын посто, саво́ Мэ выкэдыём? Дывэ́с, ко́ли ману́ш тэ зрикирэл пэс? Ману́ш пэ́скиро ди, ко́ли бандякирэл пэс, сыр тришчына (тростнико), пэ́скиро шэро́; сыр ёв урьелапэ дрэ пхуранэ́ и́ди, бэшэ́ла дро пра́хо. Ци кадава́ кхарэса ту постоса, пхэнэ́са, со дава́ дывэ́с явэ́ла лачхо́ Ра́скэ-Дэвлэ́скэ?

Psalmy 35:13

Нэ ке́ли ёнэ сыс насвалэ, мэ со́мас уридо́ дро дзарано гоно́ праскаса (пеплоса); мэ тэлякирдём пэ́скиро ди постоса и миро мангипэ́н Дэвлэ́скэ рисия́ кэ миро ило́.

Е́здра 8:21

И пхэндём мэ зоралэ́с анги́л манушэ́ндэ, соб (кай) тэ постинас пашы́л рэка (лэнь) Агава, соб (кай) тэ тыкнякирас пэс дрэ амарэ́ илэ анги́л амарэ́ Дэвлэ́стэ, тэ вымангас Лэ́стыр бахтало́ дром амэ́нгэ и амарэ́ тыкнэнгэ, и ваш саро́ амаро́ миштыпэ́н.

Čysly 29:7

И пэ дэ́што дывэ́с далэ́ эфта́-чхонэ́скиро, мэк тэ явэ́л тумэ́ндэ свэ́нто скэдыибэ́н. Чхувэ́н пэс тэлэды́р дрэ тумарэ́ илэ, и нисаво́ рэ́ндо тэ на кэрэ́н;

Левито 23:32

дава́ исын ваш тумэ́нгэ дро са́вато тэ откхинёл, и обрикирэн тумарэ́ дия́, бэльвэлятыр долэ́ дывэсэ́стыр дро еня́то дывэ́с чхонэ́скиро; бэльвэлятыр кэ бэльвэ́ль свэнкинэн тумаро́ са́вато.”

Левито 23:27

“Адя́кэ-паць пэ дэ́што дывэ́с дро дава́-паць эфта́то чхон, дывэ́с тэ жужакирэн пэс, мэк тэ явэ́л тумэ́ндэ свэ́нто скэдыибэ́н; пририкирэн (притасавэн) тумарэ́ дия́, и янэ́н Ра́скэ-Дэвлэ́скэ свэ́нто дыибэ́н;

Левито 16:29

И дава́ мэк тэ явэ́л ваш тумэ́нгэ сыр ве́чно упхэныбэ́н: дро эфта́то (бидуе́нгиро дэ́што) чхон, дро дэштонэ-чхонэ́скиро дывэ́с тэ явэ́н ковлэ́ тумарэ́ дия́, и ни саво́ рэ́ндо тэ на кэрэ́н, ни ману́ш явирэ пхувья́тыр, ни ману́ш, саво́ явирэ рига́тыр, саво́ дживэ́ла машки́р тумэ́ндэ,

1 Коринфянэнгэ 7:5

На отпхэнэнпэ екх екхэстыр, ко́ли фэ́ни (то́ка) екх пир доракирибэ́н екх екхэ́са пэ вари-саво́ часо, соб (кай) тэ́ньчи тэ отдэ́н пэс постоскэ и патерьякэ (молитвакэ) Дэвлэ́скэ ваш дова́, соб (кай) на́лачхо тэ на злыджал тумэн пал дова́, со тумэ́ на рикирэ́на пэс дрэ васта́.

Čysly 30:12

и ла́киро ром шундя́, и ёв сыс штыл пал дова́, и на запхэндя ла́кэ, тэды сарэ́ ла́кирэ совэла явэ́на, и кажно отпхэныбэ́н, саво́ ёй чхудя́ пэ пэ́скиро ило́, явэ́ла дрэ зор;

Čysly 30:14

Кажно совэ́л и кажно совла́х кошыбнаса, соб (кай) тэ чхувэ́л тэлэды́р пэ́скиро ди, ла́киро ром сашты́ (могинэ́ла) тэ зоралякирэл, и ла́киро ром сашты́ (могинэ́ла) тэ отлыджал;