Čysly 3:13 - Библия - Пэ Балтитко Романи чиб (Романэс) 2019

¹³ пал-дова́ со сарэ́ англатунэ́ чхаворэ́ – Мирэ́; дро дова́ дывэ́с, ке́ли Мэ хасякирдём сарэ́н англатунэн бияторэн пэ Египто́скири пхув, Мэ высвэнцякирдём Пэ́скэ сарэ́н англатунэн Израилёскирэ манушэ́стыр кэ кхэри́тка мурдала́ (ското); ёнэ исын бангэ́ тэ явэ́н Мирэ́. Мэ сом Рай Дэвэ́л.”

Biblija - Pe Baltitko Romani čib (Romanes) 2019

¹³ pal-dová so saré anglatuné čhavoré – Miré; dro dová dyvés, kiéli Me xasiakirdjom sarén anglatunen bijatoren pe Jegiptóskiri phuv, Me vysvenciakirdjom Péske sarén anglatunen Izrailjoskire manušéstyr ke kherítka murdalá (skoto); jone isyn bangé te javén Miré. Me som Raj Devél.”

Čysly 3:13 Referans Kwoze

Luka 2:23

сыр исын чхиндло́ дро Дэвлэ́скиро Зако́но: “Кажно муршоро, саво́ выджа́ла да́кирэ лочовя́тыр (утробатыр), тэ явэ́л свэнцякирдо ваш Дэвлэ́скэ”,

Vygiiben 13:12

отдэ́ Ра́скэ-Дэвлэ́скэ саро́, со откэрэла лочови́ (утроба); и саро́ англатуно́ тыкно́ кхэритконэ́ мурдалэ́ндыр (ското́стыр), саво́ явэ́ла ту́тэ, муршканэ́ родо́стыр, Ра́скэ-Дэвлэ́скэ,

Vygiiben 13:2

“Высвэнцын Ма́нгэ кажнонэс англатунэс (пэрвонэс) биято́с, саво́ откэрэла кажно лочови́ (утроба) машкира́л Израилёскирэ чхавэ́ндэ, манушэ́стыр кэ кхэри́тка мурдала́ (кэ ското): ёнэ исын Мирэ́.”

Левито 27:26

Фэ́ни (екхэ) пэрвонэ́ тыкнорэн мурдалэ́ндыр, савэ́ отлыджанапэ Ра́скэ-Дэвлэ́скэ, нашты́ нико́н тэ дэл дрэ свэнтыма: ци гурув да, ци тыкно́ кхэри́тко мурда́л, ёнэ исын Ра́скирэ-Дэвлэ́скирэ.

Vygiiben 13:15

Пал-дова́ со, ке́ли фарао́но на камдя́ тэ отмэкэ́л амэн, Рай Дэвэ́л мулякирдя́ сарэ́н, кон бия́ндыя англатуно́ пэ Египто́скири пхув, кон бия́ндыя англатунэ́ манушэ́стэ кэ англатуно́ тыкно́ кхэритконэ́ мурдалэ́ндыр; палдава́ мэ яна́ва саро́ дро свэ́нто дыибэ́н (жэ́ртва) Ра́скэ-Дэвлэ́скэ, со роспхандэла лочови́ (ложэсна), муршытконэ родо́стыр, а кажнонэс, кон бия́ндыя англатуно́ мирэ́ чхавэ́ндыр, выкинава.

Юдэ́нгэ 12:23

тумэ́ явнэ́ пашылэды́р кэ Кхангири́, кай скэдынэ́пэ радыма́са чхаворэ́, савэ́ пэ́рва бияндёна, конэскирэ лава́ исын зачхиндлэ́ дро Болыбна́скиро Раё, и кэ Дэвэ́л, Саво́ исын Сэнда́ри пэ сарэ́ндэ и кэ манушэ́нгирэ ду́хи, со ячнэ́ бидошакирэнца;

Езэкилё 44:30

Кажно пэ́рво пхабай/пло́до долэ́стыр, со барьёла пэ пхув, кажно свэ́нто яныбэ́н, савэ́ бы ёнэ тэ на явэ́н, исын раша́нгирэ, саро́ пэ́рво тумарэ́ марэстыр отдэ́н раша́скэ, соб (кай) тэ явэ́л бахтякирдо́ тыро́ кхэр.

Čysly 18:15

Сарэ́, савэ́ роскушэна дакири лочови́ дрэ кажно лоч (плоть), сави́ янэ́на Ра́скэ-Дэвлэ́скэ, манушэ́ндыр и кхэритконэ́ мурдалэ́ндыр (ското́стыр), мэк тэ явэ́л тырэ́; екх англатуно́ (пэ́рво) манушэ́ндыр исын банго́ тэ явэ́л выкиндло, и англатуно́ нажужэ́ кхэритконэ́ мурдалэстыр тэ явэ́л выкиндло;

Vygiiben 34:19

Сарэ́, кон роскэрэла лочови́ (ложэсны) Ма́нгэ, сыр и саро́ тыро́ кхэри́тко мурда́л (ското) муршытконэ родо́стыр, кон роскэрэла лочови́, гурувэндыр и бакрэ́ндыр;

Vygiiben 22:29

На зарикир тэ янэс Ма́нгэ пэ́рва барьякирдэ́ (пло́ды) тырэ́ гумностыр (гиваобкэрибнаскирэ шурнатыр) и тырэ́ пресостыр (точылостыр); отдэ́ Ма́нгэ одолэ́ чхавэ́ндыр, кон бия́ндыя англатуно́;

Ниеми́я 10:36

адя́кэ-паць тэ янас дро амарэ́-Дэвлэ́скиро Кхэр кэ рашая́, кэ мануша́, савэ́ дынаринэна дрэ амарэ́-Дэвлэ́скиро Кхэр, амарэ́ англатунэн чхавэ́н амарэн чхавэ́ндыр и амарэ́ кхэритконэ́ мурдалэ́ндыр (ското́стыр), сыр исын зачхиндло́ дро Зако́но, и англатунэ́ амарэ́ барэ́ и тыкнэ́ мурдалэ́ндыр (ското́стыр).

Čysly 3:41

и лэ Левитэ́н ваш Ма́нгэ, – Мэ сом Рай Дэвэ́л, – и заме́ст (пэ штэ́то) сарэ́ндэ англатунэндэ Израилёскирэ чхавэ́ндыр, а Левитэ́нгирэ кхэритконэ́ мурдалэ́н заме́ст (пэ штэ́то) саро́ пэрвонэ́-бияныпнытко мурдалэнгиро кхэритконэ́ Израилёскирэ чхавэ́ндыр.”

Čysly 18:6

пал-дова́ со тумарэ́ пшалэ́н, Левитэ́н, Мэ лыём Израилёскирэ чхавэ́ндыр, и дыём лэн тумэ́нгэ, дро да́ро Ма́нгэ, Ра́скэ-Дэвлэ́скэ, соб (кай) ёнэ тэ кэрэ́н свэ́нто буты́ пашы́л скэдыибна́скири ша́тра;

Čysly 33:4

дрэ дова́ часо Египтя́ни ґарадэ́ сарэ́н англатунэн чхаворэ́н, савэ́н хасякирдя́ лэ́ндэ Рай Дэвэ́л, и пэ лэ́нгирэ дэвлорэндэ Рай Дэвэ́л кэрдя́ сэ́ндо.